Bordeleko errektoretzaren erabakiaren harira, euskarazko irakaskuntzaren aldeko izenpedura bilketa abian da
Hiriburuko eskola publikoan euskara hutsezko esperimentazio proiektua abiatzea ukatu berri du Bordeleko errektoretzak, betiko argudioarekin: derrigorrezko irakaskuntza frantsesez egin behar dela. Geroz eta ahots gehiagok du jarrera hau salatzen eta herritarrak ere badu bidea, petizio bidez.
Zaharrak berri Bordeleko errektoretzan: Frantziako Konstituzioari segi derrigorrezko irakaskuntza frantsesez egin behar da eta euskara hutsezkoak ez du lekurik. Azken asteetan berriz ere oroitarazi dute, Hiriburuko eskola publikoan euskara hutsezko esperimentazio proiektu bat abiatzea ukatu izanaren esplikazio gisa. Zaharrak berri euskaldunen artean ere: Kasu, behar izanez gero mobilizatzen jakinen dugu.
Egunez egun, geroz eta ahots gehiagok du Bordeleko errektoretzaren jarrera publikoki salatzen. Herritar gisa ere deitoratu daiteke egoera, sarean jarritako izenpedura bilketan parte hartuz. 2.500 izenpedura bildu dituzte hiru egunez.
Euskalgintza kexu eta kezkatuta
“Eskola publikoan murgiltze klaseak idekitzea errefusatzea ikasleek euskara eta euskaraz kalitatezko irakaskuntza eskuratzeko duten eskubidea urratzea" dela dio Euskal Konfederazioak, gehituz hautuz hizkuntza-aniztasuna “borrokatzen” segitzen duela Frantziako Gobernuak.
Aterabiderik ez bada aurkitzen kaleetatik exijituko dela ulertarazi du Euskal Konfederazioak: “Iraganean hainbat aldiz euskararen irakaskuntzaren eta erabilpenaren alde masiboki mobilizatzen jakin duen jendartea erne egotera deitzen du”.
EEPk salatutako erabakia
Uztailaren 15ean eman zuen Bordeleko errektoretzaren jarreraren berri Euskararen Erakunde Publikoak. Frantziako Estatua, Akitania Berria eskualdea, Pirinio Atlantikoetako departamendua eta Euskal Hirigune Elkargoaren partaidetzan oinarritzen da 2004an sorturiko egitura hau. Egoera gogorki salatu eta "kontsentsu politiko, instituzional eta soziala" zalantzan jarriak direla gehitu zuen orduan Mathieu Berge Akitania Berriko ordezkariak.
Elkargoaren mozioa, aho batez bozkatua
Uztailaren 17an Euskal Hirigune Elkargoak aho batez bozkatu zuen Bordeleko Errektoretzaren jarrera “ulertezina eta onartezina” dela dion mozioa. Jarrera salatzeaz gain, euskara hutsezko esperimentazioak "garatzea eta indartzea" galdegin dute hautetsiek, aho batez.
Betiko jakobinismotik idatzitako gutuna bidali zion Alain Iriart Hiriburuko auzapezari Bordeleko errektoretzak: Frantziako 1958ko Konstituzioaren arabera derrigorrezko irakaskuntza “Errepublikako hizkuntzan” –ulertu frantsesez– egin behar oroitaraziz. Hori horrela, ez dio onartu euskara hutsezko murgiltze ereduaren esperimentaziorik eta baliteke postura bera agertzea beste herrietako eskaerei buruz ere. Gainera, argudio hori ikastolei begira ere bideratzeko arriskua badela diote euskalgintzako hainbat eragilek.
Euskalgintzaren Kontseilua hizkuntza larrialdia bizi dugula ohartarazten ari da azken astetan. Urte dezente pasa dira euskararen biziberritze-prozesuaren egoera bidegurutzean, errotondan, inpasse egoeran eta antzeko hitzekin deskribatzen hasi zenetik, hizkuntza politikek... [+]
Lau egunez idekia izanen den merkatu bat antolatzen du Plazara kooperatibak euskararen aldeko beste hamar bat eragilerekin –horien artean ARGIA–.
Barakaldoko Udalak euskararen erabilera “umiliagarria” egin duela salatu du Sasiburu euskara elkarteak. Salaketa argitaratu ostean kanpainaren euskarazko bertsioa ezabatu du udalak. Halakorik berriz gerta ez dadin arduradunen barkamen publikoa eta behar diren... [+]
Korsikako legebiltzarkideek ezin dute Korsikako Asanblean korsikeraz hitz egin, Bastiako Auzitegiaren 2023ko epai baten arabera. Ebazpen horri helegitea jarri zion Asanbleak, baina debekua berretsi du orain auzitegi berak. Epaiak tokiko beste hizkuntzei eragiten diela ohartarazi... [+]
Zenbat komunikazio egoeratan ateratzen da galtzaile euskara? Arduradunak ez duelako aurrez pentsatu hizkuntzak nola kudeatu, erresistentziak egoten direlako eta haiei erantzuteko argudioak prest ez daudelako… Soziolinguistika Klusterrak jendaurrean.eus gida ipini du... [+]
“Ez da posible hiri guztia zeharkatu behar izatea seme-alabak hemengo jatorriko hizkuntzan murgiltzeko” salatu dute guraso askok. Euskarazko plazak ere “oso urriak direla” salatu dute familia askoren artean eginiko bideoan.
Durangoko Azokako berrikuntzetako bat izango da ZirHika taldeak sortu duen hikalarien bilgunea. Hika hitz egitea eta ongi pasatzea izango da helburua, abenduaren 7an Landako ikastetxean.
Askotan gertatu izan zait etxetik lanbroari so egon ostean, blai bukatuko dudala jakin arren, aterkirik ez hartzea. Zergatik ote? Beharbada, aterkia hartzeko gogorik eza? Beharbada, bustiko ez naizen itxaropena? Kontuak kontu, ondorioa beti berbera izan da. Esaerak dio, euri... [+]
Gogoan daukat, 16 urterekin, Bergarako epaitegi aurrean egindako euskararen aldeko elkarretaratze batean identifikatu ninduela Ertzaintzak lehen aldiz. Euskal Herrian epaitegiak euskalduntzeko aldarria zilegi zela pentsatzen genuen, baina, orduan ere, faltako zen baimenen bat,... [+]
Azaroaren 26an eta 27an, Langune Euskal Herriko Hizkuntza Industrien Elkarteak eta FUEN Federal Union of European Nationalities erakundeak antolatuta, ‘Hizkuntzen irabazia. Benefits of language industry in the economy’ kongresua egingo da Donostiako Kursaalean. Han... [+]
Lup izeneko gailuak testuak ahots bihurtzen ditu adimen artifizialari esker. Hainbat hizkuntza bihurtzeko gaitasuna dauka. Teknologia gutxiko gailua da, hain zuzen aurrerapen teknologikoetatik urrun dagoen jendeari balio diezaion. Ikusmen arazoak dituztenentzat sortu eta... [+]
Bi irakasle eta ikerlarik inkesta jarri dute sarean, euskarazko esamolde batzuen inguruko datuak biltzeko. Bost minutu hartuko dizu betetzeak baina adi, bi galdetegi daude, egun bakoitian jaio bazara 1A betetzeko eskatzen dizute, eta egun bikoitian jaioa bazara 1B delakoa.
Euskarari Puzka azken kanpainan 16.000 saski saldu dituzte, eta euskararen alde lan egiten duten elkarteentzat bideratuko zaie lortutako etekina.
Andoni Urrestarazu Landazabal Araiako herrian 1902ko uztailaren 16an jaio zen eta 1993ko azaroaren 21ean hil zen Gasteizen. 31 urte bete dira jadanik eta bere izena eta izana aitortzeko une aproposa dela deritzot, ez baita ongi ezagutzen utzitako ondarea. Umandi, bere herriko... [+]
Lehenengo aldiz “euskararen aldarriak hedatzeko” azoka antolatu dute euskararen biziberritzean lan egiten duten zortzi elkartek. Euskararen egunean irekiko da azoka eta abenduko beste hiru egunetan ere egongo da zabalik.