Euskarazko hedabideetan gaztelaniazkoetan adina publizitate instituzional jartzeko proposatu du Donostiako EH Bilduk
Atzo argitaratu genituen datuek erakusten dute Donostiako Udal Gobernuaren publizitate instituzionalak hedabideetan jartzen duen publizitatea nagusiki gaztelaniazko hedabideetan agertzen dela. Horren aurrean, EH Bildu koalizioak euskarazko hedabideetan gaztelaniazkoetan adina publizitate jartzeko proposatu du.
Pluraltasuna eta bi hizkuntza ofizial dituen lurraldeko hiztun komunitate euskaldunari zerbitzu publiko berbererak emateko obligazioa aipatu ditu EH Bilduk argitaratutako oharrean. Izan ere, koalizioaren ustez, Donostiako Udal Gobernuak ez du euskaldunok euskaraz informatzeko dugun eskubidea bermatzen.
Atzo argitaratu genituen datuen arabera, Donostiako Udalak hedabideetan 2021ean jarritako publizitate instituzionala modu desorekatuan banatuta dago hedabideen hizkuntzaren arabera. Ia milioi erdi (496.408) euro ordaindu zien gaztelaniazko hedabideei haietan publizitate instituzionala jartzeagatik, euskarazkoei, aldiz, 32.000 euro. Zehazki, El Diario Vasco eta Ser Irrati kateak diru-poltsaren ia erdia jaso dute, eta euskarazko hedabide guztiak batuta –Berria, Euskadi Irratia, Gaztea, Irutxuloko Hitza, ARGIA, Aizu, Bertsolari, Gaztezulo, Hamaika Telebista eta Donostia Kultura irratiak– %6,43.
Datu horiek eskuan, Donostiako EH Bilduk euskarazko hedabideetan gutxienez gaztelaniazko hedabideetan adina publizitate instituzional jartzeko proposatu du, hiriko eta herrialdeko euskarazko hedabideetan mezuak bi hiztun komunitateri helarazi behar zaizkiela kontuan izanda. Beraz, koalizioaren ustez, aurten euskarazko hedabideetan jarritako publizitate kopurua bikoiztu egin beharko litzateke, eta igoera horri eutsi beharko lioke Udalak aurrerantzean ere.
Horrez gain, Udal Gobernuak 2020an hiriko euskarazko hedabideen dirulaguntzak murriztu izana ere kritikatu du EH Bilduk. Irutxuloko Hitzari %20 murriztu zioten laguntza, eta Hamaika telebistari %50. Erabakia COVID-19aren ondorioei aurre egiteko hartu bazen ere, aurtengo aurrekontuetan murrizketak iraun duela salatu du koalizioak, eta horrek euskarazko hedabideei oinarri ekonomiko ziur bat ematea eragozten duela, Donostiako Udalaren egoera ekonomikoa ona izan arren.
Bere sorterri Ataunen hil da Maximo Aierbe Muxika, 74 urterekin. Euskaldunon Egunkariaren sortu aurreko eta ondoreneko urte malkartsuetako eginahaletan parte hartu zutenek gogoratuko dute proiektu berriaren akziodun bila hainbeste lan egindako gizon hura. Disziplina eta... [+]
Ikusiker Ikusentzunezkoen Behategiaren txosten berrienak euskal gazteek informazioaren / albisteen kontsumoan duten interesa aztertu dute. Emaitzak interesgarriak dira; laburbilduta, informazioaren interesa egon badago, eta informazio-iturri fisa, sare sozialak dira gehienen... [+]
Sare sozial horretako hainbat erabiltzaileri zozketa bat irabazi dutela dioen mezua bidali diete kontu faltsutik, euskara txukunean idatzita. Mezua jasoz gero, ez klikatu esteka eta ez eman datu korronteari buruzko daturik, iruzur bat da eta. Euskalerria Irratiak kontu hori... [+]
Hemen eman ahal zaio atxikimendua manifestuari. Agerraldi herritarra egingo da ekainaren 21ean, 19:30ean Amurrioko Udaletxearen aurrean.
Ekainaren 19an, 20an eta 21ean greba dago deituta El Diario Vasco-ko langileen artean, hitzarmen kolektiboa eguneratzeko aurrerapausorik ez delako eman. Gainera, maiatzaren 30az geroztik sinadura greba egiten ari dira kazetariak: “Hori ezkutatzeko enpresak lehentasuna... [+]
Ehunka herritarrek hartu dute parte Aldatu Gidoiak deitutako manifestazioarekin, larunbat arratsaldean. Kulturan eta ikus-entzunezkoetan euskararen aldeko politikak eta bitartekoak exijitu dituzte. Kulturako eta euskalgintza hainbat kidek hartu dute hitza amaierako ekitaldian.
Hamasen tresna izatea leporatuta ezarri du debekua estatu sionistak. Al Jazeerak akusazioak ukatu ditu eta ahots kritikoak isilarazi nahia salatu du. Nazioarteko hainbat elkartek kritikatu dute “prentsa askatasunaren aurkako erasoa”. Debekua 45 egunekoa da momentuz,... [+]
Nafarroako euskara hutseko irratiak 25 urte bete ditu eta Dialeko azkenak dokumentalean bildu dute bere ibilbidea. Maiatzaren 3an Larraintzarren estreinatuko dute, eta hurrengo asteetan Aizarotzen eta Erason egongo da ikusteko aukera.
Maiatzaren 18an, Gasteizen, egingo da mobilizazioa Aldatu gidoia euskararen alde lelopean. Kanpainan parte hartzen ari diren eragileek Eusko Jaurlaritzari eskatu diote euskararen aldeko politikak ezartzeko ikus-entzunezkoetan, eta EITBn beharrezko baliabideak jar ditzala... [+]
25 urte beteko ditu aurten Gara egunkariak. Ez da erraz izan. Teknologiak ekarritako iraultzari neurria hartuagatik ere, Espainiako auzitegietako epaileek erabakitako oztopo arbitrarioek egunean eguneko jarduna baldintzatu dute. Mirari hutsa, Iñaki Soto zuzendariaren... [+]
