Hezitzaile lanpostuetarako euskarazko eta gaztelaniazko azterketak ordu berean, Barañainen
Barañaingo EH Bilduk salatu du Barañaingo Udalak haur eskoletarako hezitzaileen deialdian euskarazko eta gaztelaniazko azterketak egun eta ordu berean jarri dituela, eta hala, hautagaiak hizkuntza bat aukeratzera behartzen dituela.
Euskalerria Irratiak jaso du albistea. Barañaingo Udalak bi haur eskoletarako hezitzaileak ordezkatzeko zerrenda berezituak osatu nahi ditu. Horretarako, azterketak egun eta ordu berean jarri ditu, euskaraz eta gaztelaniaz. Beraz, hautagai elebidunak derrigortuta daude bakarrean parte hartzera. EH Bilduren ustez, molde horrek euskaldunak diskriminatzen ditu. Barañaingo EH Bilduk egindako adierazpena jaso du Euskalerria Irratiak: "Hezkuntza eremuan zerrendak osatzeko metodo diskriminatzaile hori duela urte batzuk gainditu zen Nafarroan, eta orain, espezialitate bereko azterketak egiteko aukera ematen zaie pertsona guztiei, baldin eta eskatutako titulazioa badute. Barañainen, duela hamar urtetik hona, funtzionatzeko modua zerrenda bakarra izan da, eta EH Bilduk uste du metodo hori dela operatiboena eta bidezkoena". Alderdiaren ustez, "gobernu taldearen politika euskarafoboek udalaren funtzionamendua oztopatzen dute".
Zizur zendeako Udalean euskarazko lanposturik ez
Hedabide berak eman du euskaldunen aurkako diskriminazio honen berri ere. Uztailaren 22ko Nafarroako Aldizkari Ofizialak dakar zehaztapena: 2024ko udaleko plantilla hamabi lanpostuk osatuko dute eta ez da eskatzen horietako batean ere euskara ezagutzarik. Euskara ez da meritu gisa ere kontuan hartuko. Afera 2016tik dator: Nafarroako Administrazio Auzitegiak Zizur zendeako Udalaren plantilla organikoa baliogabetu zuen euskarari lotutako lanposturik ez aurreikustearren. Ebazpenean bereziki aipatzen zuen Eskualdeetako eta Eremu Urriko Hizkuntzen Europako Gutuna. Zizur zendeako Erreniega Taldeak helegitea jarri zuen udalaren asmoen aurka eta eta irabazi egin zuen. Udalak ez du bete auzitegiak ebatzitakoa, eta Erreniega Taldeak adierazi du "lotsagarria" dela udalaren jarrera.
Euskarazko eskaintza handitzeko akordioa erdietsi dute EH Bilduk, PSNk, Geroa Baik eta Zurekin Nafarroak
Plazara, AEK, Uda Leku, Dindaia eta Ebete antolakundeak Baionan elkartu dira Famili'on egonaldi ibiltariaren lehen edizioa aurkezteko. Hizkuntza mailaren arabera eskaintza bat edo beste egongo da eta haur zein gurasoentzat izango da udaberrian.
Administrazio Epaitegiak arrazoia eman dio EH Bilduk Lizarrako plantilla organikoaren hizkutnz profilen aurka jarritako helegiteari.
Ingelera orduak handitu eta euskarazkoak murrizteko foru aginduaren kontrako helegitea aurkeztu du STEILAS sindikatuak. “Murgiltzea ataka larrian jartzen ari dira” salatu dute.
Lizarraldean euskara sustatzeko lana egiten duen Bagara elkarteak egin du salaketa: "Sorkuntzarako gaitasuna bultzatzen da eta pentsamendua kritikoa lantzen, hori guztia ikuspegi ludikotik, gozamenean oinarrituta".
Haurrak dituzten familiei egiten diete deia, bereziki. Seme-alabentzat onena nahi dugulako, etorkizunerako aukerak zabaltzea litzateke euskara ematea. "Eleaniztasunaren aldeko hautua egiteko gonbidapena da, euskara ematea batzea delako", esan du Ana Ollo Euskara... [+]
"Etorkizuneko zubiak" eraikiz, azpimarratu dute "garai nahasi hauetan" euskararen aldeko aldarriak ozen entzun behar direla aurrerantzean: "Bada garaia euskarari dagokion tratamendua, lekua, emateko".
Modu horretan, euskara eta euskal kultura hiriaren bihotzera eraman duen proiektuari egonkortasuna eta sendotasuna emanen diote.
Urtea amaitu baino lehen gehiengo politikoaren oniritzia lortu nahi du udalak
Nafarroako Legebiltzarrean datorren urteko aurrekontuak ixteko negoziazioetan ari dira egunotan alderdiak, eta horietan adostutakoaren arabera, euskararen Euskararen Nafar Institutuak iaz baino 1,3 milioi gehiago izango ditu.
Euskal Herri osoan euskara eta hiztun komunitatea larrialdi egoeran daudela berretsi zuen azaroan Kontseiluak eta, ostegun honetan, egoera hori Nafarroan zertan datzan azaldu du Iruñean. Era berean, herrialdean ataka horretatik ateratzeko egin beharrekoak azpimarratu ditu.
Hamabi haur eskola publiko daude Iruñean, eta horretatik bakarrean dago euskarazko eredua. Protesta egin dute dozena bat eragilek, eta euskal hiztunen “egoera berezia” aintzat har dezan galdegin diote udalari.
“Ez da posible hiri guztia zeharkatu behar izatea seme-alabak hemengo jatorriko hizkuntzan murgiltzeko” salatu dute guraso askok. Euskarazko plazak ere “oso urriak direla” salatu dute familia askoren artean eginiko bideoan.
Euskarari Puzka azken kanpainan 16.000 saski saldu dituzte, eta euskararen alde lan egiten duten elkarteentzat bideratuko zaie lortutako etekina.