Euskaraz modu ludikoan trebatzeko Hi Haiz Hi lehiaketa abian da
12 eta 16 urte bitarteko gazteak aisialdian euskaraz aritzea du xede Ametzagaiña eta Iametza enpresek sortutako jolasak. Gazteek egunero euskal erreferente bat asmatu behar dute eta gramatikaren inguruko galderak erantzun behar dituzte horretarako. Egitasmoa martxan jarri zenetik astebete igaro ondoren balorazio positiboa egin diete sortzaileek ARGIAri.
Hi Haiz Hi egitasmoa abenduaren 2an abiatu zuten eta 15ean amaituko da. Lehiaketaren bidez gazteen artean euskararen erabilerak duen gainbeherari erantzun nahi izan diote sortzaileek, bultzada emateko asmoz.
Jokuaren dinamika eguneko pertsonai euskaldun bat asmatzea da, eta Hihaizhi.eus web orrian parte hartu ahal da. Lausotuta agertuko den argazki batean oinarrituta, ezkutuko pertsona nor den igarri behar da. Argibideak lortzeko euskararen inguruko galderak asmatu behar dira eta guztira bost saiakera daude zein den atzemateko.
Jolasa parte hartu nahi duen ororentzat irekia bada ere, gaztetxoen artean jarri nahi izan dute arreta. Iametzako kideek ARGIAri azaldu diotenaren arabera bi dira, lehiaketa 12 eta 16 urteko nerabeei zuzentzeko arrazoiak.
Batetik, euskararen erabilerari lotutakoa. Euskara sustatzeko adin “erabakigarri” bat den heinean, beharrezkoa ikusi dute euskara maila zein euskal erreferenteen ezagutza sakontzea. Sare sozialetan aurkitu ditzaketen erreferenteez haratago, euskal eremuko erreferenteak sustatu nahi izan dituzte.
Bestetik, tresna digitalen erabilerari lotutakoa, adin tarte horretakoek mugikor edo ordenagailua eskura izaten baitute. Tresna digitalen bidez, aisialdian gazteen euskara erabilera sustatu nahi izan dute.
Puntuazio altuena
Bi asteko luzera izango du lehiaketak eta aste bakoitzean irabazle bat izendatuko dute. Puntu gehien lortzea da helburua, eta horretarako iraupena, saiakera kopurua eta behar izandako argibide kantitatea hartuko dira kontuan.
Aste bakoizteko irabazleak jarioka mahai joko bana irabaziko du, eta sailkapen orokorreko sari nagusia, berriz, Irri Sarri Land abentura parkerako sarrera bikoitza izango da. Abenduaren 16tik aurrera iragarriko dituzte irabazleak webgunean eta lehiaketaren antolaketarekin lagundu duten Irutxuloko Hitzan zein Kukulaisi Aisialdi Topagunean. Horrez gain, irabazle bakoitzari posta elektroniko bidez jakinaraziko diote sariduna dela.
Euskararen sustapena
Iametzako helburuetako bati erantzuten dio Hi Haiz Hi proiektuak, euskararen sustapena tresna digitaletatik abiatuta egiteari alegia. Azken urteetan antzeko egitasmo eta lehiaketa gehiago ere sortu dituzte, horren adibide da duela bi urte eginiko Memeka. Euskarazko edukien sorkuntzan zentratzen zen hura, eta oraingo honetan “beste buelta bat” eman nahi izan diote, “euskarazko edukiak sortu baino euskarazko erreferenteak ezagutarazi nahi izan ditugu”.
Euskal pertsonaia publikoei “beren lekua” eman nahi izan diete gazteen artean ezagunagoak izan daitezen, eta bide batez, “euskara hobetzeko edo irakasteko ahalmen txiki batekin” lotu nahi izan dute proiektua.
Benetan nahasia da euskara ikasteko dirulaguntzen kontu hori. Euskara ikasi nahi duen herritarrak leihatila bat baino gehiagotara jo beharko du egin nahi duen ikastaroa zenbat kostatuko zaion eta dirulaguntzak nondik, nola eta noiz lortuko dituen jakiteko. Oraindik ere dirua... [+]
Euskal Herrian sortzen den eduki guztietarako sarbidea eskaintzeko sortu du erreminta Izarkomek. Urtarrilaren 2tik aurrera egongo da erabilgai Begizta, oraingoz Izarkom eta Onaro operadoreetan. Edukia hainbat gailu ezberdinetan ikusteko aukera emango du, baita bost profil... [+]
Irungo Udalak barkamena eskatu eta asteazken honetarako bilerara deitu ditu hiriko elkarte euskaltzaleak, baina beste norabide bat hartu du aferak eta gaia ez du berehalakoan itxiko. Gabonetako ekitaldian euskara baztertzeagatik udala salatu duten elkarteak zeuden deituta... [+]
Euskaraz bizitzeko, Euskararen Errepublika lelopean egin du manifestazioa larunbatean Euskal Herrian Euskarazek, Landako gunetik abiatuta. Euskal Errepublika aldarrikatzera, indarrak batzera eta euskararen aldarria lau haizetara zabaltzera deitu dute Durangoko kaleetan... [+]
Irungo euskaldunen pazientziak gainezka egin du; haserre daude eta oraingoan ez dira "isilik geratuko". Gabonetako argiak pizteko ekitaldia erdara hutsean egin izanak hiriko 35 elkarte eraman ditu udalaren hizkuntza politika salatzera –aurrekari gutxi izango ditu... [+]
1994an EHUko Arte Ederretako ikasleek protestak abiatu zituzten. Bost irakasle euskaldun lortzeko hiru hilabeteko greba egin zuten, eta bitarte horretan Leioako fakultatea okupatu. Euskal jendartearen babes handia izan zuten, baina Poliziaren errepresioa ere jasan zuten; Bilboko... [+]
ETB1ek Bizkarsoro filma estreinatu zuen Euskararen Egunean iluntzean. ETB2ri aldi berean gaztelaniazko azpidatziekin ematea proposatu bazioten ere, kate horretan Tasio eskaini zuten gaztelaniaz azkenean, eta horrek haserrea sortu du euskaldun askorengan sareetan.
Azken asteotan esku artean ibili ditut honako bi liburuak: Euskararen gogoetagunea (Euskaltzaindia, 2024) eta Mariano Ferrer, el periodismo reflexivo. Kazetaritza eta konpromisoa (Erein, 2023) . Irakurri dut euskaldunen %42,2k ikusten duela ETB1, eta %20,6k irakurtzen duela... [+]
Neronek esan nezake, baina Macronek esan zuen. Frantses nazioa zatitzeko tresnak omen dira frantsesa estatu hizkuntza bilakatu baino lehenagotik ere exagonoan baziren hizkuntza horiek. Aitortu ordez Frantziak hizkuntza horietako hiztunak azpiratu, uniformizatu eta asimilatu egin... [+]
2022an egin nuen topo Cristinarekin lehen aldiz, Eusko Ikaskuntzak antolaturiko Aniztasunaren kudeaketa demokratikoa Nafarroan proiektuaren baitan. Nafarroa Garaiko errealitate soziopolitikoaren ordezkari-edo ginen zortzi gazte elkartu eta batzen eta bereizten gaituzten aferez... [+]
Abenduaren 3an alderdi eta eragile politikoek euskararen inguruko beren irakurketa politikoak argitaratzen dituzte. EAJk ere egin du berea Euskara, Euskal Herriaren izana izenburupean. Urte askoan Araba, Bizkaia eta Gipuzkoako hizkuntza politiken ardura izan duen, eta egun ere... [+]
Teilatura igo, eta hainbat instituziok Euskararen Nazioarteko Eguna “aurpegi zuriketarako aprobetxatu ohi dutela” salatu du bikote aktibistak. Frantziako eta Espainiako Konstituzioak “supremazistatzat eta euskaldunentzat baztertzailetzat” jo dituzte, bi... [+]