Talde eragilea aurkeztu dute bestelako hizkuntza politika batzuen aldeko Batuz Aldatu dinamikan
Kontseiluaren dinamizaziopean, iaz ehundik gora euskal eragilek Batuz Aldatu dokumentua adostu zuten, euskaraz bizitzeko bidean urratsak emateko konpromezuarekin. Larunbatean Lehen Biltzarra egin du dinamikak, eta eremuz eremuko euskararen lehentasunak zehaztu dituzte: besteak beste, administrazioak eskainitako zerbitzuak euskaraz jasotzeko eskubidea bermatzea, edota ikasle guztiei bermatzea euskararen gaitasun egokiak.
Euskaraz bizitzea ahalbidetuko duten hizkuntza politikak bultzatzeko helburuz, Batuz Aldatu dinamikak Lehen Biltzarra egin du larunbatean, Donostian. Ehundik gora eragile biltzen ditu ekimenak —ikusi zerrenda hemen—; adostasun sozial “handi eta anitza”, Euskalgintzaren Kontseiluaren arabera, baina orain indar sozial hori adostasun politiko bihurtu nahi dute. Bidea jorratzeko hamar elkarteko Talde Eragilea aurkeztu dute Donostian. Ondorengoek osatuko dute: AEK, Agirre Lehendakaria Center, Athletic Fundazioa, Bizipoza Bilgunea, Euskal Herriko Laborantza Ganbara, Euskal Kontsumitzaileen Alkartea, Euskaltzaleen Topagunea, Eusko Ikaskuntza, Gazte Euskaltzaleen Sarea, Gipuzkoako Erizainen Elkargoa, Mondragon Korporazioa, Nafar Ateneoa eta Zabalik elkartea.
Iazko ekainean sortu zuten, ehundik gora eragileren babespean, Batuz Aldatu dinamikaren oinarria den dokumentua. Talde sozial guztiek erakutsi zuten mugimenduaren parte izateko konpromezua, eta lehen helburuak zehaztu zituzten: batetik, eremuz eremuko lehentasunak identifikatzea, eta bestetik, adostasun soziala politiko bihurtzeko urratsak ematen hastea.
Larunbateko Lehen Biltzarrak helburu horiei erantzun die. Bai Euskal Herri mailan, baita euskara ofiziala den edota ez den eremuetan, lehentasunak sailkatu dituzte. Administrazioan, herritarrei zerbitzua euskaraz jasotzeko eskubidea bermatzeko epemuga zehaztea adostu da. Berdin administrazioak kudeatzen dituen eremuetan: hala nola, aisialdi eta kirol eskaintzak euskaraz izatea. Hezkuntzan, ikasle guztiei euskararen gaitasun egokiak bermatuko dizkien eredu bat ezartzea eskatuko dute.
Kulturari dagokionez, bidea jorratu nahi da sortzaileari langile eskubideak aitortuko dizkion estatusa berariaz garatzeko, eta euskarazko kultur sorkuntzaren produkzioarentzat inbertsioak handitzeko. Azkenik, zehaztu dute hedabideetan finantzazio-sistema egonkorra eta euskarazko ikus-entzunezkoen presentzia bermatzea euskarri desberdinetan.
Talde motor horren ordezkariek nabarmendu dute “guztion bat egiteak” ekarriko duela “euskaraz eroso bizitzea ahalbidetuko duen agertokia”. Horregatik, adostasun soziala ahalik eta gehien zabaltzen jarraitzea espero dute. Aurten Batuz Aldatu biltzarrera batu dira eragile berriak ere: Ekonomisten Euskal Elkargoa, GAURGEROA (Euskal Herriko Jubilatu eta Pentsionisten Elkartea), Gazte Euskaltzaleon Sarea, Gipuzkoako Abokatuen Elkargo Prestua, HiTZ (Euskal Teknologiako Zentroa), Lanartea (Euskararen Langile Profesionalen Elkartea), Pantailak Euskaraz, Sukar Horia, UZEI, Xake Espazioa eta XUTI (Ipar Euskal Herriko gazteen erakundea).
Batuz Aldaturen dinamizatzaile den Euskalgintzaren Kontseiluaren eledunak azaldu du “hizkuntzaren aferan denok dugula zer egin eta zer esan”, eta garrantzitsua dela eragile guztiek hizkuntzaren ikuspegia txertatuta izatea. Dei egin du “elkarrekin eragiteko espazioak eraikitzera” emaitza politiko eraginkorrak lortzeko.
Euskal Herri osoan euskara eta hiztun komunitatea larrialdi egoeran daudela berretsi zuen azaroan Kontseiluak eta, ostegun honetan, egoera hori Nafarroan zertan datzan azaldu du Iruñean. Era berean, herrialdean ataka horretatik ateratzeko egin beharrekoak azpimarratu ditu.
Euskalgintzaren Kontseiluak Larrialditik indarraldira adierazpena plazaratu du Euskararen Egunaren atarian. 2025a euskararen normalizazio eta biziberritze prozesua “noranzko egokian jartzeko urtea” izango dela adierazi du. Bide horretan, lehen eginkizuntzat jo dute... [+]
Euskara eta euskal hiztunen komunitatea larrialdi linguistikoan dagoela adierazi du Kontseiluak. Ohartarazi du “indarrean diren joera soziolinguistikoak eta egiturazko arazoak itzulikatzeko neurri egokiak epe laburrean hartu ezean”, atzeraldia datorrela. Kontseiluak... [+]
Bilboko kaleak bete zituen mobilizaziotik urtebetera, auzitegiek euskararen normalizazioa eta hizkuntza eskubideak gutxiesten jarraitu dutela salatu du Euskalgintzaren Kontseiluak. Auzia gainditzeko euskararen "normalizazioa eta biziberritzea" ezinbestekoak direla... [+]
ELA, LAB eta Kontseiluak elkarretaratzea egin dute, Administrazioarekiko Auzietarako epaitegi batek Kabia organismoari emandako ebazpenaren aurka protestatzeko. Euskara maila bermatzeko ahalegina “hutsaren hurrengoa” bilakatzeko arriskua dagoela salatu dute.
Euskalgintzaren Kontseiluak antolatutako "Ongi etorri Euskararen Mundura" jardunaldiak izan dira Gasteizen ostegunean eta ostiralean. Egun bi bete-beteak, eta mahai gainean Euskararen normalizazio prozesuan euskal herritar berriak integratzeari buruzko praktikak... [+]
UGT sindikatuak B2 maila ezartzearen aurka egin zuen. EAEko Justizia Auzitegi Nagusiak Euskotreneko hautaprobetarako ezarritako euskara eskakizunak ontzat hartu ditu. Kontseiluak esan du, hizkuntza eskubideen defentsan “urrats garrantzitsua” eta “berri... [+]
Urriaren 10 eta 11n Gasteizko Europa Jauregian egingo dira Euskalgintzaren Kontseiluak eta Eusko Jaurlaritzaren Hizkuntza Politikarako Sailburuordetzak lankidetzan urtero antolatzen dituzten jardunaldiak.
Eusko Jaurlaritzak EAEko Euskal Sektore Publikoan Euskararen Erabilera Normalizatzeko Dekretua onartu du otsailean. Duela 27 urteko dekretua ordezkatu du. Euskalgintzako eragileen ustez, Jaurlaritzak ez du baliatu “jauzi ausarta” emateko. Dekretu berriak ez du... [+]
Jaurlaritzak EAEko administrazio publikoa euskalduntzeko iragarri duen dekretua baloratu du Euskalgintzaren Kontseiluak. Aurrerapauso batzuk onartzen badizkio ere, gabeziak eta eta dekretuak hasierako bertsiotik azkenera bidean izan dituen aldaketa negatiboak azpimarratu ditu... [+]
Euskalgintzaren Kontseiluak 2023. urteko irakurketa egin eta ondorioak aurkeztu ditu ostiralean. Bertan, lurralde bakoitzean arloz arloko hizkuntza-politiketako aurrerapausoak, oztopoak eta atzerapausoak azaldu dituzte, eta 2023ak euskararen normalizazioan eta... [+]
Eusko Legebiltzarrak abenduaren 21ean bozkatuko duen EAEko Hezkuntza Legearen balorazioa egin du Euskalgintzaren Kontseiluak. Legea “etorkizuneko belaunaldiei euskaraz jabetzeko eskubidea bermatzetik urrun” geratuko dela kritikatu du. Gehitu du ez dela izango... [+]
Larunbateko manifestazioaren balorazioa egin du Euskalgintzaren Kontseiluak asteartean eginiko prentsa agerraldian. Mobilizazioaren arrakastaren ondoren, euskararen aldeko itun soziopolitiko berri bat indar handiagoz sustatzen jarraitzeko konpromisoa agertu du. Oldarraldiaren... [+]
Euskalgintzaren Kontseiluko idazkari nagusiak larunbateko manifestazio jendetsuaren balorazio baikorra egin du igande goizean Euskadi Irratian. Bildutako jendetza herritarren euskararekiko konpromisoaren erakusgarri dela adierazi du, baina PSEren eta Ahal Duguren falta sumatu... [+]
Euskalgintzaren Kontseiluak deitutako manifestazioan 70.000 pertsona inguru elkartu dira Bilbon. Kontseiluak akordio soziopolitikoa eskatu du, euskararen aurkako oldarraldi judizialari hesia jartzeko eta etorkizunera begirako hizkuntza politikak bideratu ahal izateko.