Euskararentzat justizia eskatu dute ehunka euskaltzalek Baionan
EHEk deituta, Baionan manifestazioa egin dute apirilaren 6an. Euskararentzat eta euskaldunentzat justizia eskatu dute, eta Euskararen Errepublika aldarrikatu. Hilaren 11n EHEko bi kide epaituko dituzte Baionako auzitegian desobedientzia ekintza bat egin izanagatik.
Berria hedabideak jaso duenez, manifestazioa Baionako auzitegian hasi da eta herriko etxearen aurrean bukatu. Justizia euskararentzat lelopean egin dituzte mobilizazioak. Bi xede izan ditu manifestazioak. Batetik, Intza Gurrutxaga eta Gorka Torre EHEko kideei elkartasuna adieraztea, eta bestetik, euskarak jasaten duen zapalkuntza salatzea. Gurrutxagak eta Torrek epaiketa daukate apirilaren 11n, joan den abenduaren 3an, Euskararen Nazioarteko Egunean, desobedientzia ekintza egin zutelako Baionako auzitegiaren eraikinaren gainera igota. Justizia euskararentzat leloa bistaratu zuten. Euskararen zapalkuntza ikusarazi nahi zuten eta euskararentzat justizia aldarrikatu.
EHE taldea, sare sozialetan azaldu duenez, pozik agertu da manifestazioarekin: “Hemen bada euskaraz bizi nahi duen eta euskaldunon aurkako zapalkuntza onartzeko prest ez dagoen herri bat. Pausoz pauso, bidea egingo dugu”.
Eskatu dute zapalkuntzari desobedientzia bidez eta konfrontatuz aurre egitea. ARGIAk manifestazioa baino lehen egindako elkarrizketan Intza Gurrutxagak honela kontatzen zuen desobedientziaren garrantzia: “Desobedientzia ekintzak izugarrizko tresna dira jasaten dugun zapalkuntza bistaratzeko. Ekintza horien bidez, oso ondo ikusten dira, legalki eta marko juridiko eta politiko honetan, euskaldunok dauzkagun zapalkuntza guztiak”.
Apirilaren 11n, Gurrutxagak eta Torrek frantsesez deklaratzeari uko egingo diote. Epaiketa euskaraz egitea eskatua dute, baina ez dute erantzunik jaso. Epaiketa 14:00etan izango da eta lehenxeago auzitegiaren aurrean elkartzera dei egin du EHEk.
Ez atera zalapartarik, ez konfrontatu, ez biktimizatu... eta obeditu. Subjektu zapaldu gisa, kasu honetan euskaldun gisa, mintzo gara, zenbatetan entzun behar izan ditugu halakoak? Ironiaz, honelaxe esan zuen, duela bi urte, Euskaltzale Independentiston Topaketan, Amets... [+]
Euskal Herrian Euskarazek manifestazioa deitu du apirilaren 6rako, 11n EHEko bi kide epaituko dituztelako. Hiriburuetatik autobusak antolatzen ari dira. Bi helburu bete nahi dituzte, batetik, epaituak izango diren bi kideei babesa erakustea, eta bestetik, euskararentzat justizia... [+]
Ba al dakizue frantses batzuk harritu egiten direla mugaren alde honetan ere euskaldunak bagaudela jakitean? Ba bai, harrigarria bada ere, behin, Donostian, frantses batzuei entzun nien sinetsi ezinik beren buruari galdetzen: “Saint-Sébastien est au Pays... [+]
Euskalgintzaren Kontseilua hizkuntza larrialdia bizi dugula ohartarazten ari da azken astetan. Urte dezente pasa dira euskararen biziberritze-prozesuaren egoera bidegurutzean, errotondan, inpasse egoeran eta antzeko hitzekin deskribatzen hasi zenetik, hizkuntza politikek... [+]
Euskaraz deklaratzea ukatu dio epaileak, eta erabaki du ez parte hartzea bere aurkako epaiketan. Auzitegi kanpoan babesa ematera joandako hamarnaka euskaltzaleren aurrean desobedientziarako deia egin du Torrek. Guztira 3.268 euro ordaintzera zigortu dute.
Euskal Herrian Euskarazek apirilaren 22tik 28ra egingo du lehen aldiz Harrotze Astea. EHEk bost ekintza nazional prestatu ditu, eta hortik aurrera, herriz herri hainbat dinamika antolatuko dituzte euskaltzaleek. Sugoi Etxarri EHEko kidea elkarrizketatu dugu. Haren ustez,... [+]
Korrikak lehen asteburua Nafarroan egin du, eta argi ikusi dugu ez dagoela Nafarroa bat, ez eta hiru ere, baizik eta hainbat. Herriz herri egoera soziolinguistikoa eta euskaltzaletasuna erabat aldatzen dira, eta Korrika ere izan da horren lekuko.
Taldea ezagutarazteko eta proiektua finantzatzeko antolatu dute egun osorako egitaraua.
Euskal Herri euskalduna aldarrikatzeaz gain, euskararen aldeko borrokak kalean ikustaraztea eta indartzea izango du xedetzat.
Asteburuko egitaraua aurkeztu dute EHEko kideek. Besteak beste, sei tailer egingo dituzte bi txandatan, euskalgintzako pertsona esanguratsuekin.
Topaketak urriaren 7an eta 8an Villabona-Amasan izango dira. Euskara eta independentzia ardatz hartuta, zenbait gairen inguruko hausnarketak egingo dituzte.
Ehunka lagun elkartu dira Euskal Herrian Euskaraz-ek Iruñean egindako mobilizazioan. Zonifikazioaren legea alde batera utzi, eta Nafarroa osoan euskara ofizial izatea aldarrikatu dute.
Euskal Herrian Euskarazek hiru aldarri izango ditu abenduaren 6an, Durangoko Azoka garaian, Landako gunetik abiatuko den manifestazioan: hizkuntza eskubideak defendatzea, euskararen aurkako erasoei aurre egitea eta Euskal Herri euskaldunaren alde egitea.
Euskal Herrian Euskarazek aurrera egingo du baldin eta eraberritzen bada. Hala azpimarratu du mugimenduak egin berri duen barne-hausnarketan. Garai berrietara egokitutako EHE antolatu nahi dute orain. Independentzia beharra aldarrikatuko dute Euskal Herria euskalduntzeko tresna... [+]