Barakaldoko lan eskaintza publiko bat ere baliogabetu dute euskara eskakizunagatik
Bilboko Administrazio Auzietako bosgarren Epaitegiak baliogabetu egin du 181 posturen Lan Eskaintza Publiko (LEP) bat. Oposiziogile batek salatu duenez, oinarrietan jasotako euskararen puntuazioa “ez dator bat” legearekin. Epaiak bat egin du errekurtsoarekin, eta lehiaketa baliogabetu du.
Barakaldoko Udalak 181 lanpostu betetzeko LEP bat abiatu zuen, baina bertan behera geratu da, El correok jakinarazi duenez. 2022 amaieran, lan eskaintzaren oinarri orokorrak eta espezifikoak argitaratu zituen Bizkaiko Boletin Ofizialak, eta oposiziogile batek euskararen puntuazio “altua” salatu du errekurtso baten bidez.
Epaiaren arabera, euskararen ezagutzaren puntuazioa “ez dator bat” legearekin, eta “baliogabe” izendatu dute. Halaber, jaso du Euskal Funtzio Publikoaren Legeak ezarritako maila gainditzen duela, lehenengo eta bigarren hizkuntza-eredurako ezin duelako gainditu puntuazio osoaren %10a, eta kasu honetan lehenengoa %12,5ekoa zen, eta bigarrena %25ekoa.
Auzitegiak ez du soilik euskararen ezagutza mailaren eskakizuna baliogabetu. 2022an zehaztutako oinarrietan esperientzia profesionalari lotutako irizpide batzuk zeuden, eta bertan jartzen zuen 2016ko urtarrilaren 1etik aurrera udalean antzinatasuna zutenei puntuatuko zitzaiela. Errekurtsoa aurkeztu duen oposiziogileak adierazi du hori "ez datorrela bat" zuzenbidearekin, eta “diskriminazioa” dela. Epaiak bat egin du, eta adierazi du hori ez dagoela justifikatuta eta “ez duela ulertzen” zergatik kentzen zaion balioa lanpostu baten antzinakotasunari sei urte pasa ondoren.
Arkitektoen elkargoaren helegitea dela eta, Donostiako Udalak atzera bota du kontratazio espedientea.
Euskalgintzaren Kontseiluak eta Bizkaiko Foru Aldundiko langileak elkarretaratzea egin dute langileen egonkortzearen eta euskalduntzearen alde.
Baionako eta Donostiako epaitegiak margotu ostean, ostegun gauean Eibarko epaitegian pintaketa egin dute zenbait ekintzailek. "Oldarraldia gelditu" idatzi dute eta pintura berdea jaurti diote eraikinari. Abenduan, CCOO sindikatuaren egoitza ugari margotu dituzte, baita... [+]
"Euskalduna ez den pertsona bat –Nagore de los Rios– hautatu du EITBko zuzendaritza nagusiak Eitb.eus eta Social Media atalerako zuzendari posturako, eta, ondorioz, euskaraz ez dakien pertsona bat izendatu dute helburuen artean euskararen... [+]
Irungo euskaldunen pazientziak gainezka egin du; haserre daude eta oraingoan ez dira "isilik geratuko". Gabonetako argiak pizteko ekitaldia erdara hutsean egin izanak hiriko 35 elkarte eraman ditu udalaren hizkuntza politika salatzera –aurrekari gutxi izango ditu... [+]
Euskararen kontrako epaien oldarrialdien, azkenengoetako bat izan da Gipuzkoako entitate publiko bat, Kabia, kinkan jarri duena, ezarritako hizkuntza eskakizunen kontrako epai batekin. Bertako langileak egonkortzeko prozesuan ezarritako euskara eskakizunak, euskararen... [+]
ELA, LAB eta Kontseiluak elkarretaratzea egin dute, Administrazioarekiko Auzietarako epaitegi batek Kabia organismoari emandako ebazpenaren aurka protestatzeko. Euskara maila bermatzeko ahalegina “hutsaren hurrengoa” bilakatzeko arriskua dagoela salatu dute.
Donostiako Decathlon saltoki handiak errotulazioak euskaraz ez dauzkalako kexa jarri du kontsumitzaile batek Behatokian. Saltokiaren erantzuna (gaztelaniaz) esanguratsua da: Erkidegoko legeak ez du jasotzen inongo inposiziorik karteldegia euskaraz jartzeari buruz. Alegia, lege... [+]
Kabia organismoaren zaharren egoitzetan 54 plaza egonkortzeko 2022an onartutako lan-eskaintza bertan behera utzi du Donostiako epaile Gonzalo Pérez Sanzek. Gipuzkoako Aldundiaren erakundeak jarritako hizkuntza eskakizuna gehiegizkoa eta baztertzailea dela dio epaileak.
Donostiako auzitegiak Gipuzkoako Foru Aldundiko aterpetxeetako garbitzaileen lanpostuen prozesuaren harira sententzia eman du: lanpostu guztietarako hizkuntza eskakizuna ezartzea “proportzioz kanpokoa eta diskriminatzailea” dela dio. CCOO sindikatuak eman du... [+]
Euskal Herriko lurralde batzuetan euskara ofiziala da, besteetan meridianoaren arabera ofiziala ala ukatua eta, aitzitik, ipar aldera bagoaz, toleratua (ez ofiziala).
Azken boladan, epaitegi batzuk ebatzi dute funtzionario publikoek ez dutela euskara ezagutzarik izan behar eta,... [+]
Realeko futbol taldeko entrenatzaile Imanol Alguacilek, Nizan, Europako Ligako partiduaren aurretik eskainitako prentsaurrekoan euskarazko hedabideei euskaraz erantzuten ari zela, hainbat kazetariren kexa entzun behar izan du. Duela astebete antzeko egoera gertatu zen... [+]