Iruñeko Udaleko oposizioko taldeek euskararen ordenantza ezkutuan eta udaleko taldeen adostasunik gabe aldatu izana salatu dute. Aldaketek ziurtasun-falta juridiko handiagoa eragingo dutela gaineratu dute. Iruñeko alkate Yolanda Barcinak Radio Pamplonan egindako adierazpenetan azaldu duenez berriz, euskararen ordenantza UGT, CCOO eta AFAPNA sindikatuek eskatuta aldatu da.