Maiatzaren 10ean agerraldia egingo du Euskalgintzaren Kontseiluak beste hainbat eragilerekn batera, azkenaldian udaletako lanpostuen hizkuntza-eskakizunetan izandako eskuhartze judizialei "desadostasuna agertzeko".
Bilboko epaitegi batek Erandion udaltzain jarduteko hizkuntza eskakizunaren derrigortasuna atzera botatzea euskararen normalizazioaren aurka "botere judizialaren oldarraldiaren urrats berri gisa" jo du Euskalgintzaren Kontseiluak. Bere esanetan euskara-eskakizuna kentzeak "erabat baldintzatzen" du herritarrek udaltzaingoarekin harremana euskaraz izateko duten eskubidea.
Epaileak erabaki du Erandioko lanpostu publiko horretarako B2 mailaren derrigortasun-data ezabatzea. Horretarako beste epai bat hartu du argudio gisa, Uliazpi Fundazioaren lan-deialdiaren kontra EAEko Auzitegi Nagusiak emandakoa, nahiz eta epai hori errekurrituta dagoen. Baina "oraingoan ez dute lan deialdi baten kontra egin, zuzenean Erandioko udaltzaingoko lanpostuen ezaugarrien kontra egin dute", azaldu du Kontseiluak.
Horrek herritarren hizkuntza eskubideengan izan dezakeen eragina nabarmendu du erakundeak: "Erabat baldintzatzen du herritarrek udaltzainekin harremana euskaraz izateko duten eskubidea", azaldu du Kontseiluko idazkari nagusi Idurre Eskisabelek.
"Behin eta berriro datozela euskaldunon eskubideak urratzea are eta errazagoa izatea ahalbidetuko duten epaiak"
(Idurre Eskisabel, Kontseilua)
Ezbaian dagoena da agente guztiek euskararen gutxieneko ezagutza bat izatea, erakundearen aburuz, eta ondorioz edozein agentek herritarrari oinarrizko zerbitzu hori bermatzea.
Maiatzaren 10ean agerraldia
Kontseiluak dio Erandiokoa ez dela kasu isolatua, "azken boladan epaitegietatik datorren joera baten beste katebegi bat baizik". Erakundearen ustez, epai horiekin, udalek hizkuntza-politika egiteko duten eskumena jarri dute auzitan.
"Ikusten ari gara epaitegietatik behin eta berriro datozela euskaldunon eskubideak urratzea are eta errazagoa izatea ahalbidetuko duten epaiak", azaldu du Eskisabalek, eta iragarri du Kontseilua Erandioko Udalarekin harremanetan jarriko dela, helegitea jartzeko babesa eta laguntza eman aldera.
Kontseiluak agerraldia egingo maiatzaren 10ean beste hainbat eragilerekin batera, goizeko 11:00etan EAEko Justizia Auzitegi Nagusiaren Bilboko egoitzaren aurrean, esku-hartze judizial horiei desadostasuna agertzeko.
Irakasleek baxoko ahozkoa euskaraz egiten laguntzeko ekintza egingo dute. Soinean ahobizi eta belarriprest txapak eramango dituzte, ikasleei adierazteko “babes osoa” dutela euskaraz mintzatzeko azterketan.
Donostiako autobus gidari batek maiatzaren 2an, bere hizkuntza eskubideak urratzeaz gain, erantzun euskarafoboa bota ziola salatu du herritar batek. Gertakari horren berri Hizkuntza Eskubideen Behatokiak eman du. ARGIAk pertsona horrekin hitz egin du, zer gertatu zen jakiteko.
Carmen Junyent hizkuntzalaria izan zen katalanez hil ahal izatea bere azken hatseraino aldarrikatu zuena. Hil hurren zela, osasun-langileekin izandako bizipenak idatzi, eta bera hil ondoren argitara zitzatela eskatu zuen. Hizkuntza pertsona batek beste batekiko duen trataeraren... [+]
Hemen eman ahal zaio atxikimendua manifestuari. Agerraldi herritarra egingo da ekainaren 21ean, 19:30ean Amurrioko Udaletxearen aurrean.
Administrazioan Euskaraz taldeak Nafarroako Kontseiluaren jardun euskarafobikoa salatu du ekintza baten bidez. Nafarroako Gobernuak euskarako dekretua prestatzen bost urte eman ondoren, Nafarroako Kontseiluari zirriborroa aurkeztu dio.
2023ko otsailean EAEko Justizia Auzitegi Nagusiak balio gabe utzi zuen Uliazpi Fundazioko 34 zaintzaileren lan deialdirako hizkuntz eskakizuna. Fundazioko langile batzordeak eta Foru Aldundiak sententzia salatu zuten. Euskalgintzaren Kontseiluak adierazi du oldarraldi judizialak... [+]
Seaskako Bernat Etxepare lizeoko ikasleek mobilizaziorako deia luzatu dute maiatzaren 17rako. Guztien arteko sarea irudikatzeko asmoz, ekimenen aipamena Interneten #EuskarazIkasiMatxinada eta #EuskarazBiziMatxinada traolekin zabaltzeko eskaera egin diete.
LABek ohartarazi du Gipuzkoako Foru Aldundiko behin-behineko 119 langileak egonkortzeko egin den bidea bertan behera gelditu daitekeela, hizkuntza eskakizuna ezarri izanagatik helegitea aurkeztu dutelako. LABek eta ELAk elkarretaratzea deitu dute otsailaren 16rako, Donostian.
Errenteria-Oreretako Aurrera tabernako zerbitzariak euskararekiko "mespretxuz" eta oldarkor erantzun zion euskaraz eskatu zuen bezero bati euskalgintzako hainbat kidek salatu dutenez.
Zizurko Udalaren obretako langile lanpostu baten euskarazko profila atzera bota du Iruñeko Administrazioarekiko Auzien 3. Epaitegiak. Erabaki horren aurka elkarretaratzera deitu dute hainbat eragilek. Hizkuntza Eskubideen Behatokiko zuzendari Agurne Gaubekaren aburuz,... [+]
Nafarroako Justizia Auzitegi Nagusiaren aurrean elkarretaratzea egin dute Zizur Nagusiko Udalaren aurka eman den azken epaia salatzeko. Udalak langile lanpostu batean ezarritako hizkuntza eskakizuna atzera bota du epaitegiak.
"Euskara ez da hizkuntza erakargarria askorentzat aspaldian perbertitu dutelako, tresna politiko gisara erabili dutelako eta terrorismoaren garaietara baino ez narama. Gorrotoarekin identifikatzen dugun hizkuntza da", esan du Inma Mujika PPko Eguesibarko zinegotziak... [+]
Orkoiengo alkate sozialista Alejandro Lopezek euskalduna izatea pribilegio bat dela esan eta gero, PSNko hautetsiak euskara sustatzearen aurkako gero eta adierazpen gehiago egiten ari dira, hala Eguesibarren nola Tafallan. Ingurumari horretan, PSNren zuzendaritzak Orkoiengo... [+]