Nafarroako Euskararen Legean proposatutako aldaketak bi hilabetean onartuko dira
PSNk, Izquierda-Ezkerrak eta Geroa Baik aurkeztutako Euskararen Foru Legean aldaketak bideratu dituzte legebiltzarreko mahaikide eta bozeramaileek.
Bilduk eta Aralar-NaBaik ere proposamena babestu dute, "hizkuntz eskubideak bermatzeko nahikoa izan ez arren". Eta UPN eta PP kontra azaldu dira.
Juan José Lizarbe sozialistak Europa Pressek jaso dituen adierazpenetan esan du, proposamenaren bidez ase nahi dutela sare publikoak eremu ez euskaldunetan bizi diren eta euskarazko hezkuntza nahi dutenen eskaria.
Norabide berean hitz egin du José Miguel Nuin I-Eko bozeramaileak: “Euskararen irakaskuntza Nafarroa osora zabaldu behar da eta orain arte eremu ez euskaldunean bizi zirenen bazterketarekin amaitu”.
Nuinek esan du hamabost eguneko epe muga dutela legebiltzarkideek zuzenketak egiteko eta Nafarroako Gobernuak txostena aurkezteko.
PPren kritikak PSNri
Ana Beltran PPko ordezkariak berriz PSNri “tokatzen” ez zaion arazo batean sartzea egotzi dio. “Bururik gabeko oilo batek bezala jokatzen du. UPNrekin akordio fiskalak egiten ditu eta gero nazionalistekin batzen da Euskararen Legea aldatzeko”, gaineratu du.
Sozialistei eskatu die argi edukitzeko zein diren bere “printzipioak eta hartu beharreko bideak”.
"Etorkizuneko zubiak" eraikiz, azpimarratu dute "garai nahasi hauetan" euskararen aldeko aldarriak ozen entzun behar direla aurrerantzean: "Bada garaia euskarari dagokion tratamendua, lekua, emateko".
Modu horretan, euskara eta euskal kultura hiriaren bihotzera eraman duen proiektuari egonkortasuna eta sendotasuna emanen diote.
Urtea amaitu baino lehen gehiengo politikoaren oniritzia lortu nahi du udalak
Nafarroako Legebiltzarrean datorren urteko aurrekontuak ixteko negoziazioetan ari dira egunotan alderdiak, eta horietan adostutakoaren arabera, euskararen Euskararen Nafar Institutuak iaz baino 1,3 milioi gehiago izango ditu.
Euskal Herri osoan euskara eta hiztun komunitatea larrialdi egoeran daudela berretsi zuen azaroan Kontseiluak eta, ostegun honetan, egoera hori Nafarroan zertan datzan azaldu du Iruñean. Era berean, herrialdean ataka horretatik ateratzeko egin beharrekoak azpimarratu ditu.
Hamabi haur eskola publiko daude Iruñean, eta horretatik bakarrean dago euskarazko eredua. Protesta egin dute dozena bat eragilek, eta euskal hiztunen “egoera berezia” aintzat har dezan galdegin diote udalari.
“Ez da posible hiri guztia zeharkatu behar izatea seme-alabak hemengo jatorriko hizkuntzan murgiltzeko” salatu dute guraso askok. Euskarazko plazak ere “oso urriak direla” salatu dute familia askoren artean eginiko bideoan.
Euskarari Puzka azken kanpainan 16.000 saski saldu dituzte, eta euskararen alde lan egiten duten elkarteentzat bideratuko zaie lortutako etekina.
“Ikae” edo “igae” bezala transkribitu ditu aurkituriko ikurrak Nafarroako Gobernuko Kultura Zuzendaritza Nagusiko ikertzaile taldeak. Duela 2.000 urteko "baskoierazko" idazkun bat izan daitekeela diote ikerleek, baina garai hartako hizkuntzei... [+]
Premiazko txostena eskatu dio Nafarroako Kontseiluari. Behin betiko onartzeko aurretiazko urratsa da, Nafarroako Justizia Auzitegi Nagusiak aurreko dekretuaren zati batzuk baliogabetu eta bost urtera.
Barañaingo EH Bilduk salatu du Barañaingo Udalak haur eskoletarako hezitzaileen deialdian euskarazko eta gaztelaniazko azterketak egun eta ordu berean jarri dituela, eta hala, hautagaiak hizkuntza bat aukeratzera behartzen dituela.