Euskararen geroa segurtatuko duen hizkuntza politika eskatu diote Euskararen Erakunde Publikoari
2050erako euskal hiztunak %30 izatea bermatuko duen politika eskatu dio Euskal Konfederazioak Euskararen Erakunde Publikoari (EEP). Ostegun honetan izendatu dute EEPko lehendakari berria biltzar nagusian: Maider Behotegi.
Euskal Konfederazioak agerraldia egin du ostegun honetan, Baionan, Euskararen Erakunde Publikoari (EEP) euskararen geroa segurtatuko duen Hizkuntza Politika proposatu dezaten. Mahai gainean dagoen proposamen bakarra “orain arte bezala segitzea” baita. EEPren izaera eztabaidatuko dute hura osatzen duten erakunde publikoek datozen asteetan, eta etorkizunean izango dituen baliabideak erabakiko dituzte. Konfederazioaren hitzetan, egungo erritmotan jarraitzea “euskara hiltzera kondenatzea” litzateke.
2050erako euskal hiztunak %30 izatea bermatuko duen politika eskatu dio Euskal Konfederazioak Euskararen Erakunde Publikoari, aurreikusten baita 2050ean Ipar Euskal Herrian, 371.000 biztanle izanda euskaldun kopurua %17ra jausiko dela. Horren aurrean, “EEPk ez du deus proposatzen euskaldun kopuruak balore absolutu eta portzentaietan gora egin dezan”, adierazi du Euskal Konfederazioak. Biztanleriaren emendatzeak azken urteetako joerari segitzen badio, beraz, euskaldun kopurua %16tik behera izango da. “Datu beldurgarriak” direla ziurtatu dute.
EAJk babesa adierazi dio Euskal Konfederazioari
Prentsa-ohar baten bidez, EAJk euskararen aldeko “hizkuntza politika askoz nahikariago baten” alde egin du, Euskal Konfederazioak aldarrikatu bezala. Alderdi politikoaren ustez, “euskararen defentsarako mobilizaziorik gabe, Ipar Euskadiko euskaradunen heina murriztuz joanen da”.
Lege egonkortasuna eta orain baino asmo handiagoko hizkuntza politika bermatuko dituen Euskararen Estatutua defendatu du.
Lehendakaritza aldaketa
Ostegun honetan izendatu dute Maider Behotegi EEPko lehendakari biltzar nagusian, hautetsiak Antton Kurutxarriren lekukoa har dezan, ondoko hiru urteetarako. Kargu hartzearekin batera, instituzioen arteko negoziazioa abiatuko da EEPko aurrekontuari zenbateko ekarpena egiten dioten finkatzeko: “Euskalgintzak hamarkadetan frogatu du ez dagoela fatalitaterik, eta behar diren ahaleginek, ezinbestekoak diren inbertsioek, emaitzak ematen dituztela”, adierazi du Euskal Konfederazioak. “Helburu ausartak” finka ditzan eta “araberako baliabideak” ezar ditzan eskatu dio Konfederazioak lehendakari berriari.
Lehenengo aldiz “euskararen aldarriak hedatzeko” azoka antolatu dute euskararen biziberritzean lan egiten duten zortzi elkartek. Euskararen egunean irekiko da azoka eta abenduko beste hiru egunetan ere egongo da zabalik.
Bankan bizi den Literatura irakasle, ikerlari eta idazlea da. Irailaren hondarrean Itsasun egin zen Irailekoak poesia jaialdiaren baitan Ipar Euskal Herriko Poesiaz eman zuen hitzaldia. Besteak beste, bertan errandakoak hona ekarri nahian hasi gara harekin solasean.
Euskal Herriko lekuen izenen frantsestearen arazoa ez da bakarrik seinale paneletan hizkuntza ez kontutan hartzearengatik izaten, duela zenbait urte hartu helbideratzeari buruzko erabaki baten gauzatzearen ondorioa ere bada.
Azal dezagun, administrazioko hainbat arlo... [+]
Larunbatean ospatu dituzte Ttinka mikro haurtzaindegiaren bost urteak Lakarran. Baxe Nafarroko euskara hutsezko egitura bakarra da, Euskararen Erakunde Publikoaren B ziurtagiriduna.
Maddi Kintanak ekainean aurkeztu du Master Amaierako Lana Bordeleko Unibertsitatearen eta Iker ikerketa-zentroaren laguntzarekin. Gazteen hizkera BAM eta inguruan du izenburu eta Biarritz, Baiona eta Angeluko 18 eta 24 urte bitarteko gazteen hizkera aztertu du. Horretarako,... [+]
“Geldi euskara zapaltzea” lema berriz hartu du Euskal Herrian Euskaraz taldeak larunbatean egin duen prentsaurrekoan. Maiatzaren 17an, esaldi hori Baionako suprefeturan tindatzeaz akusaturik, irailaren 10ean epaituko dute Gorka Roca Torre.
Ikasturte honetan, lehen mailako ehun eskola elebidunetan 5.700 ikaslek ikasiko dute. Bigarren mailan hamasei kolegio eta lau lizeotan 1.600 dira. Zailtasun nagusia aurten ere kolegioan euskararen eta frantsesaren arteko oren parekotasuna erdiestea da.
Uda hasiera. EHZ festibalaren biharamuna (atx, buruko mina). Ikasturte kargatu baten ondotik, hatsa hartzeko gogoa. Burua hustu. Funtsezko elementuei berriz konektatu. Familian denbora hartu, aspaldiko lagunak berriz ikusi eta eguneroko borrokak (pixka bat) pausan eman... [+]
Maddi Kintanak Baiona, Angelu eta Miarritzeko gazteen euskara aztertu du bere tesian. Hitz berriak sortzen dituzte baina baita hitzak beste hizkuntzetatik hartzen ere, besteak beste, interneten eraginez.
"Euskara eta euskal literatura, programaketatik ikasgelara" jardunaldian parte hartu zuen Katixa Dolhare Zaldunbidek. Seaskak eta UEUk antolatu Udako Ikastaroen barne. Bere problematikak horiek ziren: Zer leku du literaturak hezkuntza programetan eta nola landu euskal... [+]
Iñaki Iurrebaso soziolinguistak euskararen egungo egoeraren argazkia egin du Baionan iragan zen Hizkuntz politikari buruzko ikastaroan, muga-gaindiko ikastaroen kari.