Euskararen eta lurralde aitortzaren aldeko manifestaziora deitu dute Baionan
Estatus bat gure lurraldearentzat, estatus bat gure hizkuntzarentzat lelopean deitu dute manifestazioa urriaren 24rako Ipar Euskal Herrian. Batera Plataformak eta Euskal Konfederazioak antolatu dute mobilizazioa.
Ipar Euskal Herrian hizkuntzaren ofizialtasuna eta lurraldearen aitortza eskatzeko mobilizazioa izanen da Baionakoa, eta eskualde hizkuntzak dituzten beste lurraldeekin batera antolatu dute hitzordua: Korsikan, Okzitanian, Bretainian eta Alsazian ere mobilizazioak deitu dituzte.
Lurralde bakoitzak, ordea, leloa bere egoerara egokituko du. Ipar Euskal Herrian hizkuntzaren eskakizuna lurraldetasunarekin lotu dute, bien arteko “lotura handia” baita Sebastien Castet Konfederazioko bozeramailearen arabera: “Elkargo bakarra izateak hizkuntza politika indartsuagoa bultzatzea ahalbidetuko du”.
Urte garrantzitsua izanen da aurtengoa Ipar Euskal Herrian, Udal guztiek erabaki beharko baitute lurralde osoa elkartuko duen erakunde publikoaren alde dauden ala ez. Urriaren 24koa Baterak udaberri arte egingo duen sentsibilizazio kanpainaren hasiera izanen da, herriz herri ibiliko den karabana abiatuko baitu data horretan. Kanpaina diruz laguntzeko eskaera egin dute, eta plataformaren webgunean dago ekarpenak egiteko aukera.
Lehenengo aldiz “euskararen aldarriak hedatzeko” azoka antolatu dute euskararen biziberritzean lan egiten duten zortzi elkartek. Euskararen egunean irekiko da azoka eta abenduko beste hiru egunetan ere egongo da zabalik.
Bankan bizi den Literatura irakasle, ikerlari eta idazlea da. Irailaren hondarrean Itsasun egin zen Irailekoak poesia jaialdiaren baitan Ipar Euskal Herriko Poesiaz eman zuen hitzaldia. Besteak beste, bertan errandakoak hona ekarri nahian hasi gara harekin solasean.
Euskal Herriko lekuen izenen frantsestearen arazoa ez da bakarrik seinale paneletan hizkuntza ez kontutan hartzearengatik izaten, duela zenbait urte hartu helbideratzeari buruzko erabaki baten gauzatzearen ondorioa ere bada.
Azal dezagun, administrazioko hainbat arlo... [+]
Larunbatean ospatu dituzte Ttinka mikro haurtzaindegiaren bost urteak Lakarran. Baxe Nafarroko euskara hutsezko egitura bakarra da, Euskararen Erakunde Publikoaren B ziurtagiriduna.
Maddi Kintanak ekainean aurkeztu du Master Amaierako Lana Bordeleko Unibertsitatearen eta Iker ikerketa-zentroaren laguntzarekin. Gazteen hizkera BAM eta inguruan du izenburu eta Biarritz, Baiona eta Angeluko 18 eta 24 urte bitarteko gazteen hizkera aztertu du. Horretarako,... [+]
“Geldi euskara zapaltzea” lema berriz hartu du Euskal Herrian Euskaraz taldeak larunbatean egin duen prentsaurrekoan. Maiatzaren 17an, esaldi hori Baionako suprefeturan tindatzeaz akusaturik, irailaren 10ean epaituko dute Gorka Roca Torre.
Ikasturte honetan, lehen mailako ehun eskola elebidunetan 5.700 ikaslek ikasiko dute. Bigarren mailan hamasei kolegio eta lau lizeotan 1.600 dira. Zailtasun nagusia aurten ere kolegioan euskararen eta frantsesaren arteko oren parekotasuna erdiestea da.
Uda hasiera. EHZ festibalaren biharamuna (atx, buruko mina). Ikasturte kargatu baten ondotik, hatsa hartzeko gogoa. Burua hustu. Funtsezko elementuei berriz konektatu. Familian denbora hartu, aspaldiko lagunak berriz ikusi eta eguneroko borrokak (pixka bat) pausan eman... [+]
Maddi Kintanak Baiona, Angelu eta Miarritzeko gazteen euskara aztertu du bere tesian. Hitz berriak sortzen dituzte baina baita hitzak beste hizkuntzetatik hartzen ere, besteak beste, interneten eraginez.
"Euskara eta euskal literatura, programaketatik ikasgelara" jardunaldian parte hartu zuen Katixa Dolhare Zaldunbidek. Seaskak eta UEUk antolatu Udako Ikastaroen barne. Bere problematikak horiek ziren: Zer leku du literaturak hezkuntza programetan eta nola landu euskal... [+]
Iñaki Iurrebaso soziolinguistak euskararen egungo egoeraren argazkia egin du Baionan iragan zen Hizkuntz politikari buruzko ikastaroan, muga-gaindiko ikastaroen kari.