Euskararen erabilera urria Donostiako udalbatzarrean: %21,5
Martxoko udalbatzarra aztertu du Bagera elkarteak. Udal taldeek %21,5 euskaraz eta %78,5 gazteleraz egin zuten; EH Bilduk gehien eta Irabazi Donostiak gutxien.
Donostiako udalbatzarrean euskararen erabileraren inguruko ikerketa egin du Bagera Elkarteak. Hain zuzen ere, martxoko udalbatzarrean oinarrituta txostena argitaratu du. Alkate eta zinegotzien hitzartzeak neurtu ondoren, euskararen erabilera %21,5koa izan da, eta gaztelerarena %78,5.
Azken sei urteetan jasotako emaitzen aurrean kezka adierazi du Bagerak. Euskararen erabilera zertxobait igo arren, oso urrun geratzen da beraien ustez euskararen erabilera normalizatua Donostiako udalbatzan.
Martxoko udalbatzarrean Eneko Goia alkateak gidatu zuen udalbatzaren haria presidente gisara. Bagerak ez ditu bere hitzartzeak neurtu oso laburrak izan zirelako. Horrela ere, garrantzitsua iruditzen zaie oro har euskaraz izatea. Bestalde, erabaki eta mozioen idazkariaren azalpenak elebitan egiten direla adierazi dute.
Alderdi bakoitzaren euskararen erabilerari dagokionez, EH Bildu udal taldea da gehien erabiltzen duena hitzartzeetan –%50,3–. EAJ alderdiak %25 erabili du euskara, PSE-EEk % 5,8, oso antzera PP alderdia ere %5arekin, eta azkenik, Irabazi Donostia da gutxien erabili duena –%0,8–.
Hitzartzeetan gaztelera izan da nagusi. 169 izan dira eta gehienak gaztelera hutsean izan dira %68,6, %16 elebietan, eta azkenik, euskaraz %15,4. Elebitan izan direnean ez dira modu orekatuan izan. Bi hizkuntzak tartekatu dituzte zinegotziek, eta normalean gaztelera nagusitu da.
Euskara hutsezko hitzartzeak EH Bildu taldeak egin ditu gehien, 17 hitzartze egin ditu, EAJk ondoren 7 hitzartze eginez, eta PSE-EEk eta Irabazi Donostiak hitzartze bana egin dute euskara hutsean.
Hitzartze elebidunei dagokionez, EH Bilduk 21 egin ditu, EAJk 4 eta PP alderdiak 2. Dena den, hitzartze hauek ez dira guztiz orekatuak izaten eta salbuespenak badira ere, ohikoena gaztelera gailentzea da.
Konparaketa
Aurreko legegintzaldian Bagerak hainbat udalbatza neurtu zituen. Horiekin alderatu dute aztertu duten azkena, eta orokorrean, igo egin da euskararen erabilera, nahiz eta nahiko urria izan –%21–.
EAJk aurreko legegintzaldian %12-20 inguruan erabili zuen eta oraingoan berriz, 25,2. PSEk % 1- 4,5 artean egin zuen eta oraingoan % 5,8. EH Bilduk aurreko legegintzaldian % 47,5- 47 artean erabili zuen euskara eta oraingoan %50,3. PPk, azkenik, % 2,7-6,3 eta oraingoan %5.
Albiste hau Donostiako Irutxuloko Hitzak argitaratu du eta CC-by-sa lizentziari esker ekarri dugu ARGIAra.
.jpg)
Hizkuntz Eskubideen Behatokiak jaso ditu kexak: bisita gidatuak gaztelania hutsean, eta sarrerako zerbitzuetan ere bai. Bitxia da kontua: baskoien mintzairaren hitzak dituela uste den brontzezko objektua ikustera joan... eta azalpenak gaztelaniaz. Kexek eragina izan dute, eta... [+]
Ilbeltzeko igande goiz batez jo dugu Baztanera. Eguzkiak oraindik ez du Lekarozko plaza argitu; bertan elkartu gara Garbiñe Elizegi Narbarte, Itziar Torres Letona eta Ernesto Prat Urzainkirekin. Itzaletan hotz egiten du eta umorez goxatu dugu lehen agurra, hogei urtean... [+]
Ingelera orduak handitu eta euskarazkoak murrizteko foru aginduaren kontrako helegitea aurkeztu du STEILAS sindikatuak. “Murgiltzea ataka larrian jartzen ari dira” salatu dute.
"EITB euskalduna, zuzendaritzatik hasita!" lelopean, otsailaren 25ean egingo dute elkarretaratzea, asteartean, EITBko ELA, LAB eta ESK sindikatuek nahiz Aldatu Gidoia ekimenak deituta.
Lizarraldean euskara sustatzeko lana egiten duen Bagara elkarteak egin du salaketa: "Sorkuntzarako gaitasuna bultzatzen da eta pentsamendua kritikoa lantzen, hori guztia ikuspegi ludikotik, gozamenean oinarrituta".
44 urte ditu, ama mexikarra, eta eskoziarra aita. Mexiko Berrian jaio zen, Utah-n hazi, eta duela hogei urte izan zuen euskararen berri, Cadizen Zinemagintza ikasten ari zela, norbaitek abizen euskalduna zuela esan zionean. Duela bi urtetik Donostian bizi da eta euskara ikasten... [+]
Hizkuntzarako ere gurasoak haurrentzako eredu direla kontuan hartuta, euskararen erabilera eta irakaskuntzari buruz sentsibilizatzeko helburua duen hamabostaldia antolatu dute Hendaia, Urruña, Donibane Lohizune eta Ziburuko herriek. Martxoaren 15etik 30era guraso... [+]
.jpg)
Otsailaren 22an itxiko dute Laba ostatua Iruñeko Gazteluko plazan eta, bitxia bada ere, egun osoko festarekin ospatuko dute itxiera, agurra ez baita behin-betikoa: Labak ondoko Windsor tabernarekin bat egingo du, obrak hastera doaz, eta beranduenez irailean berriz irekiko... [+]
Sozioluinguistika Klusterrak, zenbait erakunderen laguntzarekin eta Asier Amezaga, Eduardo Apodaka eta Asier Basurtok landutako lanean, Itzulinguru izeneko proiektuaren emaitzak argitaratu ditu. Itzultzaile neuronalek (azken belaunaldiko itzultzaile automatikoak, zeinak euskaraz... [+]
Euskarazko B2 eskakizuna zuten bi udaltzain lanpostu baliogabetu zituzten epaileek iazko urtarrilean, euskara eskatzea "diskriminatzailea" izan zitekeela iritzita; eta aitzineko astean, Donostiako Udalak aurkezturiko helegitea ez aztertzeko erabakia hartu du EAEko... [+]
Gabonetako argiak pizteko ekitaldia espainolez egin izanak, Irungo euskaldunak haserretzeaz harago, Aski Da! mugimendua abiatu zuen: herriko 40 elkarteren indarrak batuta, Irungo udal gobernuarekin bildu dira orain, alkatea eta Euskara zinegotzia tarteko, herriko eragileak... [+]
Azken urteetan, adimen artifizialaren (AA) garapenak hizkuntza gutxituen egoeran eragin nabarmena izan du. Teknologia erraldoiek garatutako eredu nagusiak, hala nola ChatGPT, hizkuntza nagusietan trebatzen dira, eta horrek euskararen moduko hizkuntzak bazterrean uzteko arriskua... [+]