Euskararen Egunean ‘Bizkarsoro’ filma “kontraprogramatzea” egotzi diote ETBri
ETB1ek Bizkarsoro filma estreinatu zuen Euskararen Egunean iluntzean. ETB2ri aldi berean gaztelaniazko azpidatziekin ematea proposatu bazioten ere, kate horretan Tasio eskaini zuten gaztelaniaz azkenean, eta horrek haserrea sortu du euskaldun askorengan sareetan.
Abenduaren 3an Bizkarsoro filma eskaini zuen ETB1k gauean, euskararen zapalkuntzaren historia bat kontatzen duen filma, Josu Martínezek zuzendurikoa. Aldi berean, bigarren katean (ETB2) Tasio eskaini zuten. Biak ala biak Euskararen Eguna “ospatzeko” programatu zituen telebista publikoak.
Jokabide horrek haserrea piztu du sareetan, eta euskarazko filma “kontraprogramatzea” egotzi diote ETBri, are gehiago jakinda bigarren katean ere Bizkarsoro gaztelaniazko azpidatziekin emateko aukera zuela.
Filmaren banaketan eta komunikazioan parte hartu duen Gotzon Barandiaranek azaldu duenez, hala proposatu zioten telebistari, baina “baten batek ETB2n Tasio emititzea erabaki zuen, Euskararen Nazioarteko Egunean euskaldun batzuk betidanik espainolez bizi garela erakusteko”, idatzi du sarean. Bere ustez, “hautu politiko maltzurra” da hori.
Berria-ko kazetari eta Txoria Hodei artean. ETB lehen eta gero liburuaren egile Urtzi Urkizuk gau horretako audientzia datuak ikusita –Bizkarsoro-k %1,7 eta Tasio-k %10,7– Kike Amonarrizek libururako azalduriko ideia bat nabarmendu du: “ETB1ekin egiten dugun lana neurri batean ETB2k neutralizatzen duela”.
Baina haserrea are handiagoa izan da ETBk audientzia horien harira zabaldutako mezua ikusita. Gaztelaniazko filma jarri zuten egun horretan, ETB2k “audientzia bikainak” lortu zituela dio albisteak, eta “kanalik ikusiena” izan zela.
Igande honetan, azaroaren 17an estreinatuko da Barraka izeneko late-night formatuko programa, EITBren Primeran plataforman. Hiru Damatxok ekoitzi du umorez blaitutako ikuskizun bizia.
Joan den astean bete ziren 35 urte Son Gokuk euskaraz lehen aldiz egin zuenekoa. 1989ko urriaren 4an izan zen ETB1n Dragoi Bola ematen hasi zirela (1984an abiatu zen anime hau Japonian) eta hura gogoratzeko ekitaldia egingo da Donostian urriaren 20an, igandearekin, lehenbiziko... [+]
Mugimenduak mahai gainean jarri du euskarazko edukiak sustatzeko beharra, eta horren aurrean ETBk duen interes falta. Lehentasuna gaztelaniazko saioei ematea egotzi dio. ETB emozioen festa izan dadin, aldatu gidoia euskararen alde! lelopean, aldaketa eskatu dio telebista... [+]
40 urte bete ditu euskal telebistak, eta 40 urteko ibilian goitik behera aldatu dira gauzak: telebista konbentzionala etxe batzuetan egotetik, guztietan presentzia hartzera pasatu da; baina egun, ikus-entzunezkoak nahieran ikusteko gehiago baliatzen da telebista,... [+]
Berrian lan egiten duen kazetariak, Euskal Telebistaz liburua idatzi berri du Txoria hodei artean, ETB lehen eta gero. Galdera batekin abiatzen du liburua kazetariak: 40 urte bete dituen Euskal Telebistak behar den gisan arrapostu ematen al dio euskal jendartearen egungo... [+]
2021az geroztik, ETBko zuzendaria da Unai Iparragirre. Telebista kateetako edukien ardura da berea, baina baita plazaratu berri duten Primeran plataformarena ere. Jaiotza horren aitzakian hartu gaitu Bilboko egoitzan duen bulegoan.
EITBren egoitzaren aurrean elkarretaratzea egin dute (H)itzartu ETBk deituta. EAJri eta ETBri politikak errotik aldatzeko eta "premiaz euskarazko eskaintza erakargarria" osatzeko eskatu diote.
(H)itzartu EITB ekimenak maiatzaren 20rako elkarretaratzea deitu du, Stop betoari! Nazioarteko filmak euskaraz! lelopean. Ekimenaren ustez ikus-entzunezkoen eskaintzak garrantzi handia du hizkuntza biziberritzeko, eta salatu dute gaur egungo ikus-entzunezkoen politikak... [+]
Espainiako Gobernuaren 2022ko aurrekontuak babestu zituen EH Bilduk, besteak beste, ETB3 Nafarroa guztira zabaltzeko akordioa sinatuta. Administrazioan Euskaraz Taldeak salatu du PSOEk ez duela hitza bete eta EH Bilduk ez duela presiorik egin.
Inor ez al doa bolantean? Hego Euskal Herrian, behintzat, badirudi euskal soufflearen hustuketak ez duela ez etenik, ez azkenik.
Gaur egungo ume eta nerabeek euskal gizartean ikusten dutena da asimilazio handi bat eta kontrakotasun gutxi. Ez dute ezer hutsetik asmatzen,... [+]
