Euskararen aurkako “olatu erreakzionario eta euskarafoboa” salatu dute euskalgintzak eta alkateek
Euskalgintzaren Kontseiluak deituta agerraldia egin dute Bilbon, Espainiako Konstituzio Auzitegiak EAEko Udal Legearen aurka emandako epaia salatzeko. Araba, Bizkaia eta Gipuzkoako alkate, udal hautetsi eta euskalgintzako ordezkariak bildu dira, eta euskararen aurkako "oldarraldia" salatu dute.
Dozenaka alkate, udal hautetsi eta euskalgintzako ordezkari batu dira Bilbon, euskararen aurkako erasoak salatzeko. Erandioko administrazioa euskalduntzearen aurkako epaia, Uliazpi Fundazioaren lan-deialdiaren aurkako sententzia, Barakaldoko udalak enpresa pribatuei euskara-eskakizunak jartzeko ezintasuna, Irungo udaltzainena eta Laudioko kasuak izan dituzte hizpide, gertatzen ari dena “oldarraldi judiziala” dela erakusteko.
Agerraldian bildu direnek kezkaz bizi dute egoera: “Oldarraldi honen agerpen mediatikoak eta politikoak aspalditik ezagunak bazaizkigu ere, azken boladan gordintzen joan dira, bereiziki, alor judizialean”. Haien esanetan, euskararen normalizazio prozesua trabatu eta egindako bidean atzerapausoak eragin nahi dituen "olatu erreakzionario, atzerakoi eta euskarafoboa" gertatzen ari da.
EAEko Udal Legea
Salatu dute udaletan ordezkaritzarik ez duen Vox alderdiak jarritako helegitearen ondorioa dela EAEko Udal Legearen aurkako epaia. Helegite horren ondorioz eskatu zion EAEko Justizia Auzitegiko Administrazioarekiko Auzien Salak Espainiako Auzitegi Konstituzionalari ebazpena emateko legearen konstituzionaltasunaz. Toki-erakundeek beren jarduna euskaraz egitea ahalbidetzen duen legea (6.2 artikulua), 1982ko Euskararen Legea baino kontsentsu zabalagoarekin onartu zela gaineratu dute.
Mobilizatzeko deia
Mobilizazio sozialari lehentasuna emateaz hitz egin du Kontseiluak: “Gizarte eragileoi dagokigu desadostasuna kalean erakustea. Bada garaia urrats bat aurrera egin, euskararen gaia erdigunean jarri eta elkarrekin eragiteko; izan ere, epaitegietako erabakiek atzerapauso handiak eragin ditzakete”.
Hori dela eta, euskararen eta herritar guztien hizkuntza-eskubideen alde dauden eragile eta norbanakoei azaroaren 4ean Bilbon egingo duten manifestazioan parte hartzeko deia luzatu die Kontseiluak. Milaka herritarren bizitzen bizigarritasuna, berdintasuna, justizia eta kohesio soziala auzitan daudela salatzeko probestuko dute manifestazioa, besteen artean.
Euskararen kontrako epaien oldarrialdien, azkenengoetako bat izan da Gipuzkoako entitate publiko bat, Kabia, kinkan jarri duena, ezarritako hizkuntza eskakizunen kontrako epai batekin. Bertako langileak egonkortzeko prozesuan ezarritako euskara eskakizunak, euskararen... [+]
ELA, LAB eta Kontseiluak elkarretaratzea egin dute, Administrazioarekiko Auzietarako epaitegi batek Kabia organismoari emandako ebazpenaren aurka protestatzeko. Euskara maila bermatzeko ahalegina “hutsaren hurrengoa” bilakatzeko arriskua dagoela salatu dute.
Donostiako Decathlon saltoki handiak errotulazioak euskaraz ez dauzkalako kexa jarri du kontsumitzaile batek Behatokian. Saltokiaren erantzuna (gaztelaniaz) esanguratsua da: Erkidegoko legeak ez du jasotzen inongo inposiziorik karteldegia euskaraz jartzeari buruz. Alegia, lege... [+]
Kabia organismoaren zaharren egoitzetan 54 plaza egonkortzeko 2022an onartutako lan-eskaintza bertan behera utzi du Donostiako epaile Gonzalo Pérez Sanzek. Gipuzkoako Aldundiaren erakundeak jarritako hizkuntza eskakizuna gehiegizkoa eta baztertzailea dela dio epaileak.
Donostiako auzitegiak Gipuzkoako Foru Aldundiko aterpetxeetako garbitzaileen lanpostuen prozesuaren harira sententzia eman du: lanpostu guztietarako hizkuntza eskakizuna ezartzea “proportzioz kanpokoa eta diskriminatzailea” dela dio. CCOO sindikatuak eman du... [+]
Euskal Herriko lurralde batzuetan euskara ofiziala da, besteetan meridianoaren arabera ofiziala ala ukatua eta, aitzitik, ipar aldera bagoaz, toleratua (ez ofiziala).
Azken boladan, epaitegi batzuk ebatzi dute funtzionario publikoek ez dutela euskara ezagutzarik izan behar eta,... [+]
Realeko futbol taldeko entrenatzaile Imanol Alguacilek, Nizan, Europako Ligako partiduaren aurretik eskainitako prentsaurrekoan euskarazko hedabideei euskaraz erantzuten ari zela, hainbat kazetariren kexa entzun behar izan du. Duela astebete antzeko egoera gertatu zen... [+]
Amurrioko Udalak alde bakarrez dirulaguntza kendu zion eskualdeko euskarazko komunikabide bakarrari, eta ehunka herritarrek eta entitatek eskatu zioten dirulaguntza berrezartzeko. Aiaraldea Komunikabidea saiatu da udalarekin biltzen, baina udalak elkartzeari uko egin dionez,... [+]
Filosofiako laugarren mailan, EHUn, nahitaez ikasgairen bat gaztelaniaz hautatu behar dute ikasleek, ez baitago nahikoa ikasgai euskaraz. Gaztelaniazko ikasleek ez dute arazo hori, eta bitxia da, euskarazko ikasle gehiago dagoelako gaztelaniazkoak baino. Beste karrera batzuetan... [+]
Irailaren 18koa da azken sententzia: Donostiako udaltzaingorako lanpostu deialdiaren euskara eskakizuna atzera bota du EAEko Justizia Auzitegi Nagusiak. Euskalgintzaren Kontseiluak eta Donostiako Bagera Euskaltzaleen elkarteak elkarretaratzea deitu dute Donostian, Alderdi... [+]
EAEko Auzitegi Nagusiak atzera bota du Donostiako bi udaltzain postutarako euskarazko B2 profila eskatzen zuen lan deialdia. "Euskaldunen eskubideak urratzen dituen" epai berri honen aurrean, hainbat eragilek salatu du "euskaldunen aurkako oldarraldiak"... [+]
Euskaraz deklaratzea ukatu dio epaileak, eta erabaki du ez parte hartzea bere aurkako epaiketan. Auzitegi kanpoan babesa ematera joandako hamarnaka euskaltzaleren aurrean desobedientziarako deia egin du Torrek. Guztira 3.268 euro ordaintzera zigortu dute.
2021ean EAEko udaltzain laguntzaileentzako lan-poltsa bateratua osatu zuten. EAEko Auzitegi Nagusiak atzera bota du orduan ezarritako hizkuntza eskakizuna, B2 maila, alegia. Hizkuntza eskakizuna “neurrigabea” dela argudiatu du. Kontseiluak adierazi du EAEko udaltzain... [+]