Euskaraldiaren testuingurua baliatuko dute hainbat eragilek euskal hiztunen zapalkuntza, desioak eta aldarriak aztertzeko
Zizta Euskara Taldeak, Askapenak, Gasteizko Ernaik, Olarizuko Gazte Asanbladak, Judimendiko Gazte Asanbladak eta Trikuharri Gazte Asanbladak dozena bat hitzaldi, eztabaida, mahainguru eta kontzertu antolatu dituzte azaroaren 21etik abenduaren 1era Gasteizko gune ezberdinetan.
Azaroaren 23tik abenduaren 3ra Euskal Herria osoan hizkuntza ohiturak aldatzeko ariketa kolektibo zabala burutuko dute milaka herritarrek: Euskaraldia.
Testuinguru honetan, Gasteizko Herri Mugimenduko hainbat eragilek indarrak batu dituzte, “euskal hiztunongan gorpuzten diren zapalkuntza, desio, zalantza, aldarri, eztabaida eta diskurtsoak landu eta zabaltzeko asmoz”.
Hori dela eta, Zizta Euskara Taldeak, Askapenak, Gasteizko Ernaik, Olarizuko Gazte Asanbladak, Judimendiko Gazte Asanbladak eta Trikuharri Gazte Asanbladak hurrengo asteetarako egitarau zabala planteatu dute Belarri eta aho izateaz gain, Ukabilak ere bagara lelopean.
Azaroaren 21ean, Komunikazioa eta euskara aztertuko dute SUmendi Gazte espazioan: 18:00etan Zergatik komunikatzen dugu euskaraz? izeneko mahaingurua tokiko hedabideekin eta 19:00etan Bakarrik euskaraz? izena jarri dioten eztabaida.
Azaroaren 24an hiru plan antolatu dituzte: 18:00etan Gazteon ibilbideak euskararen territorioetan barrena izenako mahaingurua Joxemi tabernan (Txagorritxu), 19:30ean Freestyle tailerra emakumeentzat* eta 21:00etan Poteo-Hopa San Martingo skate-parketik abiatuta.
Azaroaren 28an Garraxi tabernan burtuko dira ekintza guztiak: 18:00etan Euskalgintza XXI.mendean mahaingurua, 19:00etan Euskara eta militantzia eztabaida eta 20:30ean Peru Tximaluzeren Onomastikoa kontzertua.
Azaroaren 29an, Adurtzako auzo elkartean Euskararen erronkak Osakidetzan: ibilbidea, politika ofizialak eta aurrerapausoak hitzaldia 18:00etan.
Amaitzeko, abenduaren 1ean, hiru ekimen ezberdin egongo dira: 12:00etan Oihaneder Euskararen Etxean Euskal hiztunon zapalkuntza antzerki-dinamika* burutuko dute; 14:30ean, herri bazkaria*; eta 18:00etan ‘Hizkuntza zapalduen iraupena kapitalaren Europan hitzaldia Aldabe gizarte-etxean.
*Izena emateko emaila ziztaeuskarataldea@gmail.com izango da.
"Segurtasun gehiago, inmigrazio gutxiago". Bruno Retailleau barne ministro frantsesa argi mintzatu da, kargua hartu berritan. Etorkinen gaineko kontrola azkartu nahi du Michel Barnier lehen ministro eskuindar-kontserbadorearen gobernuak, eta jada Retailleauk aitzinatu... [+]
Premiazko txostena eskatu dio Nafarroako Kontseiluari. Behin betiko onartzeko aurretiazko urratsa da, Nafarroako Justizia Auzitegi Nagusiak aurreko dekretuaren zati batzuk baliogabetu eta bost urtera.
Egun osoko egitarauarekin elkartuko dira, eta Euskal Herria feministaranzko bidean, nondik, nora eta nola trantsitatu nahi duten zehazten jarraitzeko konpromisoa berretsi nahi dute.
Antena3 telebista kate espainiarreko Espejo Público saioak erreportaje sentsazionalista bat eman zuen asteazkenean, Donostiako ustezko segurtasun faltaren inguruan eta fokua gazte magrebtarretan jarriz. Erreportajea publikoki salatu du Kaleko Afari Solidarioak (KAS)... [+]
ABRA Arabako Errioxako Upategien Elkarteko upategiek ekoitzitako ardo botilek bereizgarri propioa izango dute uzta honetatik aurrera. Markaren sustapen kanpaina ere egingo dute Araba, Bizkaia eta Gipuzkoako hiriburuetan. Kontsumitzaileei lagundu nahi diete Arabako ardoak eta... [+]
Artikoari begira jarri eta XXI. mendeko erronka eta arazo handienez hitz egiten bukatzen dugu aski fite: geopolitika, edo hobeki erran gerlak eta klima larrialdia. Horretaz kontziente, Artikoko Batzarraren baitan egin ahala eraikitzaile eta bakezale izateko jarrera izan dute... [+]
Orain dela hogei bat urte izandako mehatxuak datoz Gipuzkoako mendietara berriro ere, eta ez nolanahiko neurrian, gainera; tamaina eta kantitate handiagoan baizik. Proiektuok –bakarren bat jadanik eraikia; Zubietako erraustegia, kasu– landa-eremuan edota mendian dute... [+]
Urriaren 10 eta 11n Gasteizko Europa Jauregian egingo dira Euskalgintzaren Kontseiluak eta Eusko Jaurlaritzaren Hizkuntza Politikarako Sailburuordetzak lankidetzan urtero antolatzen dituzten jardunaldiak.
Iturramako taberna herritarrari eraso egin zioten egunean bertan Iruñean ziren arren, salatutakoan parte hartu zutenik ezin dela frogatu dio epaileak. 2022ko azaroan Ezpala taberna txikitu eta bertan ziren bezeroak jipoitu zituzten Bartzelonako ultrek.
Realeko futbol taldeko entrenatzaile Imanol Alguacilek, Nizan, Europako Ligako partiduaren aurretik eskainitako prentsaurrekoan euskarazko hedabideei euskaraz erantzuten ari zela, hainbat kazetariren kexa entzun behar izan du. Duela astebete antzeko egoera gertatu zen... [+]
Osakidetzako lan eskaintza publikoen eredua "berrikustea" eta kontsolidazio prozesuak "bukatzea" galdatzen duen ekimen parlamentarioa adostu dute hiru alderdiek.
Nafarroan hezkuntza publikoko milaka irakasle greba egitera daude deituta ostegun honetan eta mobilizazio ugari iragarri dituzte sindikatuek. Ratioen jaitsiera, plantillak egonkortu eta gainzama arintzea eskatzen dute, besteak beste: "Gobernuari dagokio hezkuntza publikoa... [+]
