Euskaraldiaren hamaikakoa aurkeztu dute, “bati esaten zaiona hamaikak jakiten duelako”
Komunikazioa, kirola, musika edo sukaldaritza bezalako esparruetan aritzeagatik ezagunak diren Euskal Herriko txoko guztietako euskaldunekin osatu dute Euskaraldiaren enbaxadore taldea.
Antolatzaileek adierazi dutenez, lehen hitza euskaraz egitea, euskaraz ulertzen dutenei euskaraz zuzentzea eta euskaldunekin beti euskaraz egitea dira jendartean zabaldu nahi dituzten hizkuntza portaerak. Euskaraldiaren hamaika enbaxadoreek hizkuntza aipatutako portaerak aldatzera eta aurrerapausoak ematera animatuko dituzte euskaldunak. Goiatz Urkijo Euskaraldiko koordinatzaileak nabarmendu du Euskaraldia zabalduko duten pertsonak direla “giltzarria”.
Euskaraldiaren hurrengo edizioa 2025eko maiatzaren 15etik 25era bitartean izango da. Edizio berriko egiteko nagusien artean dago, “sinpleak diruditen hizkuntza portaera zehatz batzuk normalizatzea” eta horiek arau sozial bihurtzea. “Portaera sinpleak itxuraz, baina oraindik errotatuta ez daudenak”, zehaztu du Urkijok.
Bilboko Bidebarrieta kulturgunean egindako agerraldian aurkeztu dute ostegun honetan Euskaraldiko hamaikakoa. Ezkerretik eskuinera; Eneko Atxa sukaldaria; Oihana Azkorbebeitia mendi lasterkaria; Aitor Bengoetxea musikari eta break dantzaria; Lutxo Egia del Rio idazlea; Eneko Garcia (Albina Stardust), trabestia; Ana Goitia kazetaria, aurkezlea eta umoregilea; Itziar Ituño aktorea; Roberto Moso komunikatzailea; Zibel Untsain dantzaria; Esti Urresola zinemagilea eta Mikel Urrutikoetxea pilotaria.
Euskaraldiko koordinatzaileek Euskaraldiak hizkuntza-ohiturak aldatzeko "testuingurua eskaintzen duela adierazi dute, baina, testuinguru hori baliatuko duten herritarrak aktibatzea behar-beharrezkoa" dela. Hori dela eta aukeztu dute hamaikakoa, horren harira ekarri du agerraldian gogora esaera zaharra Goiatz Urkijok: “bati esaten zaiona, hamaikak jakiten du”.
Aurreko edizioetako esperientziak oinarri hartuta, antolatzaileek “Euskaraldia gaindituko duen Euskaraldia” egitea proposatu dute. Iruñean, Nafarroako Antzerki Eskolan, aurkeztu dute 2025eko maiatzaren 15etik 25era egingo den Euskaraldiaren laugarren edizioa.
Antolatzaileen ustez hizkuntza ohituretan eraginkorra da Euskaraldia eta horregatik laugarren edizioa ere antolatzen ari dira. Hori bai, aurrekoak udazkenean egin dira eta hurrengoa udaberrian izango da.
Euskaraldia bukatzear da lerro hauek idazten ditudan orduan, oraindik bukaera argazkiak eskas dira. Ez da dudarik ederrak izanen direla, besta handi batean hartutakoen antzekoak.
Bizkitartean, artoski irakurri ditut, hemen edo beste zenbait agerkaritan, ni baino adituagoak... [+]
Hitzaldiak, prentsaurrekoak, elkarrizketak eta bilerak kontuan hartuta, egunean hiruzpalau hitzorduri erantzuten die egunotan Euskal Herriaren geografia luze-zabalean Kike Amonarrizek (Tolosa, 1961). Umoregilearen aldartearekin, komunikatzailearen argitasunaz, soziolinguistaren... [+]
Euskaraldiarekin batera, Goierri aldean Gipuzkoan beste ekimen batean ari dira egun hauetan: Hikaldia. Aittu euskara elkarteak antolatzen du, bikoteka aritzeko lehiaketa bezala. Hitanoz egiteko ariketa batzuk proposatu dira, eta audio bidez grabatu behar dituzte... [+]
Abenduaren 2a arte iraunen du Ahobizi-ak eta Belarriprest-ak protagonista dituen ekimenak. Antolatzaileek herritarrei gomita luzatu eta abiatzea ospatu zuten ostegun gauean Bilbon, Gasteizen, Donostian, Iruñean eta Baionan.
“Bat egiteko garaia da” lelopean burututako kanpainari esker 13.000 saski banatuko dira hurrengo egunetan eta 200.000 euroko ekarpen ekonomikoa bideratuko du Ager zonaldeko euskalgintzaren egitasmoetara. Euskaraldia azaroaren 18an hasiko da, eta ariketa sozial masibo... [+]
Ariketa kolektibo bat egingo du Gazte Euskaltzaleen sareak azaroaren 14tik 18ra, gazteen artean euskaraz bizitzeko hautua bultzatzeko eta horretarako oztopo diren "egiturazko baldintzak" azaleratzeko.
Euskaltzaleen Topaguneak eta Euskaraldiak sortu dute EITB podkast atariarentzat Zapla! podkast berria. Hizkuntza ohiturak aldatu eta Euskarazko praktika linguistikoak indartzeko tresna da. Belarriprest eta Ahobizi guztientzat lagungarri izan nahi du produktu berriak,... [+]
Euskaraldia hasteko egun gutxi falta direla, koordinatzaileek gomendioak eman dituzte: rol bakoitzaren txapak erabili eta erronka zehatzak hartu. Kaleak berotzen hasteko ehunka ekitaldi antolatu dituzte Euskal Herri osoko herrietan.
2016an hasitako 40 egun euskaraz erronkari jarraituz, Euskaraldiarekin bat egingo du Euskara Maratoiak aurten. Bidea badakite: Sentitu, prestatu eta ekin!