Euskaraldiaren edizio berria aurkeztu dute: maiatzaren 15etik 25era izango da
Aurreko edizioetako esperientziak oinarri hartuta, antolatzaileek “Euskaraldia gaindituko duen Euskaraldia” egitea proposatu dute. Iruñean, Nafarroako Antzerki Eskolan, aurkeztu dute 2025eko maiatzaren 15etik 25era egingo den Euskaraldiaren laugarren edizioa.
“Elkar mugituz egingo dugu” lelopean aurkeztu dute Euskaraldiaren edizioa. "Aktibazioan, mugimenduan eta emozioetan" jarri nahi dute fokua. Euskararen erabilera aktibatzeko ekimen sozial bat sortu eta gizartearen parte-hartzea bultzatu nahi dute antolatzaileek. Herriek eta entitateek jada eman dezakete izena Euskaraldian, ahobizi eta belarripresten izen-ematea ostera, martxoan hasiko da.
Nafarroako Antzerki Eskolan egindako agerraldian, Goiatz Urkijo Euskaraldiko koordinatzaileak adierazi du egitasmoa ezinbestekoa dela euskararen erabilera “biderkatzeko” ahaleginean. Hala ere, Euskaraldiak mugak badituela gogorarazi du, eta “kanpaina hutsa” izatetik haratago, ariketa soziala izan behar duela. Hori dela eta, herritarren “ilusioa masiboki pizteko” Euskaraldiak berrikuntzak behar dituela azaldu dute antolatzaileek. Gogoz heldu diete hauek erronkari.
Euskaraldia ekimen pasiboa izatetik hurrun, komunitate osoa mobilizatuko den egitasmoa izatea nahi dute antolatzaileek. Horretarako tresna berria sortu dute, Euskara aktibatzaileen gida-liburua, mugimendua sortzeko eta ekintzak antolatzeko laguntza emango duena. Gida horrek herritarren aktibazioa sustatzeko modu berriak proposatzen ditu.
Betiko funtsa berrikuntzekin
Euskaraldiaren oinarria mantenduko da: partaideek ahobizi edo belarriprest rola hautatuko dute, eta hamaika egunetan egingo dute egokitutako ariketa. Horrela, euskararen erabilera “arau sozial” bihurtu nahi da, lehen hitza euskaraz egitea eta euskaldunak euskaldunari beti euskaraz hitz egitea sustatu.
Antolatzaileek “elkarlanaren garrantzia” nabarmendu dute. Hainbat erakundetako ordezkariek hartu dute parte ekitaldian eta guztiek adierazi dute euskarak gizartean duen presentzia handitzeko aukera paregabea eskaintzen duela Euskaraldiak, eta komunitate zabal bat sortzeko bidea irekitzeko funtsezko egitasmoa dela.
Antolatzaileen ustez hizkuntza ohituretan eraginkorra da Euskaraldia eta horregatik laugarren edizioa ere antolatzen ari dira. Hori bai, aurrekoak udazkenean egin dira eta hurrengoa udaberrian izango da.
Euskaraldia bukatzear da lerro hauek idazten ditudan orduan, oraindik bukaera argazkiak eskas dira. Ez da dudarik ederrak izanen direla, besta handi batean hartutakoen antzekoak.
Bizkitartean, artoski irakurri ditut, hemen edo beste zenbait agerkaritan, ni baino adituagoak... [+]
Hitzaldiak, prentsaurrekoak, elkarrizketak eta bilerak kontuan hartuta, egunean hiruzpalau hitzorduri erantzuten die egunotan Euskal Herriaren geografia luze-zabalean Kike Amonarrizek (Tolosa, 1961). Umoregilearen aldartearekin, komunikatzailearen argitasunaz, soziolinguistaren... [+]
Euskaraldiarekin batera, Goierri aldean Gipuzkoan beste ekimen batean ari dira egun hauetan: Hikaldia. Aittu euskara elkarteak antolatzen du, bikoteka aritzeko lehiaketa bezala. Hitanoz egiteko ariketa batzuk proposatu dira, eta audio bidez grabatu behar dituzte... [+]
Abenduaren 2a arte iraunen du Ahobizi-ak eta Belarriprest-ak protagonista dituen ekimenak. Antolatzaileek herritarrei gomita luzatu eta abiatzea ospatu zuten ostegun gauean Bilbon, Gasteizen, Donostian, Iruñean eta Baionan.
“Bat egiteko garaia da” lelopean burututako kanpainari esker 13.000 saski banatuko dira hurrengo egunetan eta 200.000 euroko ekarpen ekonomikoa bideratuko du Ager zonaldeko euskalgintzaren egitasmoetara. Euskaraldia azaroaren 18an hasiko da, eta ariketa sozial masibo... [+]
Ariketa kolektibo bat egingo du Gazte Euskaltzaleen sareak azaroaren 14tik 18ra, gazteen artean euskaraz bizitzeko hautua bultzatzeko eta horretarako oztopo diren "egiturazko baldintzak" azaleratzeko.
Euskaltzaleen Topaguneak eta Euskaraldiak sortu dute EITB podkast atariarentzat Zapla! podkast berria. Hizkuntza ohiturak aldatu eta Euskarazko praktika linguistikoak indartzeko tresna da. Belarriprest eta Ahobizi guztientzat lagungarri izan nahi du produktu berriak,... [+]
Euskaraldia hasteko egun gutxi falta direla, koordinatzaileek gomendioak eman dituzte: rol bakoitzaren txapak erabili eta erronka zehatzak hartu. Kaleak berotzen hasteko ehunka ekitaldi antolatu dituzte Euskal Herri osoko herrietan.
2016an hasitako 40 egun euskaraz erronkari jarraituz, Euskaraldiarekin bat egingo du Euskara Maratoiak aurten. Bidea badakite: Sentitu, prestatu eta ekin!
Herritarrez gain, entitateei ere galdetua zaie parte-hartzea, haiena "arigune" izendatuz. Azaroaren 18tik abenduaren 2ra iraganen da hirugarren edizioa, "Hitzez ekiteko garaia" lelopean.