Euskaraldiaren antolatzaileek herritarren aktibazioan jarri dute azpimarra
Euskararen normalizazioaren alde Korrikak berpiztutakoa Euskaraldiarekin segi behar dela gogorarazi dute ekimenaren aurkezpenean, eta herritarrei dei egin diete aktiboki parte hartzera, ahobizi eta belarriprest gisa ez ezik, antolakuntzan ere bai. Euskaraldian ere "hitzez ekiteko garaia" dela berretsi dute.
“Oso garrantzitsua da Korrikak bistaratu duen energia sozial hori Euskaraldian ere egotea”. Horixe nabarmendu du Alizia Iribarren AEK-ko koordinatzaileak astelehenean egin duten Euskaraldia ekimen sozialaren aurkezpenean, Donostian. Euskararen aldeko bi ekimenen arteko lotura erakutsi dute, batak besteari lekukoa pasaz, eta herritarrei dei egin diete dinamikan aktiboki parte hartzera. Azaroaren 18tik abenduaren 2ra bitarte izango da Euskaraldia Hitzez ekiteko garaia lelopean, baina Goiatz Urkijo ekimenaren koordinatzaileak jakinarazi du jada aurkezpenak egiten ari direla herriz herri, eta herritarrak animatu ditu antolaketako batzordeetan “aktiboki” parte hartzera.
Arduradunek berretsi dute 2022. urtea “hitzaren eta ekintzaren urtea” dela, eta azpimarratu dute pandemiak agerian utzi duela euskararen normalizazioan beharrezkoak direla “hiztunen praktika linguistiko eraldatzaileak” eta “era guztietako erakundeen urrats sendoak”. Beraz, Korrikak berpiztu duen “euskararen olatua” jarraitzeko Euskaraldia baliatu behar dela nabarmendu du Urkijok: “Euskararen erabileran, ezagutzaren unibertsalizazioan eta euskararentzako gune erosoak zabaltzen urratsak ematen jarraitzeko”.
Entitateek "neurri zehatzak" euskara bultzatzeko
Ahobizi eta belarriprest moduan parte hartuko duten norbanakoen aktibazioan eta hizkuntza ohituren aldaketan fokua jartzeaz gain, Euskaraldiaren arduradunek garrantzia eman diote erakundeek hartu beharreko “neurri zehatzei”; entitateei eskatu diete euskarazko praktika linguistikoak bultzatzeko. Hain zuzen, maiatzaren 18an irekiko da entitateek Euskaraldian izena emateko epea, eta irailaren 29an norbanakoena.
Komunikazioa, kirola, musika edo sukaldaritza bezalako esparruetan aritzeagatik ezagunak diren Euskal Herriko txoko guztietako euskaldunekin osatu dute Euskaraldiaren enbaxadore taldea.
Aurreko edizioetako esperientziak oinarri hartuta, antolatzaileek “Euskaraldia gaindituko duen Euskaraldia” egitea proposatu dute. Iruñean, Nafarroako Antzerki Eskolan, aurkeztu dute 2025eko maiatzaren 15etik 25era egingo den Euskaraldiaren laugarren edizioa.
Antolatzaileen ustez hizkuntza ohituretan eraginkorra da Euskaraldia eta horregatik laugarren edizioa ere antolatzen ari dira. Hori bai, aurrekoak udazkenean egin dira eta hurrengoa udaberrian izango da.
Euskaraldia bukatzear da lerro hauek idazten ditudan orduan, oraindik bukaera argazkiak eskas dira. Ez da dudarik ederrak izanen direla, besta handi batean hartutakoen antzekoak.
Bizkitartean, artoski irakurri ditut, hemen edo beste zenbait agerkaritan, ni baino adituagoak... [+]
Hitzaldiak, prentsaurrekoak, elkarrizketak eta bilerak kontuan hartuta, egunean hiruzpalau hitzorduri erantzuten die egunotan Euskal Herriaren geografia luze-zabalean Kike Amonarrizek (Tolosa, 1961). Umoregilearen aldartearekin, komunikatzailearen argitasunaz, soziolinguistaren... [+]
Euskaraldiarekin batera, Goierri aldean Gipuzkoan beste ekimen batean ari dira egun hauetan: Hikaldia. Aittu euskara elkarteak antolatzen du, bikoteka aritzeko lehiaketa bezala. Hitanoz egiteko ariketa batzuk proposatu dira, eta audio bidez grabatu behar dituzte... [+]
Abenduaren 2a arte iraunen du Ahobizi-ak eta Belarriprest-ak protagonista dituen ekimenak. Antolatzaileek herritarrei gomita luzatu eta abiatzea ospatu zuten ostegun gauean Bilbon, Gasteizen, Donostian, Iruñean eta Baionan.
“Bat egiteko garaia da” lelopean burututako kanpainari esker 13.000 saski banatuko dira hurrengo egunetan eta 200.000 euroko ekarpen ekonomikoa bideratuko du Ager zonaldeko euskalgintzaren egitasmoetara. Euskaraldia azaroaren 18an hasiko da, eta ariketa sozial masibo... [+]
Ariketa kolektibo bat egingo du Gazte Euskaltzaleen sareak azaroaren 14tik 18ra, gazteen artean euskaraz bizitzeko hautua bultzatzeko eta horretarako oztopo diren "egiturazko baldintzak" azaleratzeko.
Euskaltzaleen Topaguneak eta Euskaraldiak sortu dute EITB podkast atariarentzat Zapla! podkast berria. Hizkuntza ohiturak aldatu eta Euskarazko praktika linguistikoak indartzeko tresna da. Belarriprest eta Ahobizi guztientzat lagungarri izan nahi du produktu berriak,... [+]
Euskaraldia hasteko egun gutxi falta direla, koordinatzaileek gomendioak eman dituzte: rol bakoitzaren txapak erabili eta erronka zehatzak hartu. Kaleak berotzen hasteko ehunka ekitaldi antolatu dituzte Euskal Herri osoko herrietan.