Euskarafobia haizatuko duen manifestaziora joateko autobusak diru publikoz ordaindu nahi ditu UPNk
Herritarrek autobusak doan izan ditzaten udalei eskatzen ari zaizkie ordain ditzatela zerbitzu horiek. UPN eta PP ari dira mobilizatzen bereziki baina PSNk ere babestu du ekainaren 2ko manifestazioa. "Euskararen inposizioa" salatzera aterako dira kalera, "Gobernua egiten ari den hizkuntz politika bidegabea" kritikatzera.
"Ez dugu deus euskararen kontra baina...", hitz horiekin ematen diote hasiera manifestuari. Jendearen parte hartzea ziurtatzeko beste modu bat ari dira lantzen eta oraingoan mozioak dira aurkeztu dituztenak autobusak doan eskaintzeko Iruñera manifestatzera joan nahi dutenentzat.
Ez da lehen aldia UPNk autobus zerbiztua doanekoa eskaintzen duena mobilizazio batera jendea erakartzeko modu gisara: 2007an UPN eta CDNren Gobernu garaietan Jose Luis Rodriguez Zapateroren aurkako manifestazioa antolatu zuten eta orduan ere doan eskaintzen zuten autobus zerbitzua. Horrez gain 247.000 euro gastatu zituen bestelako hauetan: 98.468 euro megafonia eta telebistan; 55.038 euro bandera eta pegatinetan; 53.879 euro publizitatean eta 30.013 eskenatokian. 2007ko manifestazioan gainera, iaz, Nafarroako banderaren defentsarako deitutakoan ere autobusak doan eskaini zituzten UPNkoek. Haietan, UPNk ordaindu zituen horietan autobus zerbitzuak eta oraingoan beste zera nahi dute: udalek ordain ditzatela zerbitzu horiek diru publikoarekin. Mozio bidez ari dira eskaera hori egiten eta oraingoz Nafarroako 80 udaletan eginen dute, UPNk ordezkaritza duen horietan.
Euskarafobia haizatzen
Iazko manifestazio deia egin zuten berberek egin dute ekainaren 2korako deia ere. Doble 12 elkartea da deitzaile nagusia. UPNrengandik oso gertu dagoen elkartea da eta Fernando Aranguren da presidentea. Horrez gain, Maribel Vals Vecinos de Paz taldeko kidea, Patxi Mendiburu edota Pepe Alfaro ere badaude deitzaileen artean.
Albiste hau Euskalerria Irratiaren webgunean argitaratu da eta CC by-sa lizentziari esker ekarri dugu ARGIAra
“Ez da posible hiri guztia zeharkatu behar izatea seme-alabak hemengo jatorriko hizkuntzan murgiltzeko” salatu dute guraso askok. Euskarazko plazak ere “oso urriak direla” salatu dute familia askoren artean eginiko bideoan.
Euskarari Puzka azken kanpainan 16.000 saski saldu dituzte, eta euskararen alde lan egiten duten elkarteentzat bideratuko zaie lortutako etekina.
“Ikae” edo “igae” bezala transkribitu ditu aurkituriko ikurrak Nafarroako Gobernuko Kultura Zuzendaritza Nagusiko ikertzaile taldeak. Duela 2.000 urteko "baskoierazko" idazkun bat izan daitekeela diote ikerleek, baina garai hartako hizkuntzei... [+]
Premiazko txostena eskatu dio Nafarroako Kontseiluari. Behin betiko onartzeko aurretiazko urratsa da, Nafarroako Justizia Auzitegi Nagusiak aurreko dekretuaren zati batzuk baliogabetu eta bost urtera.
Barañaingo EH Bilduk salatu du Barañaingo Udalak haur eskoletarako hezitzaileen deialdian euskarazko eta gaztelaniazko azterketak egun eta ordu berean jarri dituela, eta hala, hautagaiak hizkuntza bat aukeratzera behartzen dituela.
Euskaltzaleen Topaguneko kideek euskara sustatzeko jarreren inguruko datu kezkagarriak hauteman dituzte. Hori dela eta, Gero eta aldeko gehiago gizartean ikerketaren bidez, herritarrak euskarara hurbiltzeko estrategia berriak landu dituzte. Horretaz mintzatu dira, apirilean,... [+]
Hezkuntzak aurreikuspena zuzendu eta onartu du institutuak Zientzia, Humanitate eta Gizarte Zientzien Batxilergoko lehen mailan bi talde izaten jarraitzea.
Barañaingo Alaitz institutuko 26 ikasle batxilergoko zerrendatik kanpo gelditu dira, Nafarroako Hezkuntza Sailak gela bat murriztu duelako. Murrizketa salatzeko mobilizazioa egin dute.
Administrazioan Euskaraz taldeak Nafarroako Kontseiluaren jardun euskarafobikoa salatu du ekintza baten bidez. Nafarroako Gobernuak euskarako dekretua prestatzen bost urte eman ondoren, Nafarroako Kontseiluari zirriborroa aurkeztu dio.
Atzo eguerdian, Mañeruko herriko plazan egindako ekitaldian, diploma bana eman zieten zortzi eta hamabi urte arteko ibarreko 45 haur euskaldunei. Horretaz gain, Oskar Alegriak umeokin ondutako film laburra estreinatu zuten.