Euskarabildua jardunaldiak egunerokoan baliagarriak diren teknologia burujabe eta libreak ezagutzera emango ditu
Euskaraz lan egitea ahalbidetzen duten eta egunerokoan baliagarri zaizkigun tresnen erakusleihoa ere izango da aurtengo edizioa.
Oso ohituta gaude doan eta eskueran uzten dizkiguten tresna informatikoak erabiltzera. Baina horien kudeaketa ez dago norberaren esku. Euskarabildua jardunaldiek azken urteetan erakutsi digute modu burujabean kudeatu ezin den teknologiak norberaren koherentzia mehatxatu dezakeela, komunitatearen ekarpenei ateak itxi, hizkuntza txikienei hegoak moztu eta ingurumena zaintzeko ahaleginak zapuztu. Aldiz, hainbat hizlarik adierazi digute teknologia burujabeek aske egiten gaituztela, garena zaintzen dutela eta aukera iraunkorragoen, gizatiarragoen eta arduratsuagoen erakusleiho direla.
Aurtengo Euskarabildua jardunaldietan arreta jarri nahi dugu aukera iraunkorragoetan, gizatiarragoetan eta arduratsuagoetan. Hau da, Google unibertsotik haratago, software librea eta burujabea herritarrei hurbiltzeko lan egiten duten kolektiboak eta proiektuak aurkeztuko dira.
Besteak beste, Frantziako hezkuntza eredua aurkeztera etorriko da Frantziako Hezkuntza Ministerioko software eta hezkuntza-baliabide irekiko eta aniztasuneko proiektuen arduraduna sektore digitalean, Alexis Kauffmann.
Jardunaldiak egunerokoan baliagarri zaizkigun hainbat tresna ere aurkeztuko ditu, norberaren beharretara parametrizagarriak izan daitezkeenak, datuen pribatutasuna plataforma handien aldean babesten dutenak eta euskaraz ere erabilgarri daudenak: Nextcloud, edozein erakunde edo enpresentzako bulego birtuala, Odoo ERP sistema eta marketin digitalerako Mailtrain softwarea, besteak beste.
Euskarabildua jardunaldia urriaren 26an egingo da San Telmo museoan eta antolatzaile da ARGIA, Iametza eta Ametzagaiña taldeko enpresekin batera. Bertaratu nahi izanez gero, www.euskarabildua.eus webgunearen bidez izena eman daiteke.
Euskarabildua jardunaldiak egin dituzte Donostiako San Telmo museoan eta antolatzaile da ARGIA, Iametza eta Ametzagaiña taldeko enpresekin batera. Egunerokoan baliagarriak diren teknologia burujabe eta libreak ezagutzera eman ditu jardunaldiak. Euskaraz lan egitea... [+]
Beñat Irasuegi Talaios Kooperatibako kideak Odoo tresna librea aurkeztuko du Euskarabildua jardunaldietan ostegunean Donostiako San Telmo museoan.
Mailtrain e-posta bidalketak egitea ahalbidetzen duen software librea da. Norberaren zerbitzarian instalatzeko aukera eman eta datuen pribatutasuna zaintzen du.
Hodei propioa eraikitzea ahalbidetzen duen software librea da Nexcloud, datuen pribatutasuna zaintzen duena. Dokumentuen biltegia eta partekatzeko gunea izateaz gain, bestelako funtzionalitateak ere integratzen ditu: bideo-deiak egiteko Talk sistema; egutegia; posta... [+]
Herritar gehienontzat hiru kontzeptuek esanahi bera izan ohi dute: teknologia burujabetza eta software librea sinonimoak dira, baita librea izatea eta kode askekoa izatea ere. Baina nahiz eta harremana duten kontzeptuak izan, ez dira gauza bera.
Urriaren 26an Donostiako San Telmon egingo den Euskarabildua jardunaldien lehen zatian hezkuntza eta baliabide libreak izango dira hizketagai.
Hala jarri diote izena aurtengo Euskarabildua jardunaldiei, mintzatzeko Google-tik harago dagoen mundu burujabeaz. Baina izan zitekeen 2012an Iametzak eta Ametzagaña taldeak antolatu zuten estreinako edizio haren izena ere. Hamabi edizio iragan dira ordutik. Hizlariak,... [+]
Gero eta gehiago entzuten da etorkizunean ez dugula teklaturik erabiliko. Gero eta ohikoagoa da makinekin elkar eragiteko ahotsa erabiltzea eta horretarako hainbat tresna daude: Google Assistant, Apple Siri, Microsoft Cortana, Amazon Alexa... Tresna hauek erraztasun handiak... [+]
Alexis Kauffmann, Frantziako Hezkuntza Ministerioko DNEko (Hezkuntzarako Zuzendaritza Digitala) teknologia digitaleko sektoreetako software-proiektuen eta hezkuntza-baliabide libre eta mistoen zuzendaria da. Hezkuntza libre eta irekiaren aldeko ekintzaileak urriaren 26an... [+]
Urriaren 27an Euskarabildua jardunaldia antolatu dute beste urte batez, teknologia eta komunikazioaren arteko harremanen inguruan sakontzeko. Aurtengo edizioan teknologia burujabea izango dute ardatz: "Garrantzitsua da gizarteak egoera eta arazoa ulertzea, ezagutzatik... [+]
Urriaren 27an San Telmo museoan egingo den Euskarabildua jardunaldira bertaratutakoek lau lan dinamiketako batean parte hartzeko aukera izango dute: Hezkuntza, Telekomunikazioak, Informazioa eta komunikabideak eta Gobernantza. Saretzeko eta hausnartzeko parada izango dira... [+]
2020tik pandemia batean murgilduta egon gara duela gutxi arte eta orain energia eta baliabide krisi handi batean. Asko hasi dira zalantzan jartzen globalizazio basatiaren eta bizi garen inguruneak eman diezazkigukeen baliabideak gainditzen dituen bizitzeko modua... [+]
Digitalizazioaren bidean aurrerapausoak egin behar direla argi dago, baina zer nolako prozesua da bultzatu behar duguna? Bizitzako beste arlo askotan bezala, modu askotara iritsi gaitezke jomugan ditugun helburuetara. Hala, digitalizazioaren eta teknologiaren eremuan ere arduraz... [+]
Estrategia komunikatibotik 'data center' batera hitzaldia eskainiko du Eñaut Graciak Euskarabilduaren aurtengo jardunaldietan, Datuen garrantzia blokearen barruan. Errenteriako Udalean estrategia komunikatibo eraginkorra izateko zenbait gako aurkeztuko du, eta... [+]