EuskarAbenturak berriz ere zeharkatu gura du Euskal Herria datorren urteko udan
Osasun-egoerak bermatuz gero, 2021eko udan berriro egingo dute Euskal Herria zeharkatzen duen EuskarAbentura espedizioa. 2004 eta 2005 urteen artean jaiotako euskal gazteak esperientzia horretaz gozatzeko aukera izango dute, 2020ko edizioa bertan behera gelditu ondoren.
Donostiako San Telmo museoan egin duten aurkezpenean antolatzaileek aitortu dute oraindino ez dakitela % 100ean zein ibilbide edo zenbat gaztek ahalko duten parte hartu hurrengo EuskarAbenturan. "2021eko espedizioa unean uneko osasun egoeraren eta indarrean dauden arauen arabera antolatuko da. Uda hurbildu ahala egitasmoari buruzko informazio eguneratua argitaratuko da", adierazi dute.
Hala ere, aukeraketa prozesua hasi dute, eta, aurrekoetan bezala, parte hartu gura duten 16 eta 17 urtetako gazteek minutu bateko aurkezpen bideoa eta banakako proiektu bat aurkeztu beharko dute; elkarteak euskarabentura.eus webgunean proposatutako formatu eta gaien artean aukeratu beharko da. Bideo horiek aurkezteko epea martxoaren 12ra arte izango da, eta Eusko Ikaskuntza eta PuntuEus fundazioakaz elkarlanean, 120 egile onenak aukeratu dituzte espedizioan parte hartzeko aukera izan dezaten.
2021ean bueltatzeko irrikan
Osasun-krisiak eragindako egoera dela eta, antolatzaileek bertan behera utzi behar izan zuten 2020ko espedizioa, parte-hartzeko izena eman zuten 316 gazteen penarako. Hala ere, neska-mutil horiek erakutsitako "jarrera aktiboa" baloratu guran, 2021eko ediziorako kontutan hartuko dituzte beraien hautagaitzak.
Aurtengo espedizioa ez egin arren, egitasmoari jarraipena eman diote EuskarAbentura 2.0 alternatibaren bidez. “Instagrametik erronka desberdinak proposatu genituen eta 60 gazte baino gehiago animatu ziren parte hartzera”, azaldu du Ane Pedruzo elkartekideak.
Hurrengo udara begira, esperientzia berdina eskaintzeko asmoagaz aukera ezberdinak aurreikusten ari direla jakinarazi du Pedruzok: "espedizioaren mugikortasuna murriztea, gazte kopurua edota jardueraren iraupena murriztea, adibidez, jende gutxiagoko ekintza laburragoak eginez... Gure azken helburua espedizioa egitea izango da".
Argantzonera (Araba) iritsiko da asteazkenean Euskarabentura espedizioa, Gesaltz-Añanatik pasa ostean aurreko egunean. Hamar egun dira espedizioa hasi zela Atharratzen (Zuberoa). 15-17 urte bitarteko 125 Jzioquitar (Euskarabenturako parte-hartzaileek jasotzen duten izena... [+]
Erripako kaian euskaltzale ugari bildu dira euskaraz libre aritu ahal izateko sortu den mugimenduaren aurkezpenean. “Urte luzez bilbotarrek egindako lan ikaragarriaren ondorio eta ondorengo” izango dela adierazi dute.
Inoiz baino jende gehiago bildu da Iruñerriko III. Mintzodromoan. 180 pertsona inguru aritu dira euskara praktikatzen eta sare euskalduna zabaltzen.
Jaime Altunak Hizkuntzaren funanbulistak. Hizkuntza-sozializazioa kirol eremuan adin eta generoan ardaztuta doktoretza tesia uztailean bukatu du. Gaiaren ezagutza sakonetik eta aurrez beste ikerlariek idatzitakotik hurbildu da begirada berezi bezain zorrotzaz Gipuzkoako zenbait... [+]
Audiogidak frantsezez, alemanez, ingelesez eta gaztelaniaz daude. Biarritzeko turismo bulegoko zuzendari Genevieve Fontainek argudiatu du euskara ez dela “berehalako eskarietako bat”.
Haurren aurrean helduok heldu ekimena urriaren 19tik 29ra egingo da Hego Euskal Herriko 80 herritan. Protagonistak, batez ere, gurasoak izango dira eta bi helburu azpimarratu ditu Euskaltzaleen Topagunea antolatzaileak: batetik, gurasoek hizkuntza ohiturak aldatzeko pausoak... [+]
Euskarafobia legalaren historia legez lege eta arauez arau aztertu du Iñigo Urrutiak (1966, Jatabe-Maruri), Xabier Irujorekin batera. Horren emaitza da Historia Jurídica de la Lengua Vasca (1789-2023) liburu mardula. Irujo atzerrian zegoenez, Urrutiarekin mintzatu... [+]
Umap Twitterreko euskarazko jardunaren biltegia 2010eko urrian hasi zen martxan, CodeSyntax-en eskutik. 2023an, hil egin da. Elon Musk-ek hil du, berak zer garen eta nor garen ez dakien arren. Umap-en hainbat zerbitzuren oinarri izan da, euskarazko txiolarien, hedabideen eta... [+]
Ekainaren 24an bigarrenez egingo da Euskara jalgi hadi plazara lagunarteko futbol txapelketa Lezaman. Euskal Herri osoko lau kirol elkartek hartuko dute parte, eta helburua kirolean ere euskararen erabilera sustatzea izango da.
Erronkaribarreko ehunka lagun biltzen duen urteroko zita ospatuko dute maiatzaren 20an Erronkariko herrian bertan. Uskararen Egunak 26. edizioa du aurtengoa, eta ibarreko herritarrak kohesionatzeko eta jendartea biziberritzeko ezinbesteko ekimena bihurtu da.
Errealitatea eraldatzeko, gauzak ahalik eta zehatzen ezagutu behar direla sinetsita dago Iñaki Iurrebaso Biteri (Legazpi, 1967). Soziologoa ikasketaz, ofizio horretan aritu izan da beti, hasi Donostiako Udalean, Aztikerren ondoren, eta bere kabuz gero. Azken zortzi urteak... [+]
Nafarroako 7. Inkesta Soziolinguistikoaren datuak eman ditu jakitera Euskarabideak, Nafarroako Gobernuaren euskara zerbitzuak. 2021ekoak dira neurketak, eta bertan jasotako datuak laburbilduz, Kike Amonarriz soziolinguistak egin duen bezala, "ezagutzan irabaziak, erabileran... [+]
Amikuzeko Zabalik elkarteak aste honetan ekingo dio euskara hutsezko Otsail Ostegunak hitzaldi zikloen 26. edizioari. Aurtengoan, gainera, ekitaldia otsailetik martxora zabaldurik lau ez baina bost ostegunez burutuko dira hitzaldiak Donapaleuko Bideak gunean, duela gutxi arte... [+]
Saltsa guztietan egon ohi dira eta Lekeitioko Ikastolak proposatutako erronkari ere ez diote iskin egin espeja-gartziatarrek. Alina Diadoma ukrainarrak prestutasun hori baliatu eta gogoz hartu du aste betez familia euskaldun batean bizitzeko erronka. Ikasleek eta familiek... [+]