Euskara “zaila” dela esanez, langile batek hizkuntza eskakizuna ez betetzea justifikatu du epaile batek
Bitarteko funtzionario batek Laudioko Udaleko lanpostua galdu zuen 2020an, hirugarren hizkuntza eskakizuna behar zelako eta 2014an hasi zenetik soilik lehenengoa lortu zuelako. Bada, epaile batek ebatzi du berriz hartu beharko dutela langilea, eta udalari egotzi diote “sentsibilitaterik” ez izatea langilea kaleratzerakoan, euskara "munduko bosgarren hizkuntzarik zailena" izanik ez zutelako euskara ikasteko egin zuen “ahalegina” kontuan izan.
Gasteizko epaile batek euskararen “zailtasuna” argudiatu du langile batek hizkuntza eskakizuna bete ez izana justifikatzeko, Arabako Alea hedabideak jakitera eman duenez. Langilea Laudioko Udalean zegoen 2014tik, bitarteko funtzionario gisa, eta lanpostu horri 3. hizkuntza eskakizuna zegokion arren, soilik 1goa zuen gaindituta. Beraz, Laudioko Udalak kaleratu egin zuen 2020an, ez zituelako lanpostuko baldintzak betetzen, zortzi urte euskara ikasten eman ostean. Udalak epaileari argitu zion kontratua sinatzerakoan langileak bazekiela lanpostu hori galtzeko arriskua zuela, hirugarren hizkuntza eskakizuna bete ezean.
Baina epaileak langileari eman dio arrazoia; honela dio Aleak argitaratutako sententziak: “Badirudi Administrazioari ahaztu egin zaiola euskara munduko bosgarren hizkuntzarik zailena dela (zerrenda batzuetan lehena ageri da). Hizkuntza horren zailtasun nagusia da ez duela inongo loturarik beste hizkuntzekin, zeren denboran zehar bilakaera isolatua izan du. Horri gehitzen zaio egituraren konplexutasuna: hiztegiari dagokionez, hitzen esanahia aldatzen da ehunka atzizki, aurrizki eta artizki gehitzen direnean”.
Beraz, euskara zaila dela esanda, Laudioko Udalari egotzi dio “inolako sentsibilitaterik” ez izatea langilea kaleratzerakoan, ez zutelako "kontuan hartu" 1.295 ordu euskara ikasten pasatzearen “ahalegina” eta 1go eskakizuna gainditu izana. Udalaren “zigorra” izan zela argudiatu du epaileak, eta exijitu dio langilea berriro hartzeko. Aleak jakinarazi duenez helegitea aurkeztu du Laudioko Udalak.
Gainera, epaiak dio Europako Batasuneko 1999/70/CE direktibaren arabera “diskriminatzailea” dela funtzionario titularrei eta bitarteko funtzionarioei eskakizun desberdinak egitea, auzi honetan gertatu bezala. Izan ere, euskararen normalizaziorako 86/1997 dekretuak hizkuntza eskakizunak betetzeko beharra kentzen die 45 urtetik gorako funtzionario titularrei; ez, ordea, bitartekoei. Epailearen esanetan Europako legedia gailentzen da kasu honetan, eta, nahiz eta auzia irabazi duen langilea bitarteko funtzionarioa izan, ez du euskararen normalizaziorako legea bete beharrik.
Baionan egin dute agerraldia euskalgintzako 25 bat eragilek maiatzaren 15 honetan. Erakunde publikoen interpelazioaz gain, datorren urteko maiatzaren 15etik 25era iraganen den Euskaraldiaren berri emateko unea ere izan da.
2024 urte hastapenean adostuko du ondoko urteetarako hizkuntza politika Euskararen Erakunde Publikoak (EEP). Azken inkesta soziolinguistikoaren emaitzak eta EEPk 2050ari begira egindako aurreikuspenak esku artean, alarma gorria pizturik du euskalgintza sozialak: ezin da orain... [+]
Euskalgintzaren Kontseiluak "atsekabez" hartu du berria, baina atzerapenaren ostean onartuko duten esperantza du. Bestalde, gaurtik aurrera hizkuntza horiek erabili ahal izango dira Espainiako Kongresuan. Kontseiluak kezkaz hartu du euskal alderdietako politikariek... [+]
Andorrako katalanaren defentsarako lege berriak katalanaren oinarrizko maila eskatuko du bertan bizi eta lan egin ahal izateko. A2 titulua baino maila baxuagoa eskatuko dute.
Ostegunean jakin genuen: Espainiako Gobernuak eskatu du galiziera, euskara eta katalana hizkuntza ofizialak izan daitezela Europako erakundeetan. Zergatik? Kataluniako alderdi politikoek behartu dute horretara, negoziazioetan.
Atzerapausoa. Horrela baloratzen du Euskalgintzaren Kontseiluak, hizkuntza auziari eta euskararen sustapenari dagokionez, Nafarroako Gobernu berria eratuko duten alderdi politikoek sinatu duten 2023-2027 legegintzaldirako akordio programatikoa.
Hamabi irakaslek 2.040 idazlan zuzendu eta 680 ikasleren ahozko probak egingo dituzte 18 egunetan, “kontuan hartu gabe idazlan bakoitza bi irakaslek zuzentzea litzatekeela gure helburu ideala, bigarren iritzi bat izateko”. Jaume Gelabert Iruñeko Hizkuntza... [+]
EAEko Berritzeguneetan hurrengo ikasturtean lan egiteko deialdira aurkezten diren irakasleek aldaketa bat ikusiko dute beren lana ahoz defendatzeko jarraibideetan: aurreko deialdian “defentsa euskaraz egingo da” zioen lekuan, orain dio “defentsa ahal bada... [+]
Araba, Bizkaia eta Gipuzkoan, Hezkuntza Legean edo Administraziorako Euskararen Legean eragin nahi du Kontseiluak; Nafarroan, ofizialtasunaren aldarrikapena ardatzean jarri; eta Lapurdi, Baxe Nafarroan eta Zuberoan, berriz, ikasleek azterketak euskaraz egiteko eskubidea... [+]
Pantailaldiaren Arabako ordezkaria izan da Mitxel Elortza Exea. Ekimena arrakastatsua izan dela uste du herritarren parte hartzeagatik, baina astebetez euskarazko ikus-entzunezkoak soilik ikusteko erronka egunerokoan bete dadin lan asko geratzen da egiteko Elortzaren ustez... [+]
Euskararen Legea aldatzeko eskatu du Euskaltzaindiak eta bat egin du Euskararen Nafar Kontseiluak irailean egindako adierazpenarekin. Gogorarazi du euskararen akademia dela lurralde guztietan, hizkuntzari dagokionez, "instituzio aholku-emaile ofiziala".
Arangurengo Gongora jauregian Irulegiko eskuaren aurkezpenean María Chiviteren diskurtsoa izan da, askoren harridurarako, Aranzadiren aurkikuntzaren garrantzia azpimarratzeko indartsuenetakoa eta mamitsuenetakoa.
Txillardegiren heriotzaren 10. urteurrenean, Telesforo Monzon laborategiko Txillardegi Gogoeta Guneak, Jakinek eta UEUk elkarlanean antolatu dute XXI. menderako hizkuntza politikaz jardunaldia, XXI. mendeko erronken aurrean zer hizkuntza politika behar dugun argitu eta... [+]
Hizkuntza-politikari buruzko debateen aurrean –ei, ei, aber, ez joan oraindik, eman aukera bat artikulu honi– sentitzen hasia naiz Bill Murray pelikula hartan bezala: planteamenduren bat egiten da, kontua korapilatzen da bateko eta besteko iritziekin, kinki-kanka... [+]
1986ko Euskararen Legea aldatu eta Nafarroa osoan euskara ofizial egiteko eskaera zuzena egin dio Euskararen Nafar Kontseiluak Nafarroako Gobernuari, irailaren 16an onarturiko adierazpenean. ARGIAk bat egin du adierazpenarekin, IKA euskaltegiak abiarazitako atxikimendu... [+]