Euskara ikasteko trabak ipintzea ukatu du Michel Blanquer Frantziako Hezkuntza ministroak
Pernando Barrena eurodiputatuak galdetu dio ea hizkuntza gutxituen gaineko jarrera aldatuko duen Frantziako Hezkuntza Ministerioak, eta salatu du Seaskako irakasleak “jazartzen” ari dela gobernua. Blanquerrek halakorik ezeztatu du: gobernuak “eskualdeko hizkuntzen sustapenaren alde” egiten duela ziurtatu du.
Astelehenean, otsailak 7, Europako Parlamentuan hitzartzea egin dute Frantziako Barne ministro Gérald Darmaninek eta Hezkuntza ministro Jean-Michel Blanquerrek, eta, jarraian, Pernando Barrena EH Bilduko eurodiputatuak galderak egin dizkie azaldutakoaren gainean. Blanquerrek leporatu dio ez dagozkion gaietan sartu izana: “Frantsesa ez zaren arren, frantses polemika bati heldu diozu”.
Bada, Euskal Herriari zuzenean eragiten dien gaiak izan ditu hizpide: migrazio politika eta mugen itxiera, hizkuntza gutxituen aurkako neurriak (Molac Legea zentsuratzea, besteak beste), eta Akitania Berria-EAE-Nafarroa euroeskualdearen barruan ikasleen zirkulazio askea.
Blanquer ministroak azpimarratu du ama hizkuntza jakiteaz gain beste bi hizkuntza ezagutzeko helburua bultzatzen duela Frantziako Gobernuak, eta hizkuntza aniztasunean oinarritutako europar hezkuntza programa proposatu du, Naizek jaso duenez. Besteak beste, ikasleek batxilergoa Europar Batasuneko beste estatuetan egitearen eta Erasmus+ programaren alde egin du.
Barrena harago joan da: “Ikasleentzako zirkulazio eremu askeak” ahalbidetzeko eskatu du, hala nola Akitania Berria, EAE eta Nafarroaren euroeskualdean. Ezinbestekotzat jo du tituluen homologazio orokorra. Gainera, Hezkuntza ministroari egotzi dio hizkuntza gutxituak ikasteko trabak jartzea, eta gogorarazi dio Molac Legea zentsuratu egin zutela eta Frantziako Gobernuak ez duela sinatu Hizkuntza Gutxituen Europako Ituna.
Seaskako irakasleen jazarpena
Adibide zehatzagoetara joanda, eurodiputatuak salatu du Hezkuntza Ministerioa euskara ikasteko trabak jartzen eta Seaskako irakasleak “jazartzen” ari dela, baxoa eta brebeta euskaraz egitea eskatzeagatik. Izan ere, otsailaren 3an jakinarazi zuen Bordeleko Errektoretzak zigortu egingo dituztela pasa den ikasturtean brebeta frantsesez zuzentzeari uko egin zioten irakasleak.
Blanquerrek erantzun dio gobernuaren helburua ez dela “inondik inora” aipatutakoa, baizik eta “eskualdeko hizkuntzen sustapena” bultzatu nahi dutela, eta abenduan igorritako zirkularrak hori erakusten duela (murgiltze eredua baliozkotzat eman zuten).
Iñaki Iurrebaso soziolinguistak euskararen egungo egoeraren argazkia egin du Baionan iragan zen Hizkuntz politikari buruzko ikastaroan, muga-gaindiko ikastaroen kari.
Mugaz gaindiko uda ikastaroak abiatu dira astelehen honetan ostiralera arte irauteko Baionan eta Hizkuntza Politika berrirako urratsak Ipar Euskal Herrian aztertuko da.
Aspaldiko aldarrikapena onartu du Frantziako Gobernuak: laborantza lizeo pribatuetan formakuntza elebidunak eskaini ahal izango dira, “esperimentazio pedagogiko” gisa, alegia frantsesez bakarrik ez, euskaraz ere irakatsi ahalko da. Donapaleun eta Hazparnen baliatuko... [+]
Euskararen biziberritzea Ipar Euskal Herrian jardunaldia antolatzen du ostiral honetan Baionan Euskaltzaindiak. Euskararen alde egiten dena eta ez dena eztabaidatzeko mementoa izango da. Eragileak eta politikariak bilduko dira egun osoan.
Laborantza lizeoetan tokiko hizkuntzetako irakaskuntza sailen sortzea eztabaidatua izan da frantses legebiltzarrean. Legearen zuzenketa proposatu du Iñaki Etxaniz legebiltzarkideak.
Berrogei argitaletxe eta diskoetxe, horietarik bederatzi berri, eta 120 salmahai bosgarren Ziburuko liburu eta disko azokan. Ekainaren lehenean ospatuko dute Baltsan elkarteak eta Argia hedabideak
Herribiltza taldeak joan den ostiralerako egindako deialdian, Baionako suprefeturaren hormetan egin zuten tindaketa bost lagunek. Horien artean zegoen Gorka Torre; komisarian eduki du Poliziak 24 orduz, eta irailean epaituko dutela jakinarazi diote astelehen goizean.
Nola ezar euskara, gal-bidean, ahal-bidean eta zabal-bidean? Galdera horri ihardukitzen entseatuko da Mattin Irigoien Zabalik elkarteko kidea, ostegun honetan eskainiko duen mintzaldian.
Matriarkatuaz doktore tesia egina da Anne-Marie Lagarde eta, gurean, gaiari buruzko espezialista egina da. Batean prima, bestean kadet, gure herrietako matriarkatua zertan zen deskribatu eta interpretatu digu, munduan diren formula matriarkalen berri emanez, eta bere historia... [+]
Hirugarren urtez Xiberoako ikastolei bultzada emanen die Tulalaika bestak.
Aitzinkontua ez emendatzea bozkatu du Euskararen Erakunde Publikoak. Iazko bera izanen da, lau milioi t'erdi inguru. Horrek Euskalgintzako hainbat sektoreren kexua piztu du, eta EEPren izatea zalantzan jarri dute, gaur egun, tresna baliagarria ez delakoan. Hur Gorostiaga... [+]
Euskal Herriko 16 ikasle Parisen dira astearte honetan, euskaraz ikasteko eskubidea aldarrikatu eta horretarako neurriak har ditzatela eskatu diete diputatuei, Frantziako Legebiltzarrean. “Urduri gaude, baina badakigu zer erran nahi dugun”, adierazi diote goizean... [+]