Euskara ez da meritu izango, Nafarroako Auzitegi Nagusiak hala erabakita
Euskararen foru dekretuaren aurka helegitea jarri zuen UGT sindikatuak, eta helegitearen zati handi bat onartu du Nafarroako Auzitegi Nagusiak. Dekretuaren aginduak murriztu egin dituzte, euskararen kaltetan.
Euskaldunak ez diren edo hizkuntza aldetik mistoak diren eremuetan euskara meritu gisa hartu behar dela agintzen zuen euskararen foru dekretuak; eremu horietan lanpostu publikoetarako euskararen domeinua ezinbestekoa ez bada ere, dekretuak euskara meritutzat hartzera derrigortzen zituen erakundeak.
Alabaina, UGT sindikatuak dekretuari jarritako helegitearen puntu askori arrazoia emanez, honen zati handi bat onartu egin du Nafarroako Auzitegi Nagusiak. Ondorioz, dekretuaren aginduak gutxitu egin dira, euskararen kalterako. Aurrerakoan, euskara meritu gisa hartzeko derrigortasunik ez da izanen: Auzitegiaren arabera, deialdi bakoitzean erabaki beharko da euskara meritutzat jo ala ez.
Dekretuak elebitasunaren alde ere egiten zuen, bide seinaleak, inprimakiak, publizitatea eta beste, bi hizkuntzetan egitera derrigortuz. Auzitegiak ebatzi du nahikoa dela gaztelera hutsez egitearekin.
Iruñeko Euskalgintza plataforman bildutako eragileek egin dute deialdia. Hiriburuan dauden hamasei haur eskoletatik batean eskaintzen da euskarazko murgiltze eredua. Iruñeko Udalari eta Nafarroako Gobernuari eskatzen diote auzo bakoitzean murgiltze ereduko haur... [+]
Inoiz baino jende gehiago bildu da Iruñerriko III. Mintzodromoan. 180 pertsona inguru aritu dira euskara praktikatzen eta sare euskalduna zabaltzen.
Nafarroa Garaian euskararen aldeko jarrera gero eta handiagoa izan dadin ildo diskurtsibo berriak proposatu ditu Euskaltzaleon Topaguneak
Iruñeko zein Antsoaingo udaletan EH Bildu dago. Herritar batek errekurtso bat jarri du Antsoaingo Udalean, eta ez dutenez errekurtsoa onartu, Nafarroako Administrazio Auzitegira jo du.
Iruñerriko AEK, Iruñerriko IKA, Iruñeko Hizkuntza Eskola Ofiziala, Zubiarte euskaltegi Publikoa eta Iruñerriko Mintzakide egitasmoa berriz ere elkartu dira Iruñerrigo hirugarren Mintzodromoa antolatzeko. Geltokin izanen da hitzordua... [+]