Paziente baten informea euskaraz betetzeagatik difamatu dutela salatu du Osakidetzako mediku batek
Aitor Montes Aramaioko medikuak egindako salaketaren arabera, Osakidetzako beste mediku batek bere paziente baten historia klinikoan haren kontrako mezuak idatzi ditu. Medikuak adierazi du "umiliatuta eta mehatxatuta" sentitu dela Euskal Herrian euskara erabiltzeagatik.
Aitor Montes Lasarte Aramaioko Osakidetzako medikuak salatu ditu bere paziente baten historia medikuan Osakidetzako beste mediku batek ingelesez jasotako hiru mezu "iraingarri eta mehatxatzaile". Mezu horietan, lanean euskara ez erabiltzeko eskatzen dio,euskara erabiltzen duela gaztelera gorroto duelako.
Deba Urolako ertzain-etxean jarritako salaketaren arabera, mezuak ez dira hitzez, posta elektronikoz edo sare sozialen bidez bidali. Paziente baten historia klinikoan erregistratu dira, haren ezagutzarik eta baimenik gabe.
Montesek baieztatu du hogei urte baino gehiagoko ibilbide profesionalean, osasun zentro eta ospitale desberdinetan lan egin ondoren, horrelako zerbait gertatzen zaion lehen aldia dela. Medikuak azaldu du zuzenean eragin diola, eta "ziurgabetasuna eta antsietatea" sortu diola: "Larritasun handia sortzen dit epaitua izateak nire lana euskaraz egiten dudalako, eta gaztelania gorroto dudala kontsideratzea, are gehiago, historia klinikoan eta Osakidetzako agiri ofizial batean, euskaraz eta gaztelaniaz, bi hizkuntza ofizialetan, lan egiten dudanean, betiere pazientearen arabera".
Barne prozedura irekitzeko eskatu dio Montesek Debagoieneko ESIari. Uste du "jazarpen morala eta euskara hitz egiteko eta erabiltzeko hertsapenak" jasan dituela.
EAEko Auzitegi Nagusiak atzera bota du Donostiako bi udaltzain postutarako euskarazko B2 profila eskatzen zuen lan deialdia. "Euskaldunen eskubideak urratzen dituen" epai berri honen aurrean, hainbat eragilek salatu du "euskaldunen aurkako oldarraldiak"... [+]
Euskaraz deklaratzea ukatu dio epaileak, eta erabaki du ez parte hartzea bere aurkako epaiketan. Auzitegi kanpoan babesa ematera joandako hamarnaka euskaltzaleren aurrean desobedientziarako deia egin du Torrek. Guztira 3.268 euro ordaintzera zigortu dute.
2021ean EAEko udaltzain laguntzaileentzako lan-poltsa bateratua osatu zuten. EAEko Auzitegi Nagusiak atzera bota du orduan ezarritako hizkuntza eskakizuna, B2 maila, alegia. Hizkuntza eskakizuna “neurrigabea” dela argudiatu du. Kontseiluak adierazi du EAEko udaltzain... [+]
Irakasleek baxoko ahozkoa euskaraz egiten laguntzeko ekintza egingo dute. Soinean ahobizi eta belarriprest txapak eramango dituzte, ikasleei adierazteko “babes osoa” dutela euskaraz mintzatzeko azterketan.
Donostiako autobus gidari batek maiatzaren 2an, bere hizkuntza eskubideak urratzeaz gain, erantzun euskarafoboa bota ziola salatu du herritar batek. Gertakari horren berri Hizkuntza Eskubideen Behatokiak eman du. ARGIAk pertsona horrekin hitz egin du, zer gertatu zen jakiteko.
Carmen Junyent hizkuntzalaria izan zen katalanez hil ahal izatea bere azken hatseraino aldarrikatu zuena. Hil hurren zela, osasun-langileekin izandako bizipenak idatzi, eta bera hil ondoren argitara zitzatela eskatu zuen. Hizkuntza pertsona batek beste batekiko duen trataeraren... [+]
Hemen eman ahal zaio atxikimendua manifestuari. Agerraldi herritarra egingo da ekainaren 21ean, 19:30ean Amurrioko Udaletxearen aurrean.
Administrazioan Euskaraz taldeak Nafarroako Kontseiluaren jardun euskarafobikoa salatu du ekintza baten bidez. Nafarroako Gobernuak euskarako dekretua prestatzen bost urte eman ondoren, Nafarroako Kontseiluari zirriborroa aurkeztu dio.
2023ko otsailean EAEko Justizia Auzitegi Nagusiak balio gabe utzi zuen Uliazpi Fundazioko 34 zaintzaileren lan deialdirako hizkuntz eskakizuna. Fundazioko langile batzordeak eta Foru Aldundiak sententzia salatu zuten. Euskalgintzaren Kontseiluak adierazi du oldarraldi judizialak... [+]
Seaskako Bernat Etxepare lizeoko ikasleek mobilizaziorako deia luzatu dute maiatzaren 17rako. Guztien arteko sarea irudikatzeko asmoz, ekimenen aipamena Interneten #EuskarazIkasiMatxinada eta #EuskarazBiziMatxinada traolekin zabaltzeko eskaera egin diete.
LABek ohartarazi du Gipuzkoako Foru Aldundiko behin-behineko 119 langileak egonkortzeko egin den bidea bertan behera gelditu daitekeela, hizkuntza eskakizuna ezarri izanagatik helegitea aurkeztu dutelako. LABek eta ELAk elkarretaratzea deitu dute otsailaren 16rako, Donostian.
Errenteria-Oreretako Aurrera tabernako zerbitzariak euskararekiko "mespretxuz" eta oldarkor erantzun zion euskaraz eskatu zuen bezero bati euskalgintzako hainbat kidek salatu dutenez.
Zizurko Udalaren obretako langile lanpostu baten euskarazko profila atzera bota du Iruñeko Administrazioarekiko Auzien 3. Epaitegiak. Erabaki horren aurka elkarretaratzera deitu dute hainbat eragilek. Hizkuntza Eskubideen Behatokiko zuzendari Agurne Gaubekaren aburuz,... [+]