Euskara ikastea doan izan dadila exijitu diete instituzioei AEK-k eta beste zenbait euskaltegik
AEK-ko ordezkariek euskara ikasteko doakotasuna aldarrikatu dute, ezagutza unibertsala izan dadin; “denon eskubidea delako”. Donibane Garazin egin dute adierazpena, Korrikaren iritsieran, eta Euskal Herriko administrazio nagusiei eskatu diete politikak ezar ditzaten euskara denon eskura jartzeko; dei berezia egin diete Ipar Euskal Herriko instituzio publikoei.
Korrikaren 1.062. kilometroa euskararen unibertsalizazioari eskaini diote, Donibane Garazin: AEK-ko ordezkariek adierazpena egin dute bertan, euskararen doako ezagutza bermatzeko urratsa eman dezaten eskatuz instituzioei. Dei egin diete bide-orri bat osatzera eta neurriak ezartzera, eta azpimarra egin diote elkarlanari: “Proposamen eta bide ezberdinak ezagutzen ditugu (UEMA, Euskarabidea, EEP, HPS, udalak, Kontseilua...). Elkar gaitezen eta osa dezagun, elkarlanean, eta berandu baino lehen”.
Euskararen normalizazio-prozesua azkartzeko garaia dela ohartaraziz euskararen ezagutzaren unibertsalizazioa aldarrikatu dute: "Euskal Herriko herritar guztiontzat eta doakoa". Hain zuzen ere, euskararen erabilera erosorako baldintzak sortzeko ezinbestekotzat jotzen dute ezagutza bermatzea. Horretan administrazioek egiteko berezia dutela nabarmendu dute adierazpenean, eta konpromisoetatik ekintzetara igarotzeko ezinbesteko giltza direla. Orain arteko aurrerapausoak esanguratsuak izan arren aurrerapauso handiagoak galdegin ditu AEK-k, hiztunen arteko desorekarekin eta desberdinkeriarekin amaitzeko eskatuz.
Euskarari prestigioa eman eta euskara lehenetsiko duten politikak abian jartzeko eskatu diete Euskal Herriko administrazio nagusiei. Hezkuntza-sisteman, helduen euskalduntzean eta hizkuntza-transmisioan eta -sozializazioan arreta jartzea beharrezkoa dela azpimarratu dute, horiek baitira euskararen ezagutza unibertsalizatzeko iturriak eta baldintzak.
Nafarroa Beherean izanik, esfortzu berezia eskatu diete Ipar Euskal Herriko instituzio publikoei: EEPri eta Euskal Elkargoari dei egin diete diru-laguntzak ematera doako helduen alfabetatzea bermatzeko, besteak beste. “Euskara ofiziala ez izanagatik ere, euskara ikasi nahi duen ororentzat eskubide gauzagarria izan dadin”, irakurri du Alizia Iribarren AEK-ko Koordinatzaile Nagusiak.
Bertaratutakoez gain, adierazpena izenpetu dute ondorengoek: BATUZ Euskaltegi Elkartea, AEK, Juan Mateo Zabala Euskaltegia, Gabriel Aresti Euskaltegia, Errioxako IKA, Bai&By, Gotzon Garitaonaindia euskaltegia, HEGOALDE euskaltegia, Bilbo Zaharra euskaltegia eta Maizpide. Adierazpenaren ostean lekukoa eraman dute AEK-k eta euskaltegiek, HitzEkin leloari jarraiki, hitzetatik ekintzetara urratsa emateko beharra nabarmentzeko.
Irundik Baionara, ezin ezkutatuzkoa izan da 23. Korrikak eragindako harrotasuna. ‘Herri Harro’ leloak zentzua hartu duela ikusi dugu lekuko hartzaileen aurpegietan, eta atzetik euskararen alde oihuka aritu diren korrikalariengan. Bakoitzak bere gorputzetik eta bere... [+]
1.700.000 ikustaldi izan ditu EiTBren emanaldiak –Hamaika TBrenak gehitu behar zaizkio–. Pozik agertu dira AEKko arduradunak: “Inoizko Korrikarik erraldoi eta anbiziotsuena lortu dugu, herria harro egoteko modukoa”.
11 egunetan bizipen hunkigarri asko bizi dituela esan du Ane Elordik Euskadi Irratian. “Aje emozionala, bi urtetan egindako lana, kideak ondoan izanik, eskertza, babesa, Euskal Herri osoa Baionan elkartu da... Momentu oso bereziak bizi izan ditugu azken egunean”.
2.700 kilometro eginda, martxoaren 24arekin heldu da Korrikaren lekukoa Baionako Askatasun plazara, eta mezu sekretua irakurri du Garazi Arrulak. Egun osoko festa handia antolatu dute kultur eragileekin auzolanean: Ibil Bedi, Anje Duhalde, Xiberoots, txarangak,... [+]
43 urte igaro dira AEK-k lehenengo Korrika antolatu zuenetik 1980an. Lekukoak egindako ibilbideen, leloen, abestien eta omendutako pertsonen errepasoa jarraian.
Garazi Arrrula Ruiz izan da aurtengo Korrikaren mezugilea. Txalaparta argitaletxeko editorea da tafallarra. Baionan, milaka euskaltzaleren aurrean, esan du euskara ez dela "ez altxor, ez oroitarri, ez toponimia. Euskarak hegemonia hartzeaz ari gara". Eta gehitu du... [+]
AEKren mezua bertako kide Maider Heguyk eta Bixente Claveriek irakurri dute. Erakundeei “hizkuntza politika ausarta eta sendoa” eskatu diete eta ez “brilli-brillizko bilgarria”. Konpromiso eta baliabide gehiago eskatu dituzte. Gogorarazi dute oraindik... [+]
23. Korrika makina bat irudi esanguratsu egiten ari da, eta dagoeneko oso ohituta gaude jendetza ikustera "Harro Herri" leloaren atzetik korrika. Baina gauean zer pasatzen da? Larunbatetan ere, jendea festan dagoen bitartean, lekukoa norbaitek sostengatzen du. Nafarroa... [+]
Korrika egunez egun erakusten ari da pasatzen den txoko guztietan nola pizten duen harrotasun sentimendua, euskaldun izatearen harrotasunarena. Emozio horixe da, batik bat, euskara transmititzen jardun duten adineko pertsona horiena.
23. Korrikaren karietara, helduei euskara irakasten diharduen AEK edo Alfabetatze Euskalduntze Koordinakundeko Ipar Euskal Herriko koordinatzailea den Ihintz Olideni, Enbatak hainbat galde pausatu dizkio. Jarraian, argitaratua den elkarrizketak, AEK eta Korrika zehazkiago... [+]
2.700 kilometro eginda, igandean helduko da Korrikaren lekukoa Baionako Askatasun plazara, 12:30 inguruan, eta mezu sekretua irakurriko du egileak. Egun osoko festa handia antolatu dute kultur eragileekin auzolanean: Ibil Bedi, Anje Duhalde, Xiberoots, txarangak, haurrentzako... [+]