‘Euskara aurrera’ manifestazio nazionalera batu dira Gasteizko eragile eta norbanakoak ere
Gasteizko euskalgintzako hainbat kolektibo eta norbanako euskaltzaleek autobusa antolatu dute larunbatean, maiatzak 21, Donostian egingo den manifestaziorako. Euskara aurrera lelopean, euskararen normalizazioaren aurkako erabaki politiko eta juridikoek "etenik ez dutela" eta, euskarari bultzada eman nahi dio egitasmoak.
Euskara Aurrera egitasmoa apirilean aurkeztu zuten euskalgintzan ari diren hainbat eragile eta norbanakok, euskararen egoerarekin kezkatuta: "Azken urtean izan diren euskararen aurkako erabakiak, Soziolinguistika Klusterraren datuek erakusten duten gelditze zantzua, pantailetan presentzia murritza, euskaraz ikasteko eskubide urraketak…". Euskararen normalizazioaren alde bultzada bat emateko aurkeztu zuten ekimena, eta lehen mobilizazio jendetsua egingo dute larunbat honetan Donostian. Manifestazio horretara batzeko deia luzatu du Gasteizeko euskalgintzako kolektibo eta norbanako talde batek, eta autobusa ere antolatu dute.
Donostian Antiguako tuneletik abiatuko da manifestazioa, 17:30etan. Gasteizeko autobusa San Anton plazatik aterako da 15:30etan. Txapelarri eta Garraxi tabernetan daude tiketak salgai.
Euskara aurrera
Euskara galbidera zeraman joera aldatzea lortu duen azken hamarkadetako lana erreferentzia, euskarak egun dituen mehatxu berriei aurre egiteko garaia delakoan elkartu dira ekimen honetan euskalgintzako eragile ugari. Euskararen eta euskaldunon aurkako erabaki politiko eta juridikoek etenik ez dutela aipatu dute, batetik; eta kultur globalizazioaren eragina, bestetik.
Euskal Herria berreuskalduntzeko eta euskara normalizatzeko bideak aurrera segitzeko egin beharreko lana aldarrikatu dute egoera horren aurrean, eta gazteriak borroka horretan duen konpromisoa azpimarratu. Instituzioen eta gizarte zibilaren arteko elkarlana ere beharrezkotzat jo dute.
Euskarak aurrera egin behar duela aldarrikatu dute, "euskaraz bizi nahia egingarri egiteko eta euskaldun gisa bizi ahal izateko; euskara normalizatzeko; hizkuntzen, hizkuntza-komunitateen eta herrien berdintasunean oinarritutako munduari gure ekarpena egiteko; guztion hizkuntza eskubideak errespetatzeko; justizia eta demokrazia auzia delako hau; euskara herri kohesiorako zuntza izateko; eta, finean, Euskal Herri euskalduna izateko".
Datozen asteetan proposamena euskaltzale, euskalgintzako eragile nahiz bestelako eragileekin partekatuko dute eta norbanakoen atxikimenduak biltzen ere segituko dute.
EH Bilduk sustatuta, Hondarribiako udalak euskara sustatzeko diru-laguntzetan aldaketak egin eta laguntza-lerro berri bat sortu du. Horri esker, erabat doakoak izango dira euskalduntze ikastaroak, besteak beste.
Gukak “Bilbo erdalduntzen duen makina” ikusaraziko du kanpainaren bidez. 24 orduz martxan dagoen makina salatuko dute, eta berori “elikatu eta olioztatzen dutenek” ardurak hartzea eskatuko dute. Euskararen aldeko mekanismoak aktibatzea aldarrikatuko dute.
Plazara, AEK, Uda Leku, Dindaia eta Ebete antolakundeak Baionan elkartu dira Famili'on egonaldi ibiltariaren lehen edizioa aurkezteko. Hizkuntza mailaren arabera eskaintza bat edo beste egongo da eta haur zein gurasoentzat izango da udaberrian.
Hamahiru ZirHika kide batu dira hitanoaren erabilera aldarrikatzeko eta antolakundearen ekintzen berri emateko. Azalpenak Badihardugu elkarteko Idoia Etxeberria eta Galtzaundiko Uxoa Elustondok egin dituzte. Horiei, Andoni Egaña eta Amaia Agirre bertsolariak eta... [+]
Administrazio Epaitegiak arrazoia eman dio EH Bilduk Lizarrako plantilla organikoaren hizkutnz profilen aurka jarritako helegiteari.
.jpg)
Hizkuntz Eskubideen Behatokiak jaso ditu kexak: bisita gidatuak gaztelania hutsean, eta sarrerako zerbitzuetan ere bai. Bitxia da kontua: baskoien mintzairaren hitzak dituela uste den brontzezko objektua ikustera joan... eta azalpenak gaztelaniaz. Kexek eragina izan dute, eta... [+]
Ilbeltzeko igande goiz batez jo dugu Baztanera. Eguzkiak oraindik ez du Lekarozko plaza argitu; bertan elkartu gara Garbiñe Elizegi Narbarte, Itziar Torres Letona eta Ernesto Prat Urzainkirekin. Itzaletan hotz egiten du eta umorez goxatu dugu lehen agurra, hogei urtean... [+]
Ingelera orduak handitu eta euskarazkoak murrizteko foru aginduaren kontrako helegitea aurkeztu du STEILAS sindikatuak. “Murgiltzea ataka larrian jartzen ari dira” salatu dute.
"EITB euskalduna, zuzendaritzatik hasita!" lelopean, otsailaren 25ean egingo dute elkarretaratzea, asteartean, EITBko ELA, LAB eta ESK sindikatuek nahiz Aldatu Gidoia ekimenak deituta.
Lizarraldean euskara sustatzeko lana egiten duen Bagara elkarteak egin du salaketa: "Sorkuntzarako gaitasuna bultzatzen da eta pentsamendua kritikoa lantzen, hori guztia ikuspegi ludikotik, gozamenean oinarrituta".
44 urte ditu, ama mexikarra, eta eskoziarra aita. Mexiko Berrian jaio zen, Utah-n hazi, eta duela hogei urte izan zuen euskararen berri, Cadizen Zinemagintza ikasten ari zela, norbaitek abizen euskalduna zuela esan zionean. Duela bi urtetik Donostian bizi da eta euskara ikasten... [+]
Hizkuntzarako ere gurasoak haurrentzako eredu direla kontuan hartuta, euskararen erabilera eta irakaskuntzari buruz sentsibilizatzeko helburua duen hamabostaldia antolatu dute Hendaia, Urruña, Donibane Lohizune eta Ziburuko herriek. Martxoaren 15etik 30era guraso... [+]
.jpg)
Otsailaren 22an itxiko dute Laba ostatua Iruñeko Gazteluko plazan eta, bitxia bada ere, egun osoko festarekin ospatuko dute itxiera, agurra ez baita behin-betikoa: Labak ondoko Windsor tabernarekin bat egingo du, obrak hastera doaz, eta beranduenez irailean berriz irekiko... [+]