Euskaldunako borrokaldietako zorigaitz hartatik 37 urte
1984an Bilboko ontziola ixtea agindu zuen Felipe González buru zuen Espainiako Gobernuak. Langileek gogor borrokatu zuten beren lanpostuak defendatzeko, eta barrikada arteko egun haietako batean, azaroaren 23an, poliziaren oldarraldi baten ondorioz bihotzekoak jota hil zen Pablo González Larrazabal.
1900. urtean ireki zuten Bilboko itsasadarraren alboan, gaur egun izen bereko jauregia dagoen inguruan, Euskalduna ontziola. Ontzigintza industrian konpainia oso garrantzitsua izan zen urte luzez, harik eta 1985ean itxi zuten arte, urtebete lehenago hartutako erabakiaren ondorioz. Garai hartan ia 2.500 langile zituen ontziolak. Bada, kaleratze masiboaren aurrean, antolatu eta kaleak hartu zituzten hainbat astez.
Egunero izaten ziren protestak Bilboko kaleetan eta ontziolaren inguruan. Tentsioa gero eta handiagoa zen, eta azaroaren 23an, duela 37 urte, gertaera latz batek are gehiago ilundu zuen giroa. Polizia gogor oldartu zen barrikaden bestaldean antolatutako langileen aurka, tiroak ere jaurti zituztelarik. Hain zuzen, zauritutako jende guztiaren artean, balaz jo zuten langileetako bat, eta beste bat erredurekin larri zaurituta eraman zuten ospitalera. Hala ere, egun hartan tragedia are larriago bat gertatu zen; izan ere, protestetan parte hartzen ziharduen Pablo Gonzalez bihotzekoak jota hil zen.
Egun hartan, Espainiako Polizia Nazionala metraileta eta guzti sartu zen ontziolan. Hura ikusita, inguruan zebiltzan langileak, beren buruak babestu nahian, ontziolan zegoen itsasontzian ezkutatzera joan ziren lasterka. Gonzalez, baina, ez zen iritsi, ziplo erori baitzen lurrera.
Sorturen omenaldia
Urtemuga honen harira, Gonzalezen oroimenezko ekitaldia egin du Sortuk Deustuko zubiaren aldamenean. Ontziolako hainbat langile ohi batu dira, eta haien aldeko itxialdia egin zuten emakumeak nahiz Indusal, Tubacex, Artiach eta ITP lantegietako zenbait behargin ere. Egun hartako gertaerak gogora ekarri dituzte, eta Sortuko kide Tamara Martínek adierazi du "kapitalaren oldarraldiari aurre egiteko borrokak bere horretan jarraitzen duela". Hortaz, kaleetan antolatzen jarraitzeko deia egin die langile guztiei.
Hona hemen Daniel Udalaitzek gertatuaz ARGIAn egindako kronika: Langile baten heriotzaren lekuko
Azken astean sindikatuak 5 heriotzaren berri izan du eta dagoeneko 26 dira Nafarroan lanean hil egin diren edo beste erkidegotan beharrean zendu diren nafarrak. Alarma gorria pizteko moduko datuak LAB sindikatuaren iritziz.
Nekazarien eta abeltzainen erreferentziazko sindikatua da Euskal Herriko Nekazarien Elkartasuna. 1976tik lanean daraman elkarte horrek 3.000 afiliatu baino gehiago ditu, eta lehen sektoreak dituen erronkak ez dira nolanahikoak. Egoera horretaz eta etorkizunari buruz sindikatuak... [+]
Azaroaren 19a komunaren munduko eguna da. Gaur oraindik ere, XXI. mendean, langile askok, hemen, Euskal Herrian bertan, ez daukate haien lanaldietan komuna erabiltzeko eskubidea. Horren adibide dira garraioko langile asko.
Komunak osasun publikoaren giltzarria dira, eta... [+]
Libertimenduzko Jardunaldiak antolatu ditu Gipuzkoako CNT sindikatu anarkistak bere egoitzan (Amara Berriko Olaeta plazan), martxora bitarte. Lehenengo jarduera abenduaren 14an izango da, eta Felix Likiniano anarkista historikoa izango dute hizpide.
Silizearen hautsak sorturiko gaitz eta biriketako minbizi kasuek ez dute etenik azken urteetan. Australian, Ingalaterran edo Espainiako Estatuan alarmak piztu dira, eta kristal-silizea duten kuartzozko sukalderako mahaiak egitea debekatzeko urratsak ematen hasi dira.
Eurostaten arabera, 2013tik 2021era bitartean, 13.530 kasu erregistratu zituzten Europar Batasunean. Teorian 2005ean debekatu zuten amiantoaren erabilera, baina mesoteliomaren sintomak ez dira agertzen hamarkada asko igaro arte. Amiantoagatik 700 pertsona baino gehiago hil dira... [+]
Suhiltzaile Gaindituak Haserre elkarteko kidea da Josu Artetxe Esperanza (Aiara, 1995) dozenaka suhiltzailerekin batera, ziurgabetasun egoera bizi du 2022ko oposizioetako araudian egin nahi duten aldaketa dela eta.
Anbulantzien zerbitzua enpresa batetik bestera aldatzeak ez duela egiturazko arazoa konponduko eta “orain arteko pribatizazioaren bidean atzera egin eta anbulantzia zerbitzuaren publifikazioari” ekiteko eskatu diote langileek Eusko Jaurlaritzari, LABek antolaturiko... [+]
Pasaiako Portuko Agintaritza eta Algeposa taldea lan arriskuen babesa ez bermatzeagatik kondenatuak izan direla adierazi du Amiantoaren Biktimen Euskal Elkarte ASVIAMEk. Osakidetzak laneko gaixotasunak ezkutatu izana salatu dute.
Altsasuko enpresak likidaziorik gabeko hartzekodunen lehiaketa iragarri zuen pasa den asteartean, 48,8 miloi euroko zorra baitu autobusen enpresak. Gaur egun 367 pertsonak egiten duten lan bertan.
Sindikatuen ustez, absentismoa ez da arazoa, “baizik eta lan osasunerako araudia errespetatzen ez duen patronala”. Patronalaren jarrera salatzeko baliatu dituzte azaroaren 7an, Bilbon, Confebaskek gai horren inguruan antolatu dituen jardunaldiak.
Indar armatuek zibersegurtasunari buruzko lehiaketa bat antolatu eta ekimena Nafarroako DBH ikastetxe guztietara heldu da; amaierako fasea Aranjuezeko Guardia Zibilaren akademian ospatuko dute. LAB sindikatuak gogora ekarri ditu duela hainbat urte irakasleen ideologiaren arabera... [+]
Altsasun autobusak egiten dituen enpresako administrazio kontseiluak hartzekodunen konkurtsoa aurkeztu du asteazkenean. Langileen ordezkariek eskatu dute "benetako plan industrial" bat martxan jartzeko eta manifestaziora deitu dute, igandean Altsasun.
Cebek patronalak blokeoa baztertzeko exijitu dute grebalariek, baita eros-ahalmena eta lan-baldintza duinak bermatzen dituen lan-hitzarmena ere, azkenekoa 2009-2011 . urtetakoa baita. Urriaren 30eko greba egunean Ertzaintzak langile bat “inolako justifikaziorik gabe”... [+]
Ikasturteko bigarren greba eguna izan zuten asteartean hezkuntza publikoko irakasleek. Urriaren 29an Nafarroako hezkuntza sektoreko sindikatu nagusiek, hala nola Steilas, ANPE, AFAPNA, LAB, CCOO, ELA eta UGT-k greba eguna egin zuten.