Euskal Selekzioa Orain osatu da, Frantzia edo Espainiako selekzioei uko egiten dioten pilotariak babestea helburu
Lapurdiko Makean egin du Euskal Selekzioa Orain elkarteak lehenengo biltzar nagusia. Iazko udan Frantziako selekzioarekin jokatzeari uko egin ziotela iragarri zuten Ipar Euskal Herriko hamabost pilotarik osatzen dute gaur gaurkoz ekimena, zeinak helburu duen, besteak beste, zazpi herrialdeak hartuko dituen euskal selekzioaren aldeko iritzia zabaltzea.
Amaia Larralde, Jon Larronde eta Eñaut Etxeberria pilotariek eman dituzte elkarteari buruzko azalpenak. Abenduaren 28an, Nazioarteko Pilota Federazioak eskubide osoko kide bezala onartu zuen Euskadikoa, eta erabaki horri ere egin diote erreferentzia prentsaurrekoan: "Euskadiko Selekzioaren ofizialtasuna onartu izana ikaragarria da, baina EAEtik kanpo garenek hainbat galdera ditugu oraindik. Nafarroakoak, Zuberoakoak, Nafarroa Beherekoak eta Lapurdikoak zer bilakatuko gara? Zein dira baldintzak?", galdegin du Larraldek. Euskal Selekzioa Orain elkarteko kideek azaldu dutenez, Euskadiko Pilota Federazioak urtarrilaren 25ean egingo dituen hauteskundeetako emaitzek markatuko dituzte hein batean aurrera begirako urratsak.
Gaineratu dute Frantziako eta Espainiako selekzioekin jokatzeari uko egiten dioten gazteak babestu nahi dituztela, besteak beste, Frantziarekin aritzeari uko egin dieten pilotariak kanporatuak izan direlako Frantziako Federazioak antolatzen dituen formazio saioetatik. Zentzu horretan, euskal selekzioaren formakuntza zentroa sortu nahi dute, gazteei "babesa eman" eta goi mailan formatzen jarraitzeko aukera izan dezaten, Jon Larrondek azaldu duenez. Xare jokalariak argi utzi du, bestalde, ez dutela "beste selekzioen eta haien jokalarien aurka" egin nahi: "Sekula ez dugu kritikatu edo epaituko Frantziako edo Espainiako selekzioarekin jokatzea hautatzen duen pilotaria. Eurek ere gure borroka ulertzea espero dugu".
Andrea Lusarreta, Nafarroako Federazioko presidente
Andrea Lusarretak hartu du Javier Conderen lekukoa Nafarroako Pilota Federazioan. Federazioaren historiako lehen emakumezko presidenteak 28 urte ditu, Labianokoa da eta 2021etik Zizur Nagusiko Udaleko Kirol koordinatzailea da. Jarduera Fisikoaren eta Kirolaren Zientzietan graduatua, hainbat kiroletan aritu da, pilotan tartean; Atarrabian hasi zen esku pilotan, eta gomazko paletan aritu da gero Oberena, Pilotajauku eta Gure Pilota klubetan.
Bestalde, Gipuzkoako Federazioa abuztuan beteko duen mendeurreneko ospakizunetan sartuko da aurki. Historia eta kulturarekin lotutako ekitaldiak antolatuko ditu, amu gisa sortu duten bideoan ikus daitekeenez.
Euskadiko Selekzioa lortzea, ezbairik gabe, lorpen historikoa izan da. Baina horretan geratzen bada, euskaldun askorentzat –ni barne, nafarra bainaiz– egunik ilunena eta tristeena izango da. Lehenengo egunetako poza eta berotasuna gozatu ondoren, itzul gaitezen... [+]
Hainbeste urte borrokan horren atzetik ibili ondoren, 34 urte, hain zuzen, oso pozik gaude orain egun batzuk, abenduaren 28an Inuzente egunean, Iruñean, Nazioarteko Euskal Pilota Federazioak antolatu zuen batzarrean hartu zen erabakiagatik. Zeren ondo bidean,... [+]
Askok espero zuen moduan, Nazioarteko Pilota Federazioak Euskadikoa onartu ostean eskubide osoko kide gisa, Espainiako kirol-erakunde, alderdi politiko edota hedabideek erabakiaren aurkako oldarraldia hasi dute, nork beretik presioa eginez. Ostegunean, Espainiako Pilota... [+]
.jpg)
Espainiako Federazioak salatu du ez zaiola parte hartzen utzi iragan asteburuko Nazioarteko Pilota Federazioaren biltzar nagusian, eta hori “bidegabekeria” dela. Biltzar hartan onartu zuten, bozketan, Euskadiko federazioa nazioartekoaren eskubide osoko kide gisa... [+]
Euskadiko Euskal Pilota Federazioa eskubide osoko kide izatea onartu du Nazioarteko Pilota Federazioak, larunbatean Iruñean egindako batzarrean. Ofizialtasuna lortzeko bidean urrats handia da, "lorpen historikoa", Euskadiko Federazioak adierazi duenez, baina... [+]
Euskal Herriko ardi moztaileek ofizialtasuna lortu dute nazioarteko lehiaketetarako, eta 2026ko munduko txapelketan parte hartzeko asmoa daukate. Lehenago, 2025ean, Euskal Herriko txapelketa egin nahi dute.
Iruñeko Labrit pilotalekuan ari da jokatzen 22 urtez azpiko XI. Munduko Euskal Pilota Txapelketa. Abuztuaren 31ra bitartean zazpi herrialdetako 200 pilotari baino gehiagok hartuko dute parte. Euskal selekzioak lehiatzerik ez duela-eta, haren ofizialtasuna eskatu dute... [+]
Euskal Herriko pilota selekzioa aldarrikatu du dozenaka pilotarik Hendaian egindako ekitaldi batean. Erabakia larunbatean, Hendaiako Beltzenia pilotalekuan egindako ekitaldi batean ezagutzera eman zuten.
Esquerra Republicanak egindako lege proposamena onartu du Espainiako Kongresuak, eta 2022ko Kirol Legea aldatuko dute.
Nazioarteko Euskal Pilota Federazioak batzarra egingo du, lehen aldiz euskal pilotarien estatusaren aldaketa aztertzeko prest azaldu ostean. Espainiako Pilota Federazioak bere aurkako "iraintzat" jo du asmoa, eta gaineratu du "izaera nazionalista aitortzea"... [+]
Ostegun arratsaldean dira onartzekoak legea Diputatuen Kongresuan. Aurretik ere Espainiako Selekzioarekin lehiatzeari ezezkoa ematen zion kirolariak zigorra zuen, baina lege berriak klubei ere ezarriko dizkie. Bi eta hamabost urte bitartez federazio lizentzia galtzea ekar... [+]