Euskal sagardo ekologikoaren bereizgarria, kupeletan jartzeko gertu
Txotx denboraldian eredu ekologikoan ekoiztutako Euskal Sagardoaren eskaintza izango da hainbat sagardotegitan, eta hura bistaratzeko, Jatorri Deiturak eta ENEEK-Ekolurrak kupeletan paratzeko euskarria aurkeztu dute.
Euskal Sagardo ekologiko botilek, sor-markaren ikur diren sagarraren iruditxoa eta kaputxoi gorria daramatzate, baita produktu ekologikoa dela erakusten duen euro-hostoa ere. Orain, sagardo ekologikoa zein kupeletan dagoen ere jakingo dute sagardotegietara doazenek.
"Ekologikoaren oinarria fruta-arbolaren osasuna, lurzoruaren emankortasuna eta biodibertsitatea hobetu eta zaintzea da", azaldu dute Euskal Sagardoa deiturako eta ENEEK kontseiluko ordezkariek. "Horretarako, prozesu osoan sintesiko produktu kimikoak erabiltzeari muzin egiten zaio, hasi sagastitik eta botilara arte. Ongarri naturalak erabiltzen dira eta, gainera, uztaren berezko izaera eta zaporea mantentzea bilatzen da, prozesu natural honetan". Bereizgarri berriak tokikotasuna eta ekologikoa, ezaugarri biak batzen ditu.
335.000 litro sagardo ekologiko
Aurten 335.000 litro Euskal Sagardo ekologiko ekoiztu dira, 495.000 kilo sagar baliatuta. ENEEK kontseiluak jakitera eman duenez, nekazal ekoizpen ekologikoak goranzko bidean jarraitzen du. "Elikagai ekologikoen eskaera geroz eta handiagoa da orokorrean, eta gauza bera gertatzen da sagardo ekologikoaren kontsumoarekin". Une honetan, Araban, Bizkaian eta Gipuzkoan 340 hektarea sagasti daude ekologikoan ziurtatuta.
Ekolurra bereizgarriak, hiru urte pasatxo
2021eko abenduaren 15ean aurkeztu zuen Ekolurra egitasmoa Araba, Gipuzkoa eta Bizkaiko Elikadura Ekologikoaren Kontseiluak. Bereizgarri berriarekin, pauso bat harago eman eta zigilu ekologikoak Europa mailan jarritako gutxieneko baldintzei beste batzuk gehitu dizkiete. Xabier Lejarzegi Kontseiluko koordinatzaileak Ekolurra bereizgarria zer den azaldu zion ARGIAri, hura aurkeztu zutenean: Hurbileko produktu ekologikoek bereizgarri berria dute EAE-n.
18 urterako plan estrategikoa garatzeko Europako diru-laguntzak jaso ditu Euskal Sagardoaren Jatorri Deiturako proiektuak. Iparraldea batu da jada, eta Nafarroa zein Trebiñu sartzeko urratsak ematen hasiak dira.
Euskal Sagardoa Jatorri Deiturak erronka ezarria dio bere buruari: Euskal Herri osoko sagar eta sagardogileak biltzea. “Sagardoaren kultura lurralde osoan dago, eta lurralde osoan mantendu dira sagardotarako sagarrak”, esan digu Unai Agirrek, sor-markaren... [+]
“Aterako dut sagar zuku bat?”. Galdera horrekin hasi da Barrundiako Ekonomatoko kide Koldo Lopez Borobia, Susana Lopez de Ullibarri eta Santi Txintxurretarekin izandako elkarrizketa. Sagar zukuaren bueltan eta sagarrondoz inguratutako lorategian elkartu gara. Hau ez... [+]
Plastikoan bilduta saltzen dizkigute zuritutako sagarra, mandarina, ahuakatea eta abar. Eta ez gaitu lotsagorritzen.
Euskal Sagardoaren eremu geografikoa EAEtik zazpi lurraldeetara handitzeaz gain, mugaren bi aldeetako sagar motak ere Jatorri Deituran sartzea adostu dute. Dagoeneko tramitazio guztiak martxan jarri dituzte, eta izapide administratiboa ixtear dute.
Usurbilen (Gipuzkoa), 30 urteren bueltan dabiltzan bost gazte sagardoa egiten hasi ziren duela zortzi bat urte. Beñat Irazusta, Mikel Rosales, Josu Furundarena, Aitor Pagola eta Joxe Mari Zubimendi –“kalekumea ez den bakarra”, Irazustak esan... [+]
Jaiotzez hangoak ez baina Donostia inguruan bizi diren zazpi-zortzi neska, trans eta bollerak osatzen dute Sagarrondu “desjabetuon ekoizpen taldea”. 25-30 urteren bueltakoak dira ia denak, kaletarrak, baina lurrarekin lotura dutenak; bakarren bat aritua da lehen... [+]
Nikolaï Ivanovich Vavilov, Moskun jaioa 1887ko azaroaren 25ean. Hainbat elikagai kultibaturen jatorria identifikatu zuen botanikari eta genetista. 1940an, Ukrainako lurretan haziak biltzen ari zela, polizia sekretuak atxilotu egin zuen, eta 1942an gulag batean sartu zuten... [+]
Baztango sagar mota baten izena da eztibeltza, eztigorri eta eztixuriarekin hirukotea osatzen duena. Iaztik, baina, bertako kooperatiba baten izena ere bada Eztibeltza. Kirikoketa besta, Baztango sagarraren kultura eta Arizkungo Gamioxarrea dolaretxea bultzatzeko lanean urteak... [+]
Eduardo Zubiria, Iruñean jaioa 1963an, sagardogile eta artista matematikoa. Ama, oskoztarra; aita muskiztarra. Sustrai imoztarrak, Ultzamaldean. Badauzka han 100 urteko sagarrondoak, baita beste sagasti bat ere Erronkarin, mila metrotik gora. Artista moduan egurra lantzen... [+]
Azaroa izateko epel xamar dagoen arratsalde batean iritsi gara Baztango Arizkun herri txikira, eta frontoiko mural erraldoiak herriak sagarrarekin duen loturaz zerbait esan digu segituan. Batzabalea izeneko etxean sagarraz asko dakien gizon bat bizi dela kontatu digute: Pello... [+]
Euskal Sagardoa osatzen duten 49 sagardogileen 75 produktu aurkeztu dituzte astelehenean Bilbon. "Sagardo orekatuak eta alkohol graduazio txikiagokoak" dira, azaldu du Kontseilu Arautzaileak, %100 bertako sagarraz eginak diren sagardoez.
