Euskal preso politikoek bisitarik jaso gabe jarraituko dute
Espainiako Barne Ministerioak presoen bisitak baimenduko ditu maiatzaren 14an. Hala ere, bisita horiek probintzia bereko familiako kideek egin ahalko dituzte. Beraz, euskal preso politikoek, sakabanatuta dauden heinean, ezingo dute bisitarik jaso.
Maiatzaren 13 goizean sinatutako neurri horrek presoen bisitak, komunikazioak eta irteteko baimenak berreskuratuko ditu “pixkanaka-pixkanaka”, Espainiako Barne Ministerioak azaldu duenez. Arratsaldean, ordea, zuzenketa bat egin diote legeari, soilik probintzia barneko mugimenduak baimenduko dituztela zehaztuz.
Koronabirusak Espainiako estatu mailan ezarritako murrizketen ondorioz hartutako neurria dela argudiatu du Grande-Marlaska Barne ministroak. Neurri horrek euskal preso politiko ia guztiak bisitarik gabe utziko ditu, izan ere hiru baino ez dira Euskal Herriko kartzeletan edo harrera etxeetan daudenak; Asier Ezeiza, Txus Martin eta Ibon Iparragirre. Hiruak daude Araban, beraz, herrialde horretako biztanleek bisitatu ahalko dituzte soilik.
Irteteko baimenei dagokienez, kartzelaratuta dauden probintzian bertan irten beharko dutela adierazi du Barne ministerioak.
Etxerat eta Sare haserre
Bi elkarteek ohar bana kaleratu eta haserrea adierazi dute Barne Ministerioak hartutako neurriak euskal preso politikoei eragingo ez dielako; “aurrerapausurik” ez egotea kritikatu dute. Frantziako Estatuaren kasuan, astean bisita bana jaso ahalko dute, kartzelatik 100 kilometro baino gutxiagora badago bisitan doakiona; bisitari bakarra baimendu baitu gobernuak.
Sarek adierazi du neurri horrek ez duela errespetatzen presoen berdintasun-printzipioa. Izan ere, euskal preso ia guztiak lehenengo fasean dauden probintzietan kartzelaratuta badaude ere, senideek ezingo dute beraien bisitan joan. “Senideak 1. fasean dauden probintzietan dauden espetxeetara joateak ez dakar desplazamendu masiborik eta, horregatik, probintzien arteko mugikortasuna eragozteko helburua ez da kaltetzen desplazamendu horiek baimenduz gero”, adierazi du.
Hori horrela, salbuespen neurriekin eta urruntze politikarekin amaitzeko eskatu diete Espainiako Espetxe Zuzendaritzako Idazkaritza Nagusiari.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]
Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.