‘Euskal Pirinioetan lan eta bizi’ ekimenarekin bat egin dute Fiarek eta Herrikoak
Udalbiltzak (Euskal Herriko Garapen eta Kohesio Fondoaren bidez) martxan duen Euskal Pirinioetan lan eta bizi ekimenera batu dira Fiare banku etikoa eta Herrikoa arrisku kapitaleko elkartea. Pirinioen garapena bultzatuko duten proiektuak abiatzea eta finantzatzea da ekimenaren helburua.
Dagoeneko, Pirinioetan aurrera ateratzeko 66 proiektu aurkeztu dira eta Udalbiltzak ekainean jakinaraziko du horien artean zeintzuk diren finantzatuko dituzten 20 proiektuak. 120.000 euro banatuko dituzte hautatuen artean.
Udalbiltzak Fiare eta Herrikoarekin sinatu duen hitzarmenari esker, finantzabide berriak izango dituzte hautaturiko proiektuek. "Euskal Herriko eremu kaltetuenen garapena bultzatu nahi dugu, kasu honetan Pirinioena, baina guztion ahaleginak batuz: gizarte eragileena, tokian tokiko instituzioena eta herritar guztiena; lankidetzarako esparru berrietan aritu eta sinergia berriak lortu nahi ditugu abian jartzen ditugun garapen politiken eragina askoz handiagoa izan dadin", adierazi du Udalbiltzako lehendakari Mertxe Aizpuruak. Ahalegin horretan, "Fiare eta Herrikoa bezalako entitateek zeregin funtsezkoa dute".
Bestelako ekonomia sustatzen duten bi erakunde
Fiare ekimenaz Ugo Biggeri Italiako Herri Banku Etikoko presidentearen hitzak jaso genituen. Bankuaren alde parte-hartzailea nabarmendu zuen, kooperatibaren eredua erabiltzen dutelako, "eta banku batetan eredu horrek ahalbidetu dezake jende askoren diru gutxirekin gauza handiak egitea.
Bestalde, banku etikoen artean, politikoki konprometituenetakoa da. 'Nire diruarekin ez' kanpaina babesten dugu, jendeak hausnartu dezan banku konbentzionaletan dituen aurrezkiak nora doazen". Konparazioetan sartuta, "banku handi batek aurrezkien zati txiki bat baino ez du bideratzen ekonomia errealera, eta gainerakoa inbertsio funtsetara, espekulazio finantzarioetara, produktu higiezinetara, banku arteko eragiketetara... zuzentzen du. Aldiz, banku etikoak ez du instrumentazio finantzarioa egin nahi, ekonomia errealean inbertitu nahi du".
Herrikoari dagokionez, Euskal Herriaren garapen ekonomikoa eta lanpostuen sorrera helburu duen arrisku kapitaleko elkartea da. Gaur egun, 4.524 bazkide ditu eta funts propioetan oinarritzen da.
Lehen sektorea bultzatzeko eta indartzeko lanean dihardute Nafarroako Pirinioetan azken urteotan, eta lanketa horren baitan sortu zuten Pirinioetako Mahaia. Diagnostikoa ondu dute azken urteotan, eskualdean lehen sektoreari lotuta dituzten hutsuneak identifikatzeko, eta ondorio... [+]
XIX. eta XX. mendeetan ohikoa zen hiri nagusietako kaleetan ikustea janzkera tradizional ikusgarria zuten emakume batzuk, sendabelarrak saltzen. Ansotarrak ziren, Aragoiko Ansó ibarrekoak. Erakusketa batek haien historia kontatu digu, eta bide batez azalerazi du atzean... [+]
Nafarroako ipar-ekialdeko egoera larriari aurre egiteko Pirinioaldeko Mahaia sortu zuten zonaldeko hainbat gizarte eragilek eta erakundek. Nafarroako Gobernuaren utzikeria salatu dute bertako biztanleek. Aurizko alkate Unai Irigaraik eman dizkigu xehetasunak Guardasola saioan.
Asteazken honetan Pirinioetako herritarrek batzar irekia egin dute Jaurrietan eta salatu dute Nafarroako Gobernua ez dela behar bezala garatzen ari Pirinioetako Plana.
Pirinioetako Mahaiak agerraldia egin zuen ostiralean, "konpromisoen lege bat" eskatzeko eta Nafarroako Gobernuari "neurri zehatzak" exijitzeko.
Artzibarko Urdirotz herrian, Nafarroako Pirinioetan, proiektu berri batek zabaldu ditu ateak otsailaren 24an. "Azoka-Denda" deitu diote Txabi Bados Ruizek eta Rita Perandrés Martínezek haien etxe azpian ireki duten dendatxoari. Azokoop mikrokooperatibaren... [+]
Desagertzeko arriskuan dagoen basoilarra ikusi dute azken egunetan Larra eta Aztaparretako naturgunean, Belaguako La Contienda bailarako eski estazioko aparkalekuan. Jokabide arraro horrek kezka sortu du biologoen artean, aurtengo negu beroak eraginda izan baitaiteke. Basoilarra... [+]
1936ko Gerra amaitzear zela, Franco diktadoreak Pirinioetan milaka bunker eraikitzea agindu zuen. Mendian horiek ikusten aspaldi ohituak gaude, baina ez genekien defentsarako lerro erraldoi bat osatzen zutela, eta azken urteetan berreskuratzeko ekimenak jarri dira abian. Izan... [+]
Nafarroako ipar-ekialdeko eskualde honetan lau pertsona bizi dira kilometro koadroko, Erkidegoaren batez bestekoa baino hamabost aldiz gutxiago. Biztanleriaren zahartze larria eta zerbitzu publikoen gabezia dira zonaldeko kezka nagusiak.
Goizeko berria. Zuberoako Herri Elkargoak kudeatzen duen Irati gaineko eski-estazioa behin betiko zerratzea erabaki du, elur eskasean izanen direlako aurten ere. Oroitzen naiz duela hogei bat urte, Pyrénées Magazine aldizkariko zenbaki berezi batean,... [+]
Guztira 160.000 euro bideratuko ditu Nafarroako Gobernuak bertako biztanleen “aukera berdintasuna” sustatzeko. 174 ikaslek jasoko dute 360 eta 2.000 euro bitarteko diru-laguntza. Ez da nahikoa izango, ordea, Pirinioetako herritarrentzat, diru-laguntza eskatu dutenen... [+]