Euskal pilotan selekzioaren ofizialtasuna eztabaidatuko dute, Espainiako federazioa kontra izanik
Nazioarteko Euskal Pilota Federazioak batzarra egingo du, lehen aldiz euskal pilotarien estatusaren aldaketa aztertzeko prest azaldu ostean. Espainiako Pilota Federazioak bere aurkako "iraintzat" jo du asmoa, eta gaineratu du "izaera nazionalista aitortzea" ekarriko lukeela.
Nazioarteko Euskal Pilota Federazioak (FIPV) Ezohiko Biltzar Orokorra egingo du, euskal selekzioaren ofizialtasuna eta euskal pilotarien estatusaren aldaketa eztabaidatzeko. Lehen aldiz agertu da FIPV euskal selekzioa erakundean sartu ala ez aztertzeko prest, eta hemendik hiru hilabetera egingo dute biltzarra, Mexikon.
Euskal selekzioaren aldeko botoak %66ra iristen badira, 2026an Argentinan jokatuko den munduko pilota txapelketan euskal selekzioaren izenean ateratzeko aukera izango dute Nafarroa, Behe Nafarroa, Bizkaia, Lapurdi, Araba, Zuberoa eta Gipuzkoako pilotariek.
Espainiako Pilota Federazioa aldaketaren aurka agertu da, Julian García Angulo federazioko presidenteak sinatutako komunikatuan. Adierazi du erabaki hori orain arte "pilota modalitateen garapenean eta praktikan arrakasta eta harmonia izan duen ereduaren kontra" doala.
"Asmo nazionalista"
Komunikatuak dio FIPV-ek kirol izaera duela, eta ez dela bere eskumena "estatu subiranoen politikan" inplikatzea. "Euskadiko Euskal Pilota Federazioa aitortzeak beste 33 federazio nazionalen antzeko estatusa ematea eta horri izaera eta asmo nazionalista aitortzea ekarriko luke". Espainiako Pilota Federazioaren aurkako "iraintzat" jo du euskal selekzioa ofizialtzearen aldeko asmoa.
Gaineratu du, 10. artikuluak dioenaren arabera, Euskal Pilota Federazioaren integrazioak Espainiako Gobernuaren onarpen ofiziala behar duela, eta, osagarri gisa, dagokien Batzorde Olinpikoarena edo dagozkien beste organo batzuena.
2022ko urrian, Biarritzen jokatu zen Munduko Pilota Txapelketaren atarian, Euskal Herriko selekzioaren ofizialtasuna aldarrikatu zuten pilota klub eta erakundeetako ordezkariek. Besteak beste, Munduko Pilota Batzarrari eta euskal pilota federazioei zuzendu zitzaizkien Euskal Pilota Federazioa ofizial egiteko eskatzeko.
2022ko azaroan, Espainiako Diputatuen Kongresuak Kirolaren Lege berria aldatu zuen. Lege berriak autonomia erkidegoetako kirol selekzioak sortzeko aukera ematen du, eta Nazioarteko Federazioak barnetik onartu behar du integrazioa.
Euskal selekzioaren ofizialtasuna lortzera bidean urratsa eman du Nazioarteko Euskal Pilota Federazioak, Euskadiko Federazioa eskubide osoko kide izatea onartuta. “Lorpen historikoa da”, zioen Euskadikoak pasa den abenduaren 28an, baina zuhurtziaz mintzo zen,... [+]
Lapurdiko Makean egin du Euskal Selekzioa Orain elkarteak lehenengo biltzar nagusia. Iazko udan Frantziako selekzioarekin jokatzeari uko egin ziotela iragarri zuten Ipar Euskal Herriko hamabost pilotarik osatzen dute gaur gaurkoz ekimena, zeinak helburu duen, besteak beste,... [+]
Euskadiko Selekzioa lortzea, ezbairik gabe, lorpen historikoa izan da. Baina horretan geratzen bada, euskaldun askorentzat –ni barne, nafarra bainaiz– egunik ilunena eta tristeena izango da. Lehenengo egunetako poza eta berotasuna gozatu ondoren, itzul gaitezen... [+]
Hainbeste urte borrokan horren atzetik ibili ondoren, 34 urte, hain zuzen, oso pozik gaude orain egun batzuk, abenduaren 28an Inuzente egunean, Iruñean, Nazioarteko Euskal Pilota Federazioak antolatu zuen batzarrean hartu zen erabakiagatik. Zeren ondo bidean,... [+]
Askok espero zuen moduan, Nazioarteko Pilota Federazioak Euskadikoa onartu ostean eskubide osoko kide gisa, Espainiako kirol-erakunde, alderdi politiko edota hedabideek erabakiaren aurkako oldarraldia hasi dute, nork beretik presioa eginez. Ostegunean, Espainiako Pilota... [+]
.jpg)
Espainiako Federazioak salatu du ez zaiola parte hartzen utzi iragan asteburuko Nazioarteko Pilota Federazioaren biltzar nagusian, eta hori “bidegabekeria” dela. Biltzar hartan onartu zuten, bozketan, Euskadiko federazioa nazioartekoaren eskubide osoko kide gisa... [+]
Euskadiko Euskal Pilota Federazioa eskubide osoko kide izatea onartu du Nazioarteko Pilota Federazioak, larunbatean Iruñean egindako batzarrean. Ofizialtasuna lortzeko bidean urrats handia da, "lorpen historikoa", Euskadiko Federazioak adierazi duenez, baina... [+]
Euskal Herriko ardi moztaileek ofizialtasuna lortu dute nazioarteko lehiaketetarako, eta 2026ko munduko txapelketan parte hartzeko asmoa daukate. Lehenago, 2025ean, Euskal Herriko txapelketa egin nahi dute.
Iruñeko Labrit pilotalekuan ari da jokatzen 22 urtez azpiko XI. Munduko Euskal Pilota Txapelketa. Abuztuaren 31ra bitartean zazpi herrialdetako 200 pilotari baino gehiagok hartuko dute parte. Euskal selekzioak lehiatzerik ez duela-eta, haren ofizialtasuna eskatu dute... [+]
Euskal Herriko pilota selekzioa aldarrikatu du dozenaka pilotarik Hendaian egindako ekitaldi batean. Erabakia larunbatean, Hendaiako Beltzenia pilotalekuan egindako ekitaldi batean ezagutzera eman zuten.
Esquerra Republicanak egindako lege proposamena onartu du Espainiako Kongresuak, eta 2022ko Kirol Legea aldatuko dute.
