Euskal Nobela Beltzaren Astea urte guztira luzatuko da
Urtero urtarrilean, ilbeltzean, Baztanen antolatu ohi den (H)ilbeltza Euskal Nobela Beltzaren Astea urte guztira luzatu da, egoera dela-eta. “Hil (ala) beltz” leloarekin, ilbeltzean elkartu ez baina beste hilabeteak belzten ahaleginduko dira (H)ilbeltzaren antolatzaileak.
Zazpigarren aldia behar zuen izan aurtengoak, baina osasun egoera dela-eta (H)ilbeltzarik egongo ez zela iragarri zuten antolatzaileek joan den urtearen amaieran. Hala eta guztiz ere, publikatutako bideo batean adierazi zuten urteko gainontzeko hilabeteak belzten ahaleginduko zirela, ordezko “zerbait” egiten. Esan eta egin, “Hil (ala) beltz” lelopean urte guztira zabaldu dute euskarazko nobela beltzaren bueltako topagunea.
Lehen ekitaldia iragarri dute dagoeneko. Miren Gorrotxategi idazlearekin Sotoan gordeak liburuaz solastatuko dira otsailaren 25ean, iluntzeko 18:00etan, Elizondoko Arizkunenea kultur etxean. Segurtasun neurriak bermatu ahal izateko bertan izango dira ekitaldi guztiak. Gorrotxategik III. (H)ilbeltza beka irabazi zuen Sotoan gordeak (Txalaparta, 2020) nobelarekin.
Datozen hilabeteetarako egitaraua ere osatu dute. Martxoren 26an Gorka Arresek Hasier Etxeberria idazlearen obraren inguruko “Damian Arrutiren asmazioak” hitzaldia eskainiko du. Etxeberriaren Eulien bazka (Susa, 2003) eta Mutuen hitzak (Susa, 2005) nobela beltzetako protagonista da Damian Arruti. Apirilaren 23an Amaia Apalauza itzultzailea Olga Tokarzcuk Nobel saridunaren Erabili goldea hilen hezurren gainetik (Elkar, 2020) liburuaz arituko da.
Maiatz amaieran eta ekain hasieran “Itzuli beltza” egingo dute, edukiera ziurtatzeko bi asteburutan banatuta, aurreko urteetako tradizioari jarraiki. Hurrengo hilabeteetan mahai-inguru bat, azken urtean argitaratutako pare bat nobela beltzen aurkezpenak eta zinema beltzaren historiaren inguruko solasaldi bat antolatzeko asmoa dute.
Izenburua aski argia da: Zuzi iraxegia. Euskal emakume idazleak eta literatura klasikoa (TZ, 2025). Eta 300 orrialdeko liburu mardulean, XIV. mendeaz gero gurean izan diren emakume idazleen gainean jardun du, irakasleari dagozkion azalpenak emanez bezainbat, testu klasikorik... [+]
89 urterekin hil da, Liman, eta idazle perutarraren seme-alabek eman dute haren heriotzaren berri. Gaztelaniazko literaturaren egilerik ospetsuenetakoa izan zen, eta 1960ko eta 1970eko hamarkadetan Latinoamerikan literaturak izan zuen loraldian paper garrantzitsua jokatu zuen... [+]
Euskal Herriko Kontseilu Sozialistak (EHKS) antolatuta, egun osoko jardunaldia egin dute igandean, Bilboko Campos Eliseos antzokian. Hainbat hitzaldik osatu dute egitaraua, eta jardnualdia amaitzeko Bigarrenez Aresti etorkizunaren aurrean antzezlana estreinatu dute.
Laura Macayaren liburua ekarri du euskarara Katakrakek. Amaia Astobizak itzuli du, feminismoaren baitako eztabaidak ireki eta beste begirada batzuetatik ekiteko helburuarekin.
Asfaltoaren azpian, lorea
Testua: Mónica Rodríguez
Ilustrazioak: Rocío Araya
Itzulpena: Itziar Ultzurrun
A fin de cuentos, 2025
Ereserkiek, kanta-modalitate zehatz, eder eta arriskutsu horiek, komunitate bati zuzentzea izan ohi dute helburu. “Ene aberri eta sasoiko lagunok”, hasten da Sarrionandiaren poema ezaguna. Ereserki bat da, jakina: horra nori zuzentzen zaion tonu solemnean, handitxo... [+]
Larretxeatarren oinordea da, aizkolari, harri-jasotzaile, txinga-eramale eta, oro har, herri-kirolari handien ondokoa. Patxi du aita; Donato, berriz, osaba. Hasier Larretxea, aldiz, da gizarte langile, da idazle, da homosexual. Harro beharko genuke denok.
Ane Labaka Mayoz bertsolari eta idazleak ‘Hezur berriak’ (SUSA, 2025) poesia liburua plazaratu berri du. Bertan, amatu aurreko eta ondorengo hilabeteetan bizitako beldurrak, ilusioak, biolentziak, presio sozialak, erruak, pozak eta nekeak bildu ditu.
Irati Aizpurua Alquezar abokatuak zuhurtziaz erantzun ditu ARGIAren galderak, eta testuinguru juridikoa eman digu, Debako udal liburutegian gertatzen denaren inguruan. Elkarrizketa zabal batean berriki kontatu dugunez, 2 urtera arteko haurrek galarazita dute Debako haur... [+]
Testu hau balorazio bilera baten ondorio dela esan genezakeen agian. Ordea, balorazio bilerek sarritan uzten dute aho zapore lehor eta gazi-gozoa. Astearte arratsalde eguzkitsu bat da. 16:53. Balorazio bilerara konektatu, eta erabaki dugu limoizko karamelu bana sartzea... [+]
Pippi Kaltzaluzeren istorioak lehenengoz kaleratu zirenetik 80 urte bete direla-eta, leku berezia eskaini diote Boloniako Nazioarteko Haur eta Gazte Liburu Azokan. Azkarra, independentea, errebeldea, lotsagabea, menderakaitza, apur bat basatia, sormen handikoa, ausarta eta... [+]
Odolaren matxinadak. Gorputza, politika eta afektuak
Miren Guilló
EHU, 2024
Miren Guilló antropologoaren saiakera berria argitaratu du EHUk. Odolaren matxinada da izenburu... [+]
2 urtera arteko haurrek galarazita dute Debako haur liburutegian egotea, eta 2-6 urtekoek 16:30-17:30 artean baino ezin dute egon. Hogei urtez horrela funtzionatu duen ageriko diskriminazioa buka dadila eskatzeko ama talde bat elkartu denean, ezetz erantzun die udal gobernuak... [+]
Astelehen honetan hasita, astebetez, Jon Miranderen obra izango dute aztergai: besteren artean, Mirande nor zen argitzeaz eta errepasatzeaz gain, bere figurarekin zer egin hausnartuko dute, polemikoak baitira bere hainbat adierazpen eta testu.
Zero. Transhumanismoa ate-joka erdi aro berrian
Aitor Zuberogoitia
Jakin, 2024
-----------------------------------------------------------
Hasieran saiakera filosofiko-soziologikoa espero nuen, baina ez da hori liburu honetan aurkitu dudan bakarra. Izan ere, biografia... [+]