Lapurdiko, Nafarroa Behereko eta Zuberoako euskalgintza biltzen duen Euskal Konfederazioa haserre agertu da Euskararen Erakunde Publikoak (EEP) eta Eusko Jaurlaritzak iaztik hona diru-laguntzak ez dituztelako emendatu. Konfederazioak adierazi duenez, “EEPk berak saihestezintzat jotzen dituen eragileak behar bezala lagundu gabe, euskararen gainbeherak segituko du”.
EEPk 1.200.000 euro banatu ditu eta Eusko Jaurlaritzak 400.000 euro. 2012an lehenengoak 1.160.000 euroko laguntza eman zuen eta bigarrenak 440.000 eurokoa. Euskal Konfederazioak diru-laguntzetan jaitsierak izan dituzten bi alor nabarmendu ditu. Seaskak, ikasle kopuruak gora egin arren, 25.000 euro gutxiago (380.000) jaso ditu aurten. Konfederazioari harrigarria egin zaio jaitsiera, kontuan izanda EEPren hizkuntza politikan lehentasuna belaunaldi gazteak direla. Frantziako Gobernu sozialista eta Eusko Jaurlaritza gogor kritikatu ditu ikastolen egoitzen aferagatik eta horren ondoren laguntza txikitzeagatik. Ikas Bik eta Biga Baik, hurrenez hurren, 15.000 euro eta 30.000 euro besterik ez eskuratu izanaz galdegin du Konfederazioak.
Euskalgintzak azpimarratu duen bigarren alorra euskal hedabideak dira. Konfederazioaren ustez, EEPk hedabideak euskara berreskuratzeko ezinbestekotzat jotzen dituela kontuan hartuta, ulergaitza da iaztik laguntza %4 jaitsi izana. Laguntzak jaso dituzten hedabideak ondokoak izan dira: Kanaldude (67.200 euro), Herria (40.800 euro), Ipar Euskal Herriko Hitzak (24.000 euro), kazeta.info (24.000 euro), TVPI (43.200 euro), Info7 (4.800 euro) eta Radio Kultura (28.800 euro).
Udalerri euskaldunen nortasuna egokien islatzen duena euskara dela nabarmendu du mankomunitateak eta bisitariek zein bisitariekin harremana duten zerbitzu sektoreko arduradun eta langileen konpromisoa eskatu du. Kanpaina ekainaren 8tik irailaren erdialdera arte egingo da.
Euskararen egoera soziolinguistikoa aztertu, eta Kultur Erakundeko lehendakaria eta Eusko Batasuna alderdiko kide izan zen. Astelehenean zendu zen 96 urterekin.
Aiara eskualdeko euskarazko komunikabide bakarra da Aiaraldea, eta Amurrioko Udalarekin 2012. urtetik izenpetua eta indarrean zuten euskara sustatzeko hitzarmena "alde bakarrez" eta "inolako jakinarazpenik eman gabe" eten du udalak. Erabakia "oso... [+]
Baionan egin dute agerraldia euskalgintzako 25 bat eragilek maiatzaren 15 honetan. Erakunde publikoen interpelazioaz gain, datorren urteko maiatzaren 15etik 25era iraganen den Euskaraldiaren berri emateko unea ere izan da.
"Zubiak zeharka” lemapean, egun osoko egitaraua prestatu dute UEMA eguna ospatzeko. Herriko eragile guztiek hartu dute parte programaren prestaketan eta ekimen herrikoi eta partehartzailea izatea lortu dute horrela.
Gasteiz Antzokia "lehenbailehen" martxan jartzeko eskatu dio udalari Gasteiz Antzokiaren Aldeko Plataformak, eta Lazarraga elkartearentzat zein euskalgintzarentzat "errespetua" galdegin dute.
Egitarau aberatsa muntatu du beste behin Basaizea elkarteak: bertsolariak, dantzariak, gaiteroak, txarangak, herri bazkaria, merkatua eta kontzertuak. "Folklorismotik haratago", euskararen zilegitasuna aldarrikatuko dute Baigorritik apirilaren 28an.
Nafarroa Garaian euskararen aldeko jarrera gero eta handiagoa izan dadin ildo diskurtsibo berriak proposatu ditu Euskaltzaleon Topaguneak
Lazarraga kultur elkarteak jaso du udalaren eskutik 2023ko dirulaguntzaren zuriketaren xedapena: 112.000 euro itzuli beharko ditu. Elkarteak adierazi du “udalaren borondate faltak” Gasteiz Antzokiaren proiektua kolokan jarri duela eta “udalak sortutako... [+]
Euskararen Erakunde Publikoak (EEP) batzar orokorra izan du astelehenean 2024ko aurrekontua bozkatzeko. Alain Iriart, Euskal Elkargoko ordezkaria kontra bozkatu duen bakarra izan da.
Irundik Baionara, ezin ezkutatuzkoa izan da 23. Korrikak eragindako harrotasuna. ‘Herri Harro’ leloak zentzua hartu duela ikusi dugu lekuko hartzaileen aurpegietan, eta atzetik euskararen alde oihuka aritu diren korrikalariengan. Bakoitzak bere gorputzetik eta bere... [+]
1.700.000 ikustaldi izan ditu EiTBren emanaldiak –Hamaika TBrenak gehitu behar zaizkio–. Pozik agertu dira AEKko arduradunak: “Inoizko Korrikarik erraldoi eta anbiziotsuena lortu dugu, herria harro egoteko modukoa”.