Euskal Konfederazioa: “Ikas-Biren asmoa kolpe mediatikoa egitea da”
Ikas-Bi eskola publiko elebiduneko guraso elkarteak martxoaren 26an egindako kritikei erantzun die Euskal Konfederazioak (AEK, Seaska, Euskal Irratiak eta Ikas). Ikas-Bik zalantzak agertu zituen Euskararen Erakunde Publikoak (EEP) Konfederazioari ematen dizkien diru-laguntzen inguruan. Euskal Konfederazioak dio “kolpe mediatikoa” bilatzeko egin dutela.
Ikas-Biren 30. urteurrena baliatuz egin zituen adierazpenak elkarte horrek. Kazeta.info webguneak jaso zuenez, besteak beste gomendatu zuen EEPk ematen dituen diru-laguntzak mugatzea, elkarte bakoitzari gehienez 150.000 euro emateko.
Hain zuzen ere, AEK, Seaska, Euskal Irratiak eta Ikas dira kopuru hori baino gehiago jasotzen duten elkarteak, EEPk lehen mailako eragile gisa hartzen dituelako.
Horrez gain, irakaskuntzako diru-laguntzak zentroen eta ikasle kopuruen arabera banatzea eskatu zuten. 118 ikastetxe publiko elebidun daude, 45 pribatu katoliko elebidun eta 26 ikastola.
Konfederazioaren erantzuna
Kazeta.info-k eman du Euskal Konfederazioaren erantzunaren berri. Murgiltze ereduak bere frogak egin dituela eta emaitzak agerian daudela adierazi dute; eta aldiz, ez dutela elementurik irakaskuntza elebidunetik ateratzen diren ikasleen hizkuntza gaitasunari dagokionez.
Beraz, sistema elebidunean ikasi dutenek EGA azterketa pasa dezatela proposatu du Konfederazioak.
Diru-laguntzen aferari buruz, Euskal Konfederazioak adierazi du beraiek “zerbitzu publikoko misioa” betetzen dutela.
Gainera, Konfederazioaren ustez jasotzen dituzten diru-laguntzak ez dira nahikoa. “Kontua beraz ez da jakitea eragile batzuei sobera diru ematen zaien ala ez, baizik eta ohartaraztea Iparraldean euskararen etorkizuna bermatzeko beharko liratekeen medioak ez direla emanak”.
Badira sei-zazpi urte kartzelan dauden presoek euskara ikasteko duten eskubidea bermatzeko helburuarekin, lanean aritu den euskara-irakasleen sare bat: Presoen Euskara Irakasleen Taldea.
1.700.000 ikustaldi izan ditu EiTBren emanaldiak –Hamaika TBrenak gehitu behar zaizkio–. Pozik agertu dira AEKko arduradunak: “Inoizko Korrikarik erraldoi eta anbiziotsuena lortu dugu, herria harro egoteko modukoa”.
11 egunetan bizipen hunkigarri asko bizi dituela esan du Ane Elordik Euskadi Irratian. “Aje emozionala, bi urtetan egindako lana, kideak ondoan izanik, eskertza, babesa, Euskal Herri osoa Baionan elkartu da... Momentu oso bereziak bizi izan ditugu azken egunean”.
Irundik Baionara 2.700 kilometro egingo ditu Korrikak, eta 16:00etan ekingo diote lehen kilometroari Bidasoko AEK-ko irakasleek, San Juan plazatik. Egun osoko egitaraua antolatu dute. ARGIAk jarraipena egingo du euskararen aldeko ekimen herrikoiak iraungo dituen 11 egunetan.
AEK-k agerraldia egin du Irungo Oiasso museoan, Harrera Sarearekin elkarlanean.
Hamar urteren ostean, Euskal Herriko Hitz Gurutzatuen Txapelketa antolatu dute berriz ere Irunen, Korrika bertatik abiatuko dela baliatuta. Martxoaren 2an egingo da eta lehia kutsurik izango duen arren, lagun giroan denborapasazaleak elkartzea du helburu nagusi. Hizkuntzarekin... [+]
85 gehiago gara. 85 izen-abizen. 85 etxe. 85 dira hemendik aurrera euskara ofiziala ez den eremuetan euskara ikasten ari diren lagunengana doan bidaliko ditugun aldizkariak. Ipar Euskal Herriko, Nafarroa erdiko eta Trebiñuko 85 pertsonak baliatu dute aukera –
Gau eskolatik plazara, plazatik oihan-zolara, oihan-zolatik mazeletara, mazeletatik mendi-kaskora, mendi-kaskotik uhinetara… euskara zabaltzen ari gara”. Azkaingo AEK-ko ikasleen bloga. Hori da ARGIAn sortu zaharra ez den blog berriaren aurkezpena. Azkaingo gau... [+]
"Milaka lagunek erakusten duten gogoari segika, EUSKARA hitza nabarmendu dugu kanpainaren euskarri grafikoetan, euskara erdigunean jarri, guztion eskura, ahalik eta herritar gehien euskaltegietarako bidean jartzeko", azaldu dute AEK-ko kideek, matrikulazio kanpainaren... [+]
Euskal kulturaren transmisioa izango du ardatz, eta 23. Korrika kulturalean aurkeztuko dute diziplina eta artista ugari uztartuko dituen proiektua. Halere, emaitzan baino, bidean jarri dute fokua: hausnarketa artistiko kolektiborako sormen laborategi gisa aurkeztu dute #badon.
Maiatzaren 20an hasita, 2.022 kilometro egingo dituzte Bretainian, Gwitreg herritik Gwened herriraino. Oarsoaldeako AEK-k antolatuta, ordezkaritza bat joango da hara atxikimendua ematera.
Matxintxu-Larrako AEK euskaltegietako irakasleak dira Paula Urigoitia (Otxandio, 1965) eta Lore Uriarte (Bermeo, 1995). Urigoitiak 10 urte inguru daramatza Deustun eskolak ematen, eta aldi berean, euskaltegiko arduraduna ere bada. Uriarte berriz, irailean heldu zen Deustura.
