Euskal hezkuntza sistemaren liburu zuria osatzen joateko hurrengo geltokia: Kanbo

  • Epe luzeko herri eztabaida abiatu zuen 2021ean Eusko Ikaskuntzak, "nahi eta behar dugun Euskal Hezkuntza Sistema denon artean irudikatzeko". Foro parte-hartzaileen bidez "aliantzak, konplizitateak eta konpromisoak josiko dituen elkarrizketa" bideratzea da asmoa. Urriaren 15ean Kanbon solastatuko dira hezkuntzaz, eta urriaren 22an, Iruñean. Helburua: Euskal Herriko Hezkuntza Sistemaren Liburu Zuria osatzea.

"Ehun zubigile hezkuntza sistemaren etorkizuna elkarrekin lantzen" foroa, 2021eko irailekoa. Argazkia: Eusko Ikaskuntza

2022ko urriaren 11n - 12:22

Zer norabide eman behar diogu euskal hezkuntzari? Galdera hori izango dute abiapuntu hilaren 15 honetan Seaskak Kanbon duen egoitzara hurbiltzen direnek. Euskal Konfederazioarekin elkarlanean antolatu dute foroa, “hezkuntza sistemaren agertoki desiragarriak eta lehentasunak identifikatu” asmotan “Iparraldeko ahotsak” biltzea helburu.

Oraingo honetan, bi ardatz nagusi izango ditu eztabaidak: gure herriaren iraunkortasuna eta hezkuntza; eta gobernantza komunitarioa eta mugaz gaindiko lankidetza. “Gure errealitatea mahaigaineratu, alderatu eta zoru komuna lantzeko parada da”, azaldu dute. Eragile ugariren parte-hartzearekin hezkuntzari ikuspegi ezberdinetatik heltzea da xedea: kulturatik, arteetatik, sozio-ekonomiatik, zientzia eta teknologiatik...

Eusko Ikaskuntzaren web orrian izena ematera animatu dute antolatzaileek.

Segregazioa, antolamendua, ezagutza...

Astebete geroago, Nafarroa Garaira bidaiatuko du foroak. Bidea 2021eko irailean abiatu zuen, “Ehun zubigile hezkuntza sistemaren etorkizuna elkarrekin lantzen” foroan, eta urte horretan bertan bi topaketa egin zituzten EAEn: bata ekainean Donostian, “askotariko segregazioari hezkuntza sistematik nola erantzun” gai hartuta, eta bestea urrian Gasteizen, hiru ardatzen gainean: hezkuntza aniztasuna berdintasunean, hezkuntzaren antolamendua, eta hezkuntza ezagutzaren gizartean.

EAEko Hezkuntza lege-proposamenaren zurrunbiloan murgilduta gauden honetan, begirada Euskal Herri osora zabaldu eta etorkizuneko erronkei aurre egiteko gai izango den hezkuntza ereduaz gogoetatu nahi du Eusko Ikaskuntzak. Liburu zuria osatzea izango du helmuga eta 2022-2023rako jarria du horretarako data. Lehenik, administratiboki bananduta dauden hiru lurraldeetan egindako gogoetak bilduko dituzte, “ibilbide partekatua marrazteko helburuz”. Eta ondoren, irakurketa eta proposamen partekatuak liburu zurian jaso eta esperientzia pilotuak adostea eta diseinatzea izango dute eginkizun.


Kanal honetatik interesatuko zaizu: Hezkuntza
PSNren egoitzaren aurrean elkarretaratzea deitu dute Iruñean, D ereduari trabak jartzen dizkiola salatzeko

Euskararen Defentsarako Sareak Nafarroako Gobernuak D ereduari jartzen dizkion trabak salatu nahi ditu. Argi dute Nafarroako Gobernua “edozertarako prest” dagoela “euskararen kontra” jotzeko. Horregatik, elkarretaratzea deitu dute uztailaren 2an,... [+]


2024-06-26 | ARGIA
Laborantza lizeoetan euskaraz ikasi ahal izango da, Frantziako Gobernuak hala onartuta

Aspaldiko aldarrikapena onartu du Frantziako Gobernuak: laborantza lizeo pribatuetan formakuntza elebidunak eskaini ahal izango dira, “esperimentazio pedagogiko” gisa, alegia frantsesez bakarrik ez, euskaraz ere irakatsi ahalko da. Donapaleun eta Hazparnen baliatuko... [+]


Nola irakurzaletu ikasleak

Irakurtzen al dute –eta irakurritakoa ongi ulertzen al dute– haur eta gazteek? Eta helduok? Eskolan zein tarte eskaintzen zaio irakurketari eta literaturari? Nola prestatzen da ikasleei eskaintzen zaien liburu zerrenda eta nolako liburutegiak dituzte ikastetxeek,... [+]


Oporretan mugikorretik deskonektatu, seme-alabek eskertuko dizute

Haur eta gazteek duten pantaila kontsumoarekiko kezka nagusi den garaiotan, fokua helduongan jarri eta familia guztiarentzako gomendio baliagarriak bidali dituzte Zurriola ikastolatik, pantailek ez ditzaten udako oporrak baldintzatu.


Beskoitzeko auzapez berriak ikastolaren aldeko konpromisoa berretsi du

Botoen %55 lortu du Pascal Jocouk Beskoitzeko hauteskundeen bigarren itzulian. Fabienne Etchegaray aurkariak bozen %44 atera du. Hemezortzi kontseilari izango ditu gehiengoak, eta bost oposizioak. Berriako Ekhi Erremundegik eginiko elkarrizketan, ikastolaren aldeko konpromisoa... [+]


Nafarroako Gobernuak 2020an agindutako eraikin berria exijitu dute Antzineko Lokiz eskolako familiek

“Nafarroako Gobernuak duela lau urte eginiko promesari huts egingo dio beste behin ere”, salatu du Lizarraldeako Lokiz eskolako guraso elkarteak. Orain 7 urte D ereduaren aldeko apustua egin zuen hezkuntza komunitateak, eta desagertzeko zorian zegoen eskola txiki... [+]


Baxoko ahozkoa ikasleei euskaraz egiten lagunduko diete ehun bat irakaslek

Irakasleek baxoko ahozkoa euskaraz egiten laguntzeko ekintza egingo dute. Soinean ahobizi eta belarriprest txapak eramango dituzte, ikasleei adierazteko “babes osoa” dutela euskaraz mintzatzeko azterketan.


2024-06-19 | Axier Lopez
EHUk ez du akordio berririk sinatuko CAFekin, giza eskubideak urratzen dituen Jerusalemgo tranbia utzi arte

Hainbat lagun elkartu da ekainaren 19ko goizean EHUko Gipuzkoako errektoreordetzaren egoitzan, Ibaetan EHUk CAFekin dituen harremanak eten ditzala eskatzeko. Gipuzkoako campuseko errektoreorde Agustin Erkizia Olaizolak adierazi die EHUk ez duela akordio berririk sinatuko... [+]


2024-06-19 | Tere Maldonado
Lehiakortasuna hezkuntzan

Saldu eta erosi giza jarduerak dira batik bat. Merkatuak eta azoka txikiak espazio publiko zalapartatsu eta biziz beteak dira, soziabilitate-lekuak, non behar ditugun gauza baliotsuak topatzen ditugun (janaria, arropa, tresneria), bidezko prezio baten truke. Bertan, gizaki... [+]


“Heziketa fisikoa eskolako ikasgai bat gehiago den unetik, jasotzen duen trataerak ezin du hau izan”

Funtsezko konpetentzietatik ezabatua, Berritzeguneen birmoldaketan zokoratua, ordu kopuruetan gutxietsia... Heziketa fisikoak EAEn garai txarrak bizi dituela eta administrazioak baztertuta dituela salatzera etorri da ARGIAra Luis Larrañaga “Pizti” heziketa... [+]


Gerrak sortzen dituen euskal industria militar berria: Satlantis-en adibidea

Duela ia urte eta erdi, Ahoztar Zelaieta kazetariak Satlantis enpresaren aurpegi ezezagunena ekarri zuen argitara. Azkenaldian berrikuntza teknologikoaren alorrean sortzen ari diren euskal enpresen izar gisa aurkezten zaigu Satlantis; baina El Salto-k argitaratutako La empresa... [+]


Eguneraketa berriak daude