Euskararekin loturiko zenbait blog desagertu dira Estrasburgon zerbitzari batek su hartu ostean
Blogariak.net, 15 urte baino gehiagoko proiektua, betiko desagertu da. Estrasburgon Europako sareen zerbitzariak eskaintzen dituen enpresarik handienaren zerbitzariek su hartu dute eta babeskopiak ere erre egin dira. Galdutako webguneen artean Euskargazki, Filoblogia eta Lingua Navarrorum daude. Euskargazki blogaren egile Ekaitz Santaziliarekin hitz egin dugu gertatuaz.
Blogariak.net zegoen datu zentro guztia suntsitu egin da. Atariaren barruan Euskal Herriko hainbat blog ere bazeuden, bertako informazioa erabat galduz. 15 urte baino gehiagoko proiektua da eta ezin izan da segurtasun kopien bidez berreskuratu. Elurnet enpresak zeraman blogariak.net ataria eta proiektuarekin aurrera jarraitzea ezinezkoa izango dela adierazi dute. Galdutako webguneen artean Euskargazki, Filoblogia eta Lingua Navarrorum daude.
Sutea gertatu eta egun batzuetara abisu eman zioten Ekaitz Santazilia blogariari ataria guztiz suntsitu eta informazio guztia bertan behera geratu zela. Hala adierazi du Santaziliak: “Hor zegoena betiko galdu da”. Euskargazki blogaren kasuan informazio asko berreskuratzeko aukera izan du: “2021eko otsailerarte izan dudan guztia gorde zait, argazki batzuk kenduta”. Zerbitzariaren segurtasun kopia guztiak suntsituta geratu dira baina Internet Archieve plataformari esker berreskuratu ahal izan du informazio gehiena. Bloga berriro ere indarrean jarri nahi izanez gero, hasieratik hasi beharko luke, beste blog bat sortuta. Berreskuratu duen informazio guztia html formatuan berreskuratu du. Santaziliak aditzera eman duenez, beste blogari askok ezin izan dute informaziorik berreskuratu.
Euskargazki
2006an sortu zuen Ekaitz Santaziliak Euskargazki bloga, euskal literaturaren argazkien bloga. Euskal Filologia ikasi zuen Santaziliak eta bertan ikasitakoa ondo barneratzeko lekuak bertatik bertara bixitatzea bururatu zitzaion eta momentu hartan ekion zion Euskargazki proiektuari. Santaziliak bere blogaren inguruan hitz egin zuen Miel Anjel Elustondok ARGIAn egindako elkarrizketan.
ARGIAn sutearen berri eman genuen, Axier Lopezen eskutik. "Europan sarean zerbitzari-zerbitzua eskaintzen duen enpresarik handiena eta munduko hirugarrena da suak hartutakoa. OVH enpresak Estrasburgon zituen 29.000 zerbitzariak gordetzeko lau eraikinetatik bi erre dira. Egunean bertan atzeman zen lehen ondorioa: milioika webgune jokoz kanpo, bereziki Frantzian eta Italian. Euren artean, Euskal Herriko zenbait enpresa eta eragile politikorenak. Sutean suntsitutako datu batzuk berreskuratzea ezinezkoa izango dela adierazi dute enpresa batzuek. Egunerokoan erabat txertatuta dauzkagun gailu elektronikoetan biltzen den informazioa non dagoen, eta, finean, zeinena den pentsarazteko baliagarria da gertatutakoa. Datuak ezin dira 'hodeian gorde'. Hodeirik ez baita existitzen, norberaren datuekin negozioa egiten duten beste pertsona batzuen ordenagailuak baino ez dira".
Bilboko Euskararen Etxean egingo diren jardunaldien xedea da blogen munduko azken nobedade eta joeren gaineko hausnarketa egitea. Podcastak, visual-thinking komunikazio baliabidea eta bideoaren zabalkunde masiboa aztertuko dira, besteak beste. Azkue Fundazioa da antolatzaile.
Azkue Fundazioak sustaturiko lehiaketako irabazleen berri eman eta sariak banatu dituzte ostegun arratsaldean Euskararen Etxean egindako ekitaldian. Blog berriaren saria 52 milimetro argazki blogak eraman du.
Blogetan! lehiaketako hamabi finalisten arteko irabazleak ezagutaraziko dituzte 18:30etatik aurrera, Bilboko Euskararen Etxean egingo den ekitaldian, ARGIAk "blog berriaren" saria eskainiko du. Aurretik euskal blogarien topaketa izango da eta streaming bidez ere ikus... [+]
“Trenbidea, autobia, tunela eta zubia. Gehiegi gustatzen zaigu abiadura handia. Abiadura handia tunela eta zubia!”. Honela dio Gu ta Gutarrak taldearen kopla batek. AHTren obretako langileen esplotazioa eta hondeamakinen atzean ezkutatzen direnak kaleratzeko asmoz... [+]
Blogari euskaldunak sarean pizteko lehiaketa antolatu du Azkue Fundazioak ARGIAren laguntzaz bigarren urtez.
Parte hartzeko epea urtarrilaren 16tik otsailaren 13ra bitartean egongo da zabalik. Epaimahaiak martxoaren 30an emango ditu ezagutzera irabazleak, Euskararen Etxean ospatuko den jardunaldi eta sari-banaketan.
Hiru urte izan dira. Gutxi, tarte horretan egin dutenarekin konparatuz: martxan jarri zenetik Elearazi bloga hazten joan da, itzulpengintzatik abiatuta euskal literaturari buruzko erreferentziazko gune bihurtzeraino. Orain, agur esan du Garazi Arrularen (Tafalla, 1987) eta... [+]
Klak… eta (Kultura kategoriakoa), Arma tiro klik (Gizartea), Tropela bloga (Aisia), Euskalnatura (Zientzia eta Teknologia) eta Gaizka Izagirrek (Blogari Berria) jaso dituzte Blogetan! Blog izarren bila euskarazko blogen lehiaketako sariak.
Gaur iluntzean egingo da Blogetan! Blog izarren bila euskarazko blogen lehiaketako sari banaketa, Bilboko Euskararen Etxean. Lehenago blogen inguruko mahai-inguru eta hitzaldiak izango dira.
Martxoaren 6an, bederatzi blogarik euren esperientziak eta hausnarketak elkarbanatuko dituzte Blogetan! Euskal blogarien topaketan, Bilboko Euskararen Etxean. Blog izarren bila lehiaketako irabazleen sari banaketa ere egingo da.
Blogetan, blog izarren bila lehiaketako finalistak internautek hautatu dituzte. Publikoaren iritzia aintzat hartuta, epaimahaikideek bigarren bozketa egin eta irabazleen izenak martxoaren 6an emango dira ezagutzera.
Blogak bozkatzeko unea heldu da! #Blogetan Euskal blogariak lehian txapelketaren hurrengo faseari ekingo diogu eta gaurtik hasita eta otsailak 16ra arte edozeinek gustoko dituen blogen alde botoa emateko aukera izango du.
Azkue Fundazioak antolatu du Blogetan! Euskal blogariak lehian egitasmoaeta Argia du laguntzaile. Martxoaren 6an, bost sari banatuko dira euskarazko blogik onenen artean. Urtarrilaren 26a arte dago aurkezteko aukera.