Unibertsitate publikoak osasun aseguru pribatuak eskaintzen dizkio milaka langileri “prezio merkeagoan”
“IMQ Institutu Mediko Kirurgikoak Unibertsitateko langileen eskura jartzen du beren osasun-aseguruak prezio merkeagoetan kontratatzeko aukera”. Horrela dio EHU Euskal Herriko Unibertsitate publikoko langileek administraziotik jaso duten mezuak, ARGIAk eskuratu duen informazioaren arabera. Eskaintza 8.844 langileri eta beren senideei zuzenduta dago, hamarnaka mila herritarri, beraz. Osasun publikoaren aldeko eta pribatizazioaren aurkako eztabaida eta mobilizazio betean heldu da eskaintza.
Araba, Gipuzkoa eta Bizkaiko unibertsitate publikoa osasun aseguru pribatuak sustatzen ari da bere langileen artean. EHU erakunde publikoa da, Jaurlaritzaren administraziopean dagoena, eta bere langileak administrazio publikoko langileak dira.
8.844 langile eta beren senideak
EHUren webgunean irakur daitekeenez, 2023ko ikasturte hasieran unibertsitate publikoan 5.745 langile ari ziren lanean ikertzaile edo irakasle gisa, eta 1.936 administrazio eta zerbitzuen eremuan. Orotara 8.844 langile, hortaz. Langile publiko horiei zuzenduta dago IMQ enpresaren eskaintza, ARGIAk eskuratu duen UPV/EHUko langileentzako IMQ-ren eskaintzaren dokumentuak dioenez. Garbiketako langileak edo polizia pribatuak, esaterako, eskaintzatik kanpo leudeke, azpikontratutako langileak izaki.
Milaka langile horiei ez ezik, eskaintza “bizikidetzako familia-unitate” osoari zuzenduta dago. Dokumentuak zehazten duenez, horiek izan daitezke: “Ezkontideak edo izatezko bikotekideak; gurasoak, seme-alabak; ezkontidearen edo izatezko bikotekidearen gurasoak, seme-alabak; adoptatutako edo modu iraunkorrean edo adopzio aurretik hartutako pertsonak”. Hamarnaka milaka pertsonari, hortaz.
Beherapen berezia
“UPV/EHUko aseguru-kontratu berriaren adjudikaziodun den aseguru-artekaritzak (AON IBERIA CORREDURÍA DE SEGUROS Y REASEGUROS, SAU) aurkeztutako eskaintza gauzatzeko, IMQ Institutu Mediko Kirurgikoak Unibertsitateko langileen eskura jartzen du beren osasun-aseguruak prezio merkeagoetan kontratatzeko aukera”. Horrela dio langileek EHUren Ondare eta Kontratazioetarako Gerenteordetzatik posta elektronikoan jaso duten mezuaren lehen paragrafoak. Beharrezko informazio guztia EHUren webguneko esteka honetan dutela jakinarazi zaie langileei.
Jarraian, langileek jasotako mezuaren irudia:
.jpg)
Osasun publikoa ala pribatua?
Osasun publiko ala pribatuaren inguruko eztabaida oso bizi dago Euskal Herrian azken hilabete eta urteetan, bereziki pandemiaz geroztik. Osakidetzako langileek eta sindikatu guztiek zerbitzu publikoaren murrizketak salatu dituzte kalean, eta pribatizazio asmoekin lotu dituzte Jaurlaritzaren eta Osasun Sailaren politikak. Hainbat herritan sortu diren Osasun Publikoaren Aldeko Herri Plataformen aldarrikapen nagusienetako bat da zerbitzuaren pribatizazioa ekiditea eta zerbitzu publikoa indartzea, asteburu honetan bertan hiriburuetako manifestazioetan egin duten moduan.
Jaurlaritzak eta Gotzone Sagardui Osasun sailburuak ukatu egiten dute pribatizazioan sakontzen ari denik edo horretarako asmorik dagoenik. Azaroaren 8an Osakidetzaren 40. urteurrena ospatzeko ekitaldian hitza hartu zuen Urkullu lehendakariak. “Pausoz pauso lortuko dugu aurrera egitea, baina zentzuzko eskakizunak eginez eta katastrofismorik gabe izan beharko du”, adierazi zuen, Osakidetza herritarren “altxorrik preziatuena” dela defendatu ostean. Bada, EHUren moduko erakunde publiko batek milaka langile publikoren artean aseguru pribatuak sustatzea altxor horren aurka eta enpresa pribatuen mesedetan doa.
Bost hilabete pasatxo beteko ditu Eusko Jaurlaritzak martxan jarritako Euskadiko Osasun Itunaren Mahaiak, eta martxorako bukatuta nahi zuten eztabaida prozesuaren helmuga bileraz bilera urruntzen doa. Ezarritako metodologiak, mahaira deitutako erakundeen zerrendak, kanpoan... [+]
.jpg)
Osasun Publikoaren Aldeko Herri Plataformak (OPA) manifestazioak deitu ditu otsailaren 1erako. Mobilizatzeko deia egin dute osasunaren pribatizazioari aurre egiteko, lehen arreta indartzeko, osasun arloko langileen baldintzak hobetzeko, prekaritateari aurre egiteko eta kudeaketa... [+]
.jpg)
Sánchez, 2019tik 2024ra Plangintza, Antolamendu eta Ebaluazio Sanitarioko zuzendaria izan zena, azaroan hasi zen Mutualia enpresako mediku-zuzendari gisa. 2024ko udan kargua utzi eta hiru hilabete eskasera egin zuen jauzia enpresa pribatura, Jaurlaritzaren oniritziarekin.
Vithas San José klinikak fitxatu du Jaurlaritzako Osasun sailburu ohia, kargu publikoa utzi eta urte eta erdira.
EAEko biztanleen %23,9k osasun asegurua zeukan kontratatuta 2023an, Eustaten datuen arabera. 2021eko datuekin alderatuta, %4,1 gehiagok. Batez ere traumatologia, oftalmologia, ginekologia eta dermatologia kontsultak egin ziren. Aseguruen %61,3 enpresentzakoak edo bestelako... [+]
Anbulantzien zerbitzua enpresa batetik bestera aldatzeak ez duela egiturazko arazoa konponduko eta “orain arteko pribatizazioaren bidean atzera egin eta anbulantzia zerbitzuaren publifikazioari” ekiteko eskatu diote langileek Eusko Jaurlaritzari, LABek antolaturiko... [+]
Sinadura bilketa abiatuko dute Aiaraldea osoan osasun sistema “publiko eta duina” aldarrikatzeko. Hala jakinarazi dute gaur goizean Urduñako Kontsultategiaren aurrean eginiko agerraldian. Aiaraldeko hainbat herritako bizilagunak bildu dira bertan, Osakidetzan... [+]
Elizondoko osasun etxeko medikuaren bulegoan ez da medikurik izan gaur. Lehen eguna dute herrian sendagilerik gabe eta kezkatuta daude. Bizilagunak Baztango Osasun Plataforman batzartzen hasiak dira eta asteazkenetan protesta egiten dute kalean egoera salatzeko.
IMQ osasun enpresa pribatuak “baldintza ekonomiko esklusiboak” eskaintzen dizkie unibertsitate publikoko milaka langileri eta beren familiei, %15eko beherapenarekin “gutxienez”. Urteak dira unibertsitate publikoak osasun aseguru pribatuen eskaintza... [+]
Gizartea kontzientziatzeko eta informatzeko kanpaina bat abiatu dute LAB, CGT, STEILAS, ESK, CNT eta LSB-USO sindikatuek, Nafarroako Osasun Plataformak eta Osasun Publikoaren Aldeko Herri Plataformak.
Milaka pertsona elkartu dira larunbat honetan Araba, Bizkaia eta Gipuzkoako hiriburu bakoitzean,“osasun publikoaren narriadura, desegitea eta pribatizazioa” salatzeko. Osakidetzako aurrekontuaren %25 Lehen Mailako Arretara bideratzea eskatu dute.
Osasun publiko eta kalitatezkoaren aldeko manifestazioak izango dira larunbat honetan. Eguerdiko 12:00etan Gasteizen eta Bilbon, eta 17:00etan Donostian.
Nafarroako Osasun Plataformak salatu du osasun sistema publikoa gainbeheran dagoela eta pribatizatzen ari dela.