Euskal Herriko pobreenak 65 urtez gorako emakumeak dira
1.080 eurokoa izatea gutxieneko pentsioa. Zenbaki horretan jarria du duintasunaren marra Pentsionistak Martxan plataformak. Eta larunbat honetarako manifestazio masiboak espero dira. Marra horretatik urrunen emakumeak daude, EAEko pentsioen arrakala Espainiako handienetakoa baita. Hara zer dioten datuek:
Gutxieneko pentsioa zenbat gizonek eta zenbat emakumek jasotzen dute?
637,7 eurokoa izan da gutxieneko pentsioa 2017an. Espainiako Lan eta Gizarte Segurantza Ministerioaren datuen arabera, EAEn iaz gutxieneko pentsioa jaso zuten gizonezkoak 16.462 izan ziren (%6,14), eta emakumeak, berriz, 50.168 (%17,96). Informazio iturri beraren datuak eskuan hartuz, Nafarroan gutxieneko pentsioa jaso zuten gizonak 7.537 izan ziren (%11,16), eta emakumeak, aldiz, 18.118 (%27,25).
EAEko pentsioen arrakala, Espainiako altuenetakoa
eitb.eus-ek 2017ko urtarrilean argitaratu zuen albistean ,UGT sindikatuak egingiko ikerketaren datuak eman zituen eta hauxe diote: emakumeek batez beste % 44,84 gutxiago jaso zutela EAEn. Asturiasen ostean (%50,46), arrakala handiena duen autonomia erkidegoa zen. Iturri beraren arabera, EAEn 108.140 emakumek eta 215.151 gizonek jaso zuten erretiro-pentsioa. Emakumeek bataz beste 837,84 euro jaso zituzten, eta gizonek 1.518,85 euro. Soilik 2.819 emakumek lortu zuten erretiro-pentsio gorena jasotzea, 17.637 gizonek jaso bazuten ere.
Diru Sarrerak Bermatzeko Errenta jasotzen duten gehienak 65 urtez gorako emakumeak dira
Jasotzen dituzten pentsio eskasak osatzeko DSBEra jo behar izaten du erretiratu askok. Lanbide-ren otsaila honetako datuen arabera, Diru Sarrerak Bermatzeko Errenta jasotzen duten gehienak 65 urtez gorako emakumeak dira: 8.208. Bai gizon eta bai emakumeen artean, nabarmen multzorik handiena dira, hurrengo multzoaren bikoitza (40-44 adin tarteko emakumeak: 4.365). 65 urteko emakumeen kopuru honen ondorioz, 65 urtekoek osatzen dute DSBE jasotzen duten pertsonen multzo handiena: 10.695 (%18,1), beraz, hauetako 10etik 8 emakumeak dira.
DSBE jasotzen duten emakume guztien %24,1 osatzen dute 65 urtetik gorakoek, talderik handiena nabarmen. Aldiz, DSBE jasotzen duten gizonezkoen artean, 65 urtez gorakoak %9,9 dira, talderik txikienetakoa.
Mugimendu Feministaren irakurketa
M8an grebara deitu zuen Euskal Herriko Mugimendu Feministak, dei egin du martxoaren 17an pentsio duinen alde Bilbon egingo den manifestaziora joateko. Emakume pentsionisten egungo egoera honela azaldu dute: "Pentsio propioa izateko aukera izan dutenak, oso prestazio txikiak jasotzen dituzte eta gutxieneko beharrizanak asetzeko nahikoa izateko ere ez zaie heltzen. Beste askok ez dute berezko pentsioa lortzeko aukerarik izan bere bizitza guztian lan egin arren, besteak beste, ezkutuko ekonomian, etxeetan, zaintza lanetan. Eta ezin ditugu ahaztu miseriazko alargun pentsioak jasotzen dituzten emakumeak, zeinei hilabete bukaerara heltzea ia ezinezkoa egiten zaien".
Euskal Herriko Pentsiodunen Mugimenduak deitutako eta ELA, LAB, ESK, CGT, CNT, STEILAS, ETXALDE eta HIRU sindikatuek babestutako manifestazioak Bilbon, Gasteizen, Donostian eta Iruñean izan dira. Bertan, Euskadiko eta Nafarroako gobernuei eskatu diete zerga eta aurrekontu... [+]
Euskal Herriko Pentsiodunen Mugimenduak herri ekimen legegilea aurkeztuko du Gasteizko ganberan. Apirilaren 24ra arteko epea ipini dute sinadura gehiago biltzeko, eta dei egin diete Araba, Bizkaia eta Gipuzkoan erroldatutako 18 urtetik gorako pertsona guztiei. Hiru... [+]
Erretiroa hartu berri dutenen %4,9k uztartu behar dituzte pentsioa eta lanen bat Espainiako Estatuan. Estonian %55 dira.
Urtarrilaren 1etik aurrera pentsioak %0,9 handituko ditu Frantziako Gobernuak, hasiera batean iragarri baino lehenago, 2025eko uztailera arte ez baitzuen asmorik pentsioak igotzeko, 4.000 milioi aurreztea helburu.
Espainiako Estatuan egindako ikerketa baten arabera, erretiro-adina atzeratzeak ondorio kaltegarriak dakartza, ez bakarrik lehenago hiltzeko arriskua duen langilearentzat berarentzat, baita diru-kutxa publikoarentzat ere: 8.564 eurotan baloraturiko galera soziala izango luke... [+]
Euskal Herriko Pentsiodunen Mugimenduak bertso lehiaketa berezia jarri du martxan: "Bertsopentsiotan". "Ari garela, ari garela, astelehenero kalean" gaiari bertsoak jartzeko urtarrilaren 15a arte (astelehena) dute epea 60 urtetik gorako Euskal Herriko eta... [+]
1080€ Orain ekimenak, prentsaurreko bidez, larunbatean 17:30ean Baluarte plazatik abiatuko den manifestazioan parte hartzeko deia luzatu du. Eta gainera, dei berezia egin nahi izan diete nafar emakumeei, "pentsioetan ematen den genero arrakala ukaezina delako eta... [+]
Nafarroan 51.000 pertsona dira 1.080 eurotik beherako pentsioa dutenak. Horietatik %66 emakumeak dira. Nafarroako Gobernuak ardura har dezala eta gutxieneko pentsioak ziurta ditzala eskatzen ari dira.
Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.
Espainiako Enpresarien Zirkuluak dio pentsioen sistema publikoak "bost urte barru" kiebra ez jotzeko modua dela 68 eta 72 urte artera luzatzea erretiro adina. AEBetan eta beste zenbait tokitan eskuin muturrak darabilen diskurtso bera erabili du lobby honek.
Erretreten erreformaren kontrako manifestazioetako batean atxilotu zuten mauletarrak Baionako auzitegian deklaratu beharko du, datorren astean. Elkartasuna adierazi du hainbat herritarrek: “Errepresio gorakada azkartzen ari da”.
Erretreten erreformaren aurkako hamalaugarren greba eguna dute gaur Ipar Euskal Herrian. Frantziako Estatuko 250 bat hiritan egin dute manifestaziorako deia sindikatuek.
Zer pentsa ematen du apirilaren 28an egindako salaketek utzitako arrasto txikiak, eta haren segida bakarra izatea istripuen eta langileen heriotzen kate etengabea. Azkoitian, eraikuntzan beste behin ere, oso ohikoa eta beraz saihesgarria den istripuan hil da 62 urteko langilea... [+]
Astelehenean Bilbotik eta Bergaratik abiatu dira, eta asteartean Agurainetik. Ostegunean Gasteizen batuko dira hiru mobilizazioak.