Euskal Herriko ikurrak kendu dituzte Atarrabiako pilotalekuan, Nafarroakoa izan ezik
Martxoaren 5ean zabaldutako auto batek armarria “kentzea edo ezabatzea” agindu zuen, “jarrera politiko baten aldeko posizionamendua” dela eta “neutraltasun politikoaren aurka” egiten duelako. UPNk jarri zuen salaketa, eta Atarrabiako alkate Mikel Oteizak (EH Bildu) adierazi du “euskal kulturaren adierazpen kulturala” dela.
Martxoaren 5ean, Nafarroako Justizia Auzitegi Nagusiko (TSJN) Administrazioarekiko Auzietako epaimahaiak baztertu egin zuen Atarrabiako Udalak 2023ko iraileko epai baten aurka jarritako errekurtsoa. Epaiak udalerriko udal pilotalekuan margotutako Euskal Herriko armarria ezabatzeko agintzen zuen. Hori dela eta, Atarrabiako pilotalekuan Bizkaia, Araba, Gipuzkoa, Zuberoa eta Lapurdiko armarriak ezabatu ditu udalak, Nafarroakoa utzi du, eta gainontzeko espazioak hutsak utzi ditu. Armarriaren azpian “Euskal Herria” ezabatu eta “euskal pilota” jarri dute. Atarrabiako alkate Mikel Oteizak adierazi du hainbat aukera aintzat hartu ondoren, jatorrizko armarriaren zati bat mantentzea erabaki dela, ezabatutako lurraldeen falta nabaritzeko helburuarekin, Euskalerria irratiak informatu duenez.
Auzitegiak zabaldutako prentsa-oharrean adierazi zuten armarria udal pilotalekuan egotea “jarrera politiko jakin baten aldeko posizionamendu gisa agertzea” dela, eta botere publikoek “izan behar duten neutraltasun politikoaren aurka” egiten duela. Oteizak adierazi du ez dela adierazpen politiko bat, “euskal nortasunaren adierazpen kulturala baizik”. UPNk jarri zuen salaketa armarria jarri eta 10 urtera, Naizek informatu duenez.
Armarria “mezu bisuala” TSJNrentzat
TSJNren aurretik, Nafarroako Administrazio Auzitegiak ere armarria kentzea agindu zuen. TSJNren arabera, armarriak “sinbolo gisa, hartzaileari mezu bisual bat bidaltzea esan nahi du”. “Mezu bisuala esanahiz beteta dago, eta horien zati bat, gaur egungo testuinguru juridiko, politiko, administratibo eta sozialean, oso urrun dago apaindurazko helburu batera, edo historia, kultura edo kirol-errealitate hutsen izendapenera mugatzetik”, adierazi zuen TSJNk.
Auzitegiak ez du ukatu "Euskal Herria" terminoa erabiltzeko aukeretako bat “neutroa eta ez alderdikoia” izan daitekeela, baina jarduera politikoei erreferentzia egin die: “Era berean, ezin da ahaztu Nafarroa Euskal Autonomia Erkidegoan integratu nahi duen jarduera politiko nabarmena, eta gaur egun existitzen ez den eta zazpi lurraldeak barne hartzen dituen errealitate juridiko politikoa eratzeko asmo legitimoa ere”.
Nafarroako Fusilatuen Senitartekoen Elkarteak gogor kritikatu du Iruñeko Erorien Monumentuaren inguruan EH Bilduk, Geroa Baik eta PSNek egindako akordioa. "Pedagogia" egiteko toki hobeagoak daudela dio eta interpretazio zentroari Maravillas Lamberto izena... [+]
Esako urtegia handitzeko proiektua berraztertu dezala eskatu dio Chunta Aragonesista alderdiak Espainiako Gobernuari, tanta hotzak berriki utzitako hondamendia ikusita. Halako euriteak jasanez gero, Esak ur hori guztia askatzeko gaitasun nahikorik ez lukeela izango eta... [+]
Iruñeko Erorien monumentua faxismoaren salaketarako eta memoria demokratikorako Maravillas Lamberto interpretazio zentroa bilakatzea adostu dute EH Bildu, PSN eta Geroa Baik. Eraikinaren parte bat eraitsiko dute, eta adiera frankistako elementuak kendu edo estaliko... [+]
UNESCOk Munduko Biosfera Erreserben Sarea zabaldu du hamaika izendapen berrirekin, horien artean da Iratiko Oihana. Astearte honetan jaso dute diploma Zaraitzu eta Aezkoa ibarretako presidenteek Ariben.
56 urteko garraiolari lesakarra hil zen lanean Irunen, kamioia kargatzen ari zela. Transportes Etxetrans enpresako langilea zen. Aurten 11 garraiolari hil dira lanean, horietariko asko, azken hau bezala, bihotzekoak jota LAB sindikatuak ohar batean jakinarazi duen bezala... [+]
2022ko urrian Iruñeko Sadar futbol zelaian jokatu zen Espainiako eta AEBetako emakumezkoen futbol selekzioen arteko partiduko zaleak iraintzea eta jazartzea leporatu zizkioten hainbat laguni. Epaiketa egin berri da eta akusatuak absolbitu ditu Iruñeko Zigor Arloko... [+]
Lo Que no te Cuentan de Vitoria eta Lo Que no te Cuentan de Pamplona Telegram taldeak sortu ditu Lo Que no te Cuentan de Donosti taldearen administratzaileetako batek berriki. Gasteizko kontuak ez du jarduerarik momentuz, baina Iruñekoak 500 jarraitzailetik gora ditu eta... [+]
Nafarroan torturatutako ia mila pertsonaren errealitatea eraldatzen hasi berri dela azaldu du antolakuntzak. Nafarroako torturaren biktimen lehen aitortza ofiziala aurtengo apirilean egin zen, eta oraingoa antzeko prozesuetatik igaro diren beste torturatuekin eta gaian aditu... [+]
Ingurumena kaltetzen duten proiektuen aurrean laguntza tekniko, juridiko eta administratiboa eskaintzen du Sustrai Erakuntza fundazioak Nafarroan. Urteetako ibilbidea dute eta hamaika helegite eta informe osatu dituzte hainbat proiekturi aurka egiteko: AHT, harrobiak, zentral... [+]
Altsasuko enpresak likidaziorik gabeko hartzekodunen lehiaketa iragarri zuen pasa den asteartean, 48,8 miloi euroko zorra baitu autobusen enpresak. Gaur egun 367 pertsonak egiten duten lan bertan.
Indar armatuek zibersegurtasunari buruzko lehiaketa bat antolatu eta ekimena Nafarroako DBH ikastetxe guztietara heldu da; amaierako fasea Aranjuezeko Guardia Zibilaren akademian ospatuko dute. LAB sindikatuak gogora ekarri ditu duela hainbat urte irakasleen ideologiaren arabera... [+]
Altsasun autobusak egiten dituen enpresako administrazio kontseiluak hartzekodunen konkurtsoa aurkeztu du asteazkenean. Langileen ordezkariek eskatu dute "benetako plan industrial" bat martxan jartzeko eta manifestaziora deitu dute, igandean Altsasun.
ErriBerri eraikuntza enpresak sei hilabete ditu Izabako lursaila “inguruarekin bat datorren egoera naturalean” uzteko. Orain lanen bigarren faseari ekingo diote, hondakinak, zimenduak eta gasolio depositu zaharrak kentzeko.
Jaietako lehenengo egunean txosnen debekuaren aurkako manifestaldia egin zuten milaka lagunek Lizarran, eta bertako askok ‘Bajadica del Puy’ kalejiran jarraitu zuten protesta. Udaltzaingoak egotzi die "desordena publikoak" eragitea.