Euskal Herrian izan den apostasia kolektiborik handiena ari dira egiten Zestoako Gaztetxearen alde
Gipuzkoan, 700 apostasia eskaera baino gehiago lortu dituzte Zestoako Gazte Asanbladak eta Langile Kontrolpeko Espazioen Defentsa Komunitateak. Bihar protesta bat egingo dute Donostiako Artzain Ona katedralean, aurrera baitoa Gaztetxearen kontrako prozedura: hilaren 24an epaituko dituzte bi gazte.
Huste arriskuan jarraitzen du Zestoako (Gipuzkoa) Gaztetxeak. Urtarrilaren 24an epaituko dituzte bi gazte Azpeitian (Gipuzkoa), Gaztetxearen kontrako prozedura judizialari lotuta: kalte-ordain eta isun handiak eskatzen dituzte haientzat. Epaiketa horren barruan erabakiko dute, gainera, espazioa hustuko duten edo ez eta, desalojoa agintzekotan, noiz izango den.
Zestoako Gazte Asanbladak iazko otsailean birjabetu zuen Elizondo eraikina izandakoa, Gaztetxe bilakatzeko. Izatez, Elizaren jabetzakoa da eraikina, eta salaketa bat jarri zuen Gipuzkoako gotzaitegiak. Horren ondorioz, iazko apirilean epaitu zuten Gazte Asanbladako kide bat, baina absolbitu egin zuen epaileak.
Gazte Asanbladak maiatzean jakinarazi zuen Elizak berriz egin ziola mehatxu: hilabetea bukatu aurretik Gaztetxea husteko esan zien gazteei, eta, egiten ez bazuten, bide judizialarekin aurrera jarraituko zuela. Horixe egin du azkenean, eta aurrera doa Gaztetxearen kontrako prozedura.
Zestoako Gazte Asanbladak eta Langile Kontrolpeko Espazioen Defentsa Komunitateak kanpaina bat izan dute martxan: Zestoako Gaztetxearen alde, "salerosketaren eta diruaren Elizari" apostasia egitera deitu dute azken asteetan. Atzo jakinazi zuten arrakastatsua izan dela kanpaina: 700 apostasia eskaera bildu dituzte Gipuzkoan, eta Euskal Herrian inoiz egin den apostasia kolektiborik handiena ari da izaten.
Ostiralean protesta Donostian, eta hurrengo asteazkenean epaiketa
Zestoako Gaztetxearen kontrako prozedura eten dezatela exijitzeko, gaur, hilaren 19an, elkarretaratze bat egingo dute Donostian (Gipuzkoa). Zestoako Gazte Asanbladak eta Langile Kontrolpeko Espazioen Defentsa Komunitateak deituta, Artzain Ona katedralean izango da protesta, 18:00etan hasita.
Bestalde, hurrengo asteazkenean, hilaren 24an, izango da Gaztetxearen aurkako epaiketa. Egun horretarako ere egingo dute mobilizazio deialdi bat, eta laster emango dute horren berri.
Gasteizko Auzitegiko laugarren aretoak ebatzi du Gasteizko isunak bertan behera uztea, eta Bilboko isun batzuk 2.500 eurotik 1.800era murriztea, "gehiegikeria" egon zela argudiatuta. Ernairen arabera, Segurtasun Sailak "arbitrariotasunez" eta... [+]
Israel entitate sionista Palestinan egiten ari den "genozidio eta sarraski terrorista" salatzeko Lekeitioko hainbat eragilek txandakako hamar orduko elkarretaratzea egingo dute abenduaren 28an.
Isunak baliogabetzeko helegitea jarri zuten Ernaiko gazteek eta arrazoi eman die epaileak. Naiz-ek eman du epaiaren berri eta ostegun honetan 10:30ean eginen du prentsaurrekoa Ernaik, zehaztapen guztiak plazaratzeko.
Berriki Pierre Carles dokumental egile engaiatuaren azken lana ikusteko aukera izan dut. Guérilla des FARC, l'avenir a une histoire (FARC gerrilla, etorkizunak historia du) du izena eta Kolonbian mende erdi baino gehiago iraun duen gatazka armatuaren kontakizun... [+]
Hiru hilabetez iraun du Mazango auziak, Gisèle Pelicotek irekitakoa, zeineten ikertu duten urte luzez senarrak somniferoz drogatu eta berak zein beste dozenaka gizonek 200 bat aldiz bortxatu izana. 51 gizon epaitu dituzte, eta senar ohi Dominique Pelicotentzat 20 urteko... [+]
Larunbat arratsaldean istiluak izan ziren gaztetxe berriaren atarian, Ertzaintza gogor oldartu zen gaztetxeari babesa ematera joandakoen aurka. Hori dela eta, ehunka lagun bildu dira igande honetan foam jaurtigailu bidezko kargak salatzeko eta udalaren jarrera seinalatzeko... [+]
Armagintzari loturiko Hego Euskal Herriko “enpresa, zentro edo erakundeak” hirukoiztu egin dira azken hamabost urteetan, Gasteizkoak talde antimilitaristak hurrenez hurren 2008an eta 2024an egindako ikerketen datuek azaleratu dutenez. Aurkeztu berri duten... [+]
Mendebaldeko agintariek gerraren aldeko apustua egin dutela salatzeko mobilizazioak antolatu ditu Gazte Koordinadora Sozialistak Bilbon eta Iruñean. Faxismoaren gorakadaren aurrean mobilizatzeko deia egin du.
“Ikertzaileen esperientziak komunikabideekin eta sare sozialekin duten harremanean” izeneko txostena argitaratu du FECYTeko Science Media Centre Españak (SMC), EHUko Gureiker ikerketa-taldearekin lankidetzan egindako inkesta batean oinarrituta. Emaitzen... [+]
EHBaik Autonomia estatutu baterako proposamena prestatu du, gure nazioaren burujabetza osorako bidean etapa gisa.
Erasoen aurrean “kikilduko ez direla” eta "nazkaturik" daudela adierazi dute Lezo eta Errenteriako feministek eta autodefentsa feminista eta ekintza zuzena aldarrikatu dituzte.
Kaletik Gaztetxera asanbladak ostiralean jakinarazi zuen lehengo Correos birjabetu duela, Gaztetxe bilakatzeko. Hainbat ekimen antolatu dituzte bertan azken egunetan, eta jende andana bertaratu da.