EHEk Abadiñoko institutuan gertatutako hizkuntza eskubideen urraketa salatu du
EHEk Abadiñoko Matiena auzoan dagoen institutuan egindako hizkuntz eskubide urraketa salatu du. Irakasleek hiru formazio saio gaztelaniaz jaso zituzten. Gertaerak euskarak hezkuntzan duen bigarren mailako papera agerian uzten duela argi du taldeak eta aldarrikatu du D ereduko ikas guneak, euskaraz ikasteko ez ezik, euskaraz bizitzea ere posible den guneak izan behar dutela, bai ikasleentzat eta bai langileentzat.
Euskal Herrian Euskaraz taldeak hizkuntz eskubide urraketa eta irakasle bati egindako "erasoa" Lehen eta Bigarren Hezkuntzako irakasle talde batekin eta hainbat herritarrekin batera salatu du.
Gertakariak duela urtebete pasa ziren, 2019ko urriaren 9, 16 eta 23an, Matienako institutuan. Irakasleentzako hiru formazio saio eman ziren gazteleraz. Lehen formazio egunaren hasieran, protesta sendoak izan ziren hainbat irakasleren aldetik, izan ere, D ereduan formazioak euskaraz egitea zegokiela argudiatu zuten arren, saioak aurrera egin zuen gazteleraz.
2019ko urriaren 16an bigarren saioa izan zen. Irakasleetako bat ez zen formazio saiora agertu gazteleraz izango zela jakinda. Egun honen ostean, irakasle kaltetuari jakinarazi zitzaion espediente arin bat irekiko zitzaiola eta ondorioa bi orduko soldata kentzea izango zela. Hau jakinda, irakasleak Hizkuntza Eskubideen Behatokian eman zuen gertakarien berri. Astebete beranduago, urriaren 23an, gaztelerazko hirugarren saioa izan zen eta zigortutako irakaslea ez zen formazio saiora agertu. Diziplina espedientea irekitzearen ondorioz lau orduri dagokion soldata kendu zaio irakasleari.
EHE-k salatu nahi du ukatu egin dela formazioak D ereduan euskaraz jasotzeko eskubidea: "D ereduko ikas guneek, euskaraz ikasteko ez ezik, euskaraz bizitzea ere posible den guneak izan behar dute, bai ikasleentzat eta bai langileentzat". Langileen eskubidea aldarrikatu dute: "Esparru guztietan irakasle eta profesionalon jarduera euskaraz edukitzeko eskubidea. Larria da XXI. mendean oraindik ere honela ibiltzea non eta Abadiñon bertan". Hezkuntza Sailari leporatu diote hizkuntza eskubideak errespetatzeko ardura bere gain hartu beharrean, bere erantzukizunari muzin egin eta egoera salatu duen irakaslea zigortzea.
Hainbat eragile eta ikaslek atxikimendua adierazi diote irakasleari Euskal Herrian Euskaraz taldeak atera duen oharrean, esaterako, Durangaldeko Ikamak, AEK-k eta Ernaik.
EHEk deituta, Baionan manifestazioa egin dute apirilaren 6an. Euskararentzat eta euskaldunentzat justizia eskatu dute, eta Euskararen Errepublika aldarrikatu. Hilaren 11n EHEko bi kide epaituko dituzte Baionako auzitegian desobedientzia ekintza bat egin izanagatik.
Behatokiak Hizkuntza Eskubideen Egoera 2024 txostena aurkeztu du. Herritarrek helarazitako gertakarien bilduma aztertuta, ondorioztatu dute 2024an egoerak ez duela hobera egin, eta gainera, kexak jaso dituzten hainbat entitateren eskutik urraketak iraunarazteko jarrera sumatu... [+]
Ez atera zalapartarik, ez konfrontatu, ez biktimizatu... eta obeditu. Subjektu zapaldu gisa, kasu honetan euskaldun gisa, mintzo gara, zenbatetan entzun behar izan ditugu halakoak? Ironiaz, honelaxe esan zuen, duela bi urte, Euskaltzale Independentiston Topaketan, Amets... [+]
Euskal Herrian Euskarazek manifestazioa deitu du apirilaren 6rako, 11n EHEko bi kide epaituko dituztelako. Hiriburuetatik autobusak antolatzen ari dira. Bi helburu bete nahi dituzte, batetik, epaituak izango diren bi kideei babesa erakustea, eta bestetik, euskararentzat justizia... [+]
ELA sindikatuak azaldu duenez, azken Lan Eskaintza Publikoaren oinarrien arabera, Ertzaintzarako eskainitako lanpostuen %20ak eta Udaltzaingoaren %30ak ez daukate euskara-eskakizunik. Gasteizen, adibidez, udaltzain-lanpostuen erdietan, 24tan, ez dago euskara-eskakizunik.
Ba al dakizue frantses batzuk harritu egiten direla mugaren alde honetan ere euskaldunak bagaudela jakitean? Ba bai, harrigarria bada ere, behin, Donostian, frantses batzuei entzun nien sinetsi ezinik beren buruari galdetzen: “Saint-Sébastien est au Pays... [+]
"No entiendo, en castellano por favor" eta gisakoak ohikoak dira eskolako guraso Whatsapp taldeetan, baina Irungo Txingudi ikastola publikoan euskara hutsean aritzeko modu erraz eta eraginkorra dute, behar duenarentzat itzulpen sistema berehalakoa ahalbidetuta.
.jpg)
Hizkuntz Eskubideen Behatokiak jaso ditu kexak: bisita gidatuak gaztelania hutsean, eta sarrerako zerbitzuetan ere bai. Bitxia da kontua: baskoien mintzairaren hitzak dituela uste den brontzezko objektua ikustera joan... eta azalpenak gaztelaniaz. Kexek eragina izan dute, eta... [+]
Gabonetako argiak pizteko ekitaldia espainolez egin izanak, Irungo euskaldunak haserretzeaz harago, Aski Da! mugimendua abiatu zuen: herriko 40 elkarteren indarrak batuta, Irungo udal gobernuarekin bildu dira orain, alkatea eta Euskara zinegotzia tarteko, herriko eragileak... [+]
Manifestazioa goizeko 11:30ean izango da, Justizia Jauregian. Mugimenduak euskaldunon eskubideen alde eta auziperatuekiko elkartasunean luzatu du deialdia. Auziperatuek iazko Euskararen Egunean Baionako Justizia Auzitegian "Justizia Euskararentzat" pintaketa egin zuten... [+]
Eskola segregatua izan da Gasteizko Judimendi ikastetxe publikoa, hiri guztiko ikasleak hartu ditu, jatorri atzerritarreko familien seme-alabak. Baina A hizkuntza eredutik D eredura igarotzeaz gain, auzoak eskola bere sentitzeko eta auzoko familiak erakartzeko egindako... [+]
Ertzain patruila batek hizkuntz tratu desegokia eman diela salatu dute Donostiako bi herritarrek. Isuna jaso zuten, behin eta berriz euskaraz artatuak izateko eskatu ondoren. Arartekoak kargu hartu dio Ertzaintzari.
Irungo euskaldunen pazientziak gainezka egin du; haserre daude eta oraingoan ez dira "isilik geratuko". Gabonetako argiak pizteko ekitaldia erdara hutsean egin izanak hiriko 35 elkarte eraman ditu udalaren hizkuntza politika salatzera –aurrekari gutxi izango ditu... [+]
