Euskal Herrian ere justizia eskatu dute Samuelentzat: “Ez dute ezer egiten faxismoaren gorakada gelditzeko”
Samuel Luis Muñiz galiziarraren hilketa homofoboak eragindako amorru olatua Euskal Herrira iritsi da. Halako erasoen atzean dauden gorroto diskurtsoak, instituzioen jarrera epela, erasotzaileen inpunitatea, jende askoren beldurra eta borrokan jarraitzeko premia nabarmendu dituzte LGBT+ elkarteek.
Gizon batek 24 urteko Samuel Luis Muñiz gazteari “marikoi” deitu eta bortizki jo zuen, A Coruñan. Handik gutxira beste hamabi lagunekin itzuli eta hiltzeraino jipoitu zuten. Hilketak oinarri homofoboa duela zalantzan jartzen ari direnei erantzunez eta erasotzaileak inpune atera ez daitezela eskatuz, mobilizazioak egin dituzte astelehenean Espainiako Estatuko hiri ugaritan, baita Hego Euskal Herrikoetan ere. Xustiza para Samuel, Samuelentzat justizia aldarrikapenak hartu ditu kaleak.
Gorrotoaren konplizeak
“Halako erasoak gorroto diskurtsoaren gorakadaren ondorio zuzena dira, ahotsa ematen dieten politikarien eta hedabideen konplizitatearekin. Aurpegia zuritzeko, instituzio eta enpresek aniztasunaren festan hartzen dute parte, baina ez dute ezer egiten faxismoaren gorakada gelditzeko, eta eztabaidara ekartzen dituzte transexualen bizitzak edota aniztasunean hezteko beharra, faxismoari hegoak emanez”, salatu du EHGAM Euskal Herriko sexu askapenerako mugimenduak.
“Zenbait talde politiko eta sozialen diskurtso LGTBIfobikoak” jarri ditu erdigunean Gehitu Euskal Herriko Lesbiana, Gay, Trans, Bixesual eta Intersexualen elkarteak ere.
Beldurra azpimarratu du ALAS A Coruñako Askatasun Afektibo eta Sexualaren aldeko kolektiboak, “gutako edozein izan zitekeelako”. Luma izateak kalera izututa ateratzea dakarrela diote; “ezin dugu onartu lumak jendea heriotzara eramatea”.
Manada inpuneak
Erasotzaileak “beti manada berdinak” direla dio ALASek. “Gauez egiten dute eraso, enbarazu egiten dielako garen bezalakoak izaten eta nahi dugun moduan janzten ausartzea”. “Gizon heterosexual, matxista, homofobo eta transfoboak dira, patriarkatuak babestuta. Ez gaituzte gure joeragatik, identitateagatik, adierazpenagatik… akabatzen, beren LGBTfobia eta misoginiagatik akabatzen gaituzte, egin dezaketela sentitzen dutelako”, salatu du EHGAMek.
Hain juxtu, oihartzun mediatikoa lortzen duten kasuetatik harago, eraso gehienak ez direla ikertzen eta erasotzaileak zigorrik gabe geratzen direla gogoratu du Gehituk.
Heziketa eta borroka
Horrexegatik da hain inportantea gorroto diskurtsoei bide egin ordez baloretan heztea, eta heziketan jarri du fokua Gehituk. Berdin ALASek, aniztasun mezuak eskoletatik ateratzeko batzuek egiten duten kanpainari erreferentzia eginez: “LGBTI mugimenduok ez dugu doktrinatzen, giza eskubideetan, aniztasunean eta berdintasunean hezten dugu”.
“Gure amorrua antolatzen segitzea dagokigu, aliantza antipatriarkalak sortzen, sare indartsuak josten, borrokan jarraitzeko kolektiboak elikatzen, atzera pauso bakar bat ere ez emateko. Ez dadila geratu erasorik erantzunik gabe, entzun gaitzatela, harro ikus gaitzatela eta beldurra beraiek izan dezatela”, dio EHGAMek, tinko.
Elkarretaratzea Iruñean
Astearte honetan ere bada mobilizaziorik. Arratsaldeko 20:00etan elkarretaratzea deitu dute Iruñeko Gaztelu enparantzan Nafarroako LGBT+ kolektiboek, “Autodefentsa da bide bakarra” lelopean.
XV. mende bukaeran edo XVI. mende hastapenean Belauntzako Katalina atxilotu, preso sartu, torturatu, guziaz desjabetu eta erbesteratu egin zuten, Oiartzungo Maritxurekin “haragizko harremanak” ukateagatik. 500 urtez isilean eta artxiboetan galdurik egondako... [+]
Larunbatean Makean izanen da Hamza Abuhamdia, Parisen bizi den palestinar queer-a, Palestinaren aldeko topaketaren kari. Israelek bideraturiko pinkwashing-ari buruzko tailerra eskainiko du –bat-bateko euskarazko itzulpenarekin– arratsaldeko 15:30ean. LGBT pertsonen... [+]
Alfonso Setiey Anitzak elkarteko lehendakariak esan du langile eta informazio falta dagoela, itxaron zerrenda “luzea” dela eta estigmatizazio “handia” dagoela.
Epaimahaiaren esanetan, dokumentala beharrezkoa da "bizikidetzari espazioa emateko", eta era berean, ez ahazteko urte luzez lesbianismoak ez duela ikusgarritasunik izan. Filminen dago ikusgai.
'Queertopia' da aurtengo Zinegoak jaialdiaren izenburua. Queertopiek erakusten dute posible dela errealitate ezberdinak harremanetan jartzeko espazioak sortzea. Alaitz Arenzana jaialdiko zuzendariarekin eta Julen Nafarrate komunikazio arduradunarekin duela 21 urte Bilbon... [+]
Joten erritmora harro erakusten du luma Itxi Guerra aktibista antikapazitistak (Madril, 1998). Gorputz desgaituek bizi dituzten biolentziak balioztatzeko eta sistemari aurre egiteko saretzearen garrantziaz mintzatu da. Gorputzaren bizigarritasuna aldarrikatu du:... [+]
Alemaniako gizonezkoen futbol profesionalean ari diren hainbat futbolari armairutik ateratzekoak ziren maiatzaren 17an. Sekretuan eta kluben bizkar biltzen ari ziren jokalariak, baina espektatiba altuak ezerezean geratu dira, ez da inor armairutik atera. Futbol maskulinoaren... [+]
Maiatzaren 5ean mobilizatzeko deia luzatu dute 800 eragilek Politis komunikabidean plazaraturiko iritzi artikulu baten bitartez. Tartean daude besteak beste, Annie Ernaux idazlea, Hiesaren aurka dabilen Act Up elkartea, Planning Familial talde feminista ezaguna,... [+]
Pasa den otsailaren 24an Egia, Justizia eta Erreparaziorako ekitaldi bat antolatu zuten Bilbon, Mugarik Gabe erakundeak, Bizitu Elkarteak, Feministaldek, Mujeres del Mundok, Zehar Errefuxiatuekin elkarteak eta Colectiva Feminista Para el Desarrollok. Hiru indarkeriak ardaztu... [+]
Gorputzak, identitateak, desirak, justizia soziala, ahalduntzea eta memoria: sei arlo horien bueltako unitate didaktikoak kaleratu dituzte, DBH eta Batxilergoko ikasleekin lantzeko. LGBT+ pertsonen testigantzak, diskriminazioa eta aldarrikapenak oinarri, “armairuan... [+]
Apirilaren 26, 27 eta 28 hauetan iraganen da Euskal Herriko bolleren topaketa, Leitza herrian. Izenak argiki dioen gisara bollerei irekitako jardunaldiak dira, baina, oro har, sexu/genero disidente oro da gomitaturik. Egitarau aberatsa eta askotarikoa ondurik, taldean... [+]
LGTBI kolektiboko hamar lagunetik bederatzik sekretuan mantentzen du bere sexu-joera laneko nagusien aurrean, eta lautik hiru ez da armairutik ateratzen lankideekin. Zergatiez, beldurrez eta arriskuez hitz egin dute Espainiako LGTBI+ Federazioak egin duen ikerketan.
Etxe honetan askok ezagutzen dute Elena Guinea: 2021eko abenduan aldizkariaren azalean agertu zen, titi bakarrarekin eta irribarretsu, alboan zituela Sandra Barkaiztegi eta Olatz Mercader. Iñurri elkartearen (Min)bizi podcastean entzungo zuten beste hainbatek —Argia... [+]
Santomasetan bi homofobok sudurra apurtu zioten 23 urteko gazte bati eta kasu horren harira hainbat galdera egin dizkio Elkarrekin Podemos-IUk Eusko Jaurlaritzari, LGBTfobiari aurre egiteko neurrien inguruan. Bilboko EHGAMek ere badu zer esana: "Zisheteronorma babesten... [+]
Eliza katolikoak abenduaren 18an argitaratu zuen Fiducia supplicans agirian bikote homosexualak bedeinkatzeko aukera eman zuen. Abenduaren 29an, beste agiri baten bidez, Marc Aillet Baionako apezpikuak Aita Santuaren hitzak bere modura interpretatu zituen. Bere elizbarrutiko... [+]