Baionan eskaini dute prentsaurrekoa 30 bat euskal preso eta iheslari ohik, urtarrilaren 6an. Larunbatean Sarek eta Bakegileek antolaturiko hitzorduetan parte hartzeko deia luzatu dute.
"Pertsona guztientzako eskubide guztien errespetuan oinarrituko den agertoki berrira" heltzeko asmoz, bake prozesua bururaino eramateko beharra azpimarratu dute 30 bat euskal preso eta iheslari ohik Baionan egindako prentsaurrekoan. Larunbat honetan Sarek eta Bakezaleek antolaturiko ekimenetan parte hartzeko deia luzatu dute: "Preso guztien kaleratzea, erbestean dauden guztien etxeratzea eta militante guztien eskubideak errespetatzeko prozesua gauzatzeko ordua da". Jokin Etxebarria eta Saroia Galarragak irakurri dute adierazpena.
2020 urte bukaeran Frederic Xistor Haramburu kartzelatik atera izanak presoen auziari dagokionez "ikuspegi berri bat" islatzen duela sinetsi nahi dute preso eta iheslari ohiek ere. Hala ere argi dute: "Aukera bat zabaldu da, baina mobilizatzen jarraitu behar dugu". Ipar Euskal Herriko gehiengo politiko eta sozialaren mobilizazio, aktibazio eta erabakitasunaren emaitza gisa kokatzen dute azkenean Haramburu kartzelatik atera izana; eta urrats berriak lortzeko bidean, "elkarlanean jarraitzeko" deia luzatu dute aho batez.
2021 urteak kartzelaldiaren 31. urtean sartu diren Jakes Esnal, Ion eta Unai Paroten askapena ekarri beharko duela diote, eta baita eritasunak dituzten presoen etxeratzeak ere.
Salatu dutenez, COVID-19aren izurriteak ondorio negatiboak izan ditu euskal presoengan eta haien senideengan: "Kartzelan ezarri diren osasun neurriek isolamendua areagotu dute, bisiten murrizpen edo bertan behera uztearekin". Osasun krisiaren hastapenean, milaka preso askatuko zituela hitz eman zuen Frantziako Gobernuak, baina "terrorismoaren aurkako legedien aitzakipean" askapenak ez zituzten euskal presoetara bideratu. Erabakia "onartezina" dela ebatzi dute, "are onartezinagoa" esklerosi anizkoitza duen eta COVID-19an positibo eman zuen Ibon Fernandez Iradiren eta aurten 70 urte bete dituen Jon Gurutz Maizaren kasuan.
"Konfinamendu garaian hartutako neurriekin lotutako kontrol sozialaren ugaritzeak gogorarazten digu gure askatasuna mugatua dela eta uneoro zalantzan jartzen dela". Hain zuzen, preso eta iheslari ohi gisa ere, bortitza izaten ari da COVID-19 garaia. Azken asteetan ugariak izan dira preso ohien atxiloketak errepide kontroletan: Igor Uriarte, Jon Irazola, Peio Alcantarilla eta Oier Oaren kasuak ditugu adibide gisa. Hori horrela, beste behin gauza bera exijitu beharra dute: "Gure herrian askatasunez bizitzeko eskubidea".
"Jarrera proaktiboagoa" eskatu dio Eusko Jaurlaritzaren Justizia Sail berriari Sarek, abuztuaren 20an egindako prentsaurrekoan. Espetxeetako normalizazioa "oraindik urruti" dagoela salatu dute, ikusita 148 presoetatik "ehun preso baino gehiago" egon... [+]
Bakio, Laida, Lekeitio, Mutriku, Orio eta Donostian egin dituzte Etxeratek urtero antolatzen dituen hondartzetako mobilizazioak. Aurten Sare Herritarra batu da aldarrikapenera.
Hamahiru urte pasa ditu preso Atristainek, iragan abendutik hirugarren graduan zegoen eta martxoaz geroztik zigorra etxean betetzen ari zen kontrol telematikoarekin.
ETAko presoek espetxetik ateratzen direnean, egindako mina onartzeaz gain, "eragindako kaltea injustua" izan zela aitor dezaten lan egingo du Jaurlaritzak, María Jesús San José sailburu sozialistaren arabera.
Plataforma herritarrak gaur egun arte lortutakoaren balioa nabarmendu du, eta adierazi du gizarteak “bultzada bat” eman behar duela “oraindik erbestean eta deportazioan daudenak” etxeratzeko. Etorkizuneko belaunaldiei gizarte hobeago bat uzteko garrantzia... [+]
Bi edizio baino ez zaizkio geratzen elkartasun jaialdiari. Antolakuntzak iragarri bezala, ohiko jaialdia eginen dute abenduaren 28an, eta 2025eko uztailean lau eguneko jaialdi berezi baten ostean, agur esateko une gazi-gozoa helduko da. Aritz Colio Hatortxuko antolakuntzako... [+]
2024ko abenduan eta 2025eko uztailean egingo dituzte euskal preso politiko, iheslari eta deportatuekiko elkartasuna ardatz duen musika jaialdiaren azken bi edizioak. “Hatortxu badoa, baina erreminta berriei bide emateko”.
Palestinako umeek ere galdera hori buruan ote duten pentsatu dut gure liburua eskuartean dudala. Zenbat lo falta ote diren genozidioa amaitzeko. Zenbat haur hil ote behar dituen oraindik Israel estatu sionistak munduko estatuen konplizitatearekin.
Beraien amei luzatuko ote... [+]
Torturatu zuten Iratxe Sorzabal presoa eta haren ama ditu protagonista Bi arnas dokumentalak. Duela bi urte abiaturiko prozesua borobiltzeko ekitaldia egin dute eta bide horretan lortutako etekin ekonomikoak bi elkarteri eman dizkiote: Harrera eta Axut! Ekitaldiak une... [+]
Espetxe eskaera AVT biktimen elkarteak egin du eta, horren bidez, presoen ongi-etorriak antolatzeaz akusatutako sei pertsonari bederatzi urteko espetxe zigorra eskatzen zaie.
Badira sei-zazpi urte kartzelan dauden presoek euskara ikasteko duten eskubidea bermatzeko helburuarekin, lanean aritu den euskara-irakasleen sare bat: Presoen Euskara Irakasleen Taldea.
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]