Euskal Herriak ofizialtasuna lortu du Ardi Moztaileen Munduko Txapelketarako
Euskal Herriko ardi moztaileek ofizialtasuna lortu dute nazioarteko lehiaketetarako, eta 2026ko munduko txapelketan parte hartzeko asmoa daukate. Lehenago, 2025ean, Euskal Herriko txapelketa egin nahi dute.
Ardi mozte eta artilea sailkatzeko munduko kontseiluak Euskal Herriari ofizialtasuna eman dio nazioarteko txapelketetarako. Igandean Uharte Arakilen ospatutako Artzain Egunean eman zen albistearen berri, baina berez 2023an Edinburgon egindako txapelketan hartu zen erabakia. Ofizialtasuna emateko erabakia hartu zuen munduko kontseiluak Joseba Attard-ek, Euskal Ardi Moztaileen Elkarteko (EAME) lehendakariak, egindako aurkezpen baten ostean, non nabarmendu zituen “artzaintzak eta ardiei ile mozteak Euskal Herrian duten garrantzi kultural paregabea eta bertako tradizioak zaintzeko zein lehenengo sektorea babesteko egiten duten funtzioa”.
Euskal Herriak nazioarteko lehiaketetan parte hartzeko eskaera onartu zuten bertaratutako hamabost nazioek, Frantziak eta Espainiak barne. Euskal Herria nazioartean aintzatetsitako ekitaldietan lehiatzen diren nazioen liga entzutetsu batean sartuko da orain.
Hurrengo txapelketa 2026an izango da
Golden Shear World Council artilea mozteko eta lantzeko munduko erakundeak nazioarteko txapelketak hiru urtean behin antolatzen ditu, “ardi mozketak eta artilearen kudeaketa sustatzeko helburuarekin”. Hurrengo ekitaldia 2026ko martxoan izango da Mastertonen (Zeelanda Berria). Bitartean, Euskal Ardi Moztaileen Elkartea babesa eta laguntza bilatzen ari da Euskal Selekzio bat osatu ahal izateko. Taldea ondorengoek osatuko dute: bi moztaile makinaz, beste bi artaziz, bi artile kudeatzaile, epaile batek, entrenatzaile batek eta taldeburu batek.
“Ardi ile mozketak ezinbestekoak dira animalien ongizaterako. Prestatutako profesionalek ahalik eta modurik eraginkorrenean eta azkarrenean mozten dute artilea. Mozketa lehia ikusteko modukoa da, eta moztaile bakoitzak final batean, adibidez, 20 ardi mozten dituen hamabost minutu baino gutxiagoan”, adierazi dute Uharte Araklien egindako aurkezpenean. Munduko Kontseiluan honako herrialdeak aritzen dira: Zelanda Berria, Australia, Hegoafrika, Irlanda, Ingalaterra, Eskozia, Gales, Ipar Irlanda, Man uhartea, Frantzia, Espainia, AEB, Alemania, Norvegia eta Austria. Ohikoan Zelanda Berria ibili izan da nagusi txapelketan, baina azken bi edizioetan Galeseko moztaileek irabazi dute.
2024ko maiatzean sortu zen Euskal Ardi Moztaileen Elkartea eta 2025ean Munduko lehiaketaren aurretik Euskal Herriko Txapelketa antolatu nahian dabiltza. Horretarako bazkideen, babesleen eta batzorde antolatzaile baten bila dabiltza.
Euskal selekzioaren ofizialtasuna lortzera bidean urratsa eman du Nazioarteko Euskal Pilota Federazioak, Euskadiko Federazioa eskubide osoko kide izatea onartuta. “Lorpen historikoa da”, zioen Euskadikoak pasa den abenduaren 28an, baina zuhurtziaz mintzo zen,... [+]
Lapurdiko Makean egin du Euskal Selekzioa Orain elkarteak lehenengo biltzar nagusia. Iazko udan Frantziako selekzioarekin jokatzeari uko egin ziotela iragarri zuten Ipar Euskal Herriko hamabost pilotarik osatzen dute gaur gaurkoz ekimena, zeinak helburu duen, besteak beste,... [+]
Euskadiko Selekzioa lortzea, ezbairik gabe, lorpen historikoa izan da. Baina horretan geratzen bada, euskaldun askorentzat –ni barne, nafarra bainaiz– egunik ilunena eta tristeena izango da. Lehenengo egunetako poza eta berotasuna gozatu ondoren, itzul gaitezen... [+]
Hainbeste urte borrokan horren atzetik ibili ondoren, 34 urte, hain zuzen, oso pozik gaude orain egun batzuk, abenduaren 28an Inuzente egunean, Iruñean, Nazioarteko Euskal Pilota Federazioak antolatu zuen batzarrean hartu zen erabakiagatik. Zeren ondo bidean,... [+]
Askok espero zuen moduan, Nazioarteko Pilota Federazioak Euskadikoa onartu ostean eskubide osoko kide gisa, Espainiako kirol-erakunde, alderdi politiko edota hedabideek erabakiaren aurkako oldarraldia hasi dute, nork beretik presioa eginez. Ostegunean, Espainiako Pilota... [+]
.jpg)
Espainiako Federazioak salatu du ez zaiola parte hartzen utzi iragan asteburuko Nazioarteko Pilota Federazioaren biltzar nagusian, eta hori “bidegabekeria” dela. Biltzar hartan onartu zuten, bozketan, Euskadiko federazioa nazioartekoaren eskubide osoko kide gisa... [+]
Euskadiko Euskal Pilota Federazioa eskubide osoko kide izatea onartu du Nazioarteko Pilota Federazioak, larunbatean Iruñean egindako batzarrean. Ofizialtasuna lortzeko bidean urrats handia da, "lorpen historikoa", Euskadiko Federazioak adierazi duenez, baina... [+]
Iruñeko Labrit pilotalekuan ari da jokatzen 22 urtez azpiko XI. Munduko Euskal Pilota Txapelketa. Abuztuaren 31ra bitartean zazpi herrialdetako 200 pilotari baino gehiagok hartuko dute parte. Euskal selekzioak lehiatzerik ez duela-eta, haren ofizialtasuna eskatu dute... [+]
Euskal Herriko pilota selekzioa aldarrikatu du dozenaka pilotarik Hendaian egindako ekitaldi batean. Erabakia larunbatean, Hendaiako Beltzenia pilotalekuan egindako ekitaldi batean ezagutzera eman zuten.
Esquerra Republicanak egindako lege proposamena onartu du Espainiako Kongresuak, eta 2022ko Kirol Legea aldatuko dute.
Nazioarteko Euskal Pilota Federazioak batzarra egingo du, lehen aldiz euskal pilotarien estatusaren aldaketa aztertzeko prest azaldu ostean. Espainiako Pilota Federazioak bere aurkako "iraintzat" jo du asmoa, eta gaineratu du "izaera nazionalista aitortzea"... [+]
