Euskal Herriak Kapitalari Planto! plataforma sortu da, oldarraldi kapitalistari erantzuteko
Asteazkenean aurkeztu dute plataforma, eragile sozialek, sindikatuek eta alderdiek osatzen dutena. Bilboko Sabin Etxearen aurrealdean egin dute aurkezpen agerraldia.
Hauteskunde testuinguruaz baliatuta, agerraldiari ukitu performatiboa eman diote plataformako kideek: Sabin Etxearen aurrealdean eman dute ezagutzera plataforma, EAJren hauteskunde kanpainako murala gibelean zutela; horrez gain, EAJ, PP eta PSOEren propaganda kartel bana jarri dituzte panel batean, eta bakoitzaren ondoan tximu maskaraz jantzitako pertsona bat ageri zen keinuka. Keinuak ondokoa adieraztera zetozen: ez ikusi, ez entzun, ez mintzatu. Zeharkakoa izanik ere, mezu argia helarazi dute: “Euskal Herrira datozen enpresa handien aldeko politika” egiten ari direla seinalatutako alderdiak. Enpresei “sarritan alfonbra gorria jartzen diete erakundeek, interes orokorren aurka”, adierazi dute.
“Guztia da merkataritzarako bideragarria, dena izan daiteke negozio ona: hezkuntza, osasuna, ura, energia, lurra, zaintza, erosketa publikoa, inbertsioak, merkataritza digitala, berrikuntza, eta abar”, adierazi du plataformak. Desberdintasun, agintekeria eta jasangarritasun ezari dagonionez, kapitalismoak jendartea aurrekaririk gabeko puntu batera eraman duela azpimarratu dute. Beren aldetik, kapitalismoaren oldarraldiari erantzuteko batu dira. Botere korporatiboen aurka agertu da plataforma, hauen forma edozein delarik ere: “nazioarteko itunen bidez, multinazionalen gehiegikerien bidez edota finantza ekonomiaren erasoen bidez”.
Euskal Herriaren etorkizunaren gaineko ardurak eraman ditu plataforma sortzera, herri bezala kapitalari eta botere korporatiboen ezarpenari aurka egitea xede. “Burujabetzaren alde borrokatu behar dugu herriok. Baina ez aberastasuna nola banatzen dugu erabakitzeko bakarrik, baita pertsonak erdigunean jarri, eta nola eta norentzat ekoizten dugun erabakitzeko ere. Lan eta giza politiken inguruko erabakiak gure lurraldean hartu behar ditugu. Horretarako, lan harreman eta babes sozialerako euskal eremuaren garapena ezinbestekoa da”, azaldu dute.
Aurreratu dutenez, euskal korporazioen inguruko jarraipena egingo dute: “interes orokorraren aurka, gure lurraldean instituzioek jarritako alfonbra gorriarekin ezartzen diren transnazionalen jarduerak aztertuko ditugu”. Horrez gain, “gehiengo sozialaren ongizatea mehatxatzen duten politika publikoak” ere gertutik jarraituko dituztela jakinarazi dute.
Euskal Herria Bizirik sareak antolatuta eta 84 eragilek deialdiarekin bat eginda, 2.200 pertsona manifestatu dira "Lurraren defentsan" Azpeitian, apirilaren 13an. Goizean bertaratu direnek lau tailer eta mahai-inguru baten bidez aztertu dituzte zein diren berdez... [+]
2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]
Iazko abenduan hormigoi ekoizle den Lafarge lantegi batean burutu ekintza ekologistari lotua zen ekainaren 5eko sarekada. Kargurik eta kontrol judizialik gabe aske utzi dituzte atxilotu guziak.
Sainte-Solineko uraska inguruko gertakari lazgarriek galdera bat planteatzen dute: nola da posible 200 pertsona baino gehiago zauritzea (bi aldeetan) eta horietatik bik (manifestarien artekoetatik) hil ala biziko larrialdian jarraitzea zergatik eta segurtatzeagatik zulo bat... [+]
Aurélien Berlan filosofo eta baratzezainak denbora erdiz idatzi eta kurtsoak ematen ditu eta beste denbora erdia ‘bizirauteko lanetan’ ematen du, baratzean bezala etxean. 2021eko azaroan La Lenteur argitaletxe txikian plazaratu du ekologia politikoaren mundu... [+]
Azkenaldian Bilboko San Frantzisko auzoan desalojo ilegalak jazo direla salatuz eta errealitate horren aurrean antolakuntzara dei eginez, Desalojo ilegalei ez kanpaina abiatu dute hainbat kolektibok larunbatean. Juan Mari Aburto alkateak Plan Zubirik 2021-2025 aurkezteko auzora... [+]
Esta gerra no termina en Ucrania (Gerra hau ez da Ukrainan amaitzen / Katakrak) liburua idatzi berri du Raúl Sánchez Cedillok (Madril, 1969). Ukrainarren defentsarako eskubidea ulertuta ere, gerra gelditzea aldarrikatzen du, hori delako modu egokiena ukrainar... [+]
Azaroaren 19ko gauaz geroztik, Turkiak areagotu egin du Kurdistango herriaren aurkako erasoa, eta Rojava eta Siriako ipar-ekialdea bonbardatzeari ekin dio. Recep Tayyip Erdoganen gobernuak azaroaren 13an Istanbulen jazotako eztandaren erantzule egin du Kurdistango Askapen... [+]
Bilboko Udaltzaingoak legea hautsiz eta indarkeria erabiliz auzokide bat kale gorrian utzi duela salatu du Bilboko AZET Etxebizitza Sindikatuak, Blackstone funts putrearen jabetzako etxebizitza hustu ostean. Ostiralean jazo ziren gertakariak, San Frantzisko kalean, eta toki... [+]
Azaroaren 19tik intentsitate handiagoz ari da Kurdistani eraso egiten Turkia, bonbardaketak ari baita gauzatzen. Azaroaren 13an Istanbulen jazotako eztandaren erantzule egin du Kurdistango Askapen Mugimendua, eta argudio horrekin ekin dio operazio militar berriari. KNK... [+]
Koordinaziotik antolakuntzara jauzi egitea. Helburu horrekin bildu dira urriaren 29an eta 30ean Hego Euskal Herriko zenbait etxebizitza sindikatu, horietan militatzen duten 100 pertsona inguru bilduz. Goñiko Dorrekoa Euskal Udalekuak hautatu dituzte etxebizitzaren aldeko... [+]
Itsaso erdian zulaturiko txalupa bat, eta barruan pertsona bat, kubo bat eskutan hartuta ontzira sartzen ari den ura berriz itsasoratzeko ahaleginean, ekidinezina begiztatzen den urperatzearen aurrean ur azalean mantentzeko ahalegin desesperatuan. Irudi hori erreproduzitzen da... [+]
Urriaren 19an familia bat etxegabetua izateko arriskuan zegoela jakinarazi zuen duela astebete Bilboko AZET Alde Zaharreko Etxebizitza Sindikatuak. Etxegabetze aginduaren data iritsita, ez da kaleratzerik gauzatu. Sindikatuak larunbatean jakinarazi zuen antolakuntzaren eta lan... [+]