“Euskal Herri dekoloniala” aldarrikatuko dute Gasteizen, Elkanoren mundu biraren urteurrenean
Asteazkenean mobilizazioa egingo dute bigarren urtez jarraian, "ipar global eta zuriaren menderatze historikoa" salatzeko.
Elkanok mundu bira bukatu zueneko urteurrenean "Euskal Herria dekoloniala" aldarrikatuko dute Gasteizen, asteazkenean. Sustraiak taldeak mobilizazioa deitu du irailaren 6an General Loma plazan, 19:00etan, Gora Euskal Herria dekoloniala lelopean.
Iaz 500 urte bete ziren getariarra Sanlucar de Barramedako portura (Cadiz, Andaluzia) iritsi zenetik. Horregatik, jaiegun izendatu zuten irailaren 6a Araban, Bizkaian eta Gipuzkoan. Horren aurrean, dozenaka lagun elkartu ziren Arabako hiriburuko General Loma enparantzan, "Eusko Jaurlaritza zein Espainiako Gobernua pertsonaia honen inguruan zabaltzen ari ziren errelatoa zalantzan jartzeko" asmoarekin.
Aurten ere salatuko dute "ipar global eta zuriaren menderatze historikoa" eta hark eragindako "menderakuntza eta esklabotza". Sustraiak-ek zabaldutako testuan azpimarratu duenez, gure zibilizazioaren diskurtsoak "konkistatzailea abenturazale eta ustiatzailea inbertsore" bilakatzeko asmoa du.
Elkano eztabaidagai
Eztabaida iturri izan zen iaz jaieguna eta Mundu Biraren mendeurrenaren inguruko ospakizunak. Erakundeek babestu eta sustatutako kontakizunak azpimarratzen zuen itsas-espedizio horren buru euskaldun bat izatea, garai hartan euskaldunak itsasoan onenak eta trebeenak izatearen ikurra zela. Beste zenbait herri mugimenduk eta eragilek Elkanoren espedizioa orduko Espainiako Inperioaren hedatze kolonialaren zati gisa nabarmendu zuten, diskurtsoaren azpimarra dekolonitatean jarrita.
Nobel Akademiak iragarri ditu Medikuntzako, Fisikako eta Kimikako aurtengo irabazleak. Zazpi dira, eta zazpiak, gizonak, denak zuriak, eta AEB edo Erresuma Batukoak. Guztiz bete da, beraz, egun batzuk lehenago Nature aldizkariak egindako iragarpena. Aurreko urteetako irabazleen... [+]
Ez da kasualitatea Hispanitatearen eguna, Guardia Zibilarena eta Pilarreko amabirjinarena data berean izatea. Hirurek egitura zapaltzaileak irudikatzen dituzte (estatua, armada eta eliza). Bestalde, indigenen erresistentzia eta Espainiako Estatuak bere armada militar eta... [+]
1492ko urriaren 12an ez zen soilik Amerikako jatorrizko herrien genozidioa hasi. Europa munduko potentzia bilakatuko zuen Atlantikoko esklabotzaren negozioari ere bidea zabaldu zitzaion. Sistema kolonial erraldoi hori ezinezko zatekeen Cádiz bezalako metropolirik gabe:... [+]
Gurutzegramen zaletuek –eta beste inork gutxik– ezagutu ohi dute Txagos uhartediaren izena. Irla haietan handiena, Diego Garcia, aipatzen bada, gehixeago izango ginateke aditzera dugunak: ospea –ez batere gozoa– lortu du bertan dagoen base militar... [+]
Kanadako Elkarte Medikoak (CMA) barkamena eskatu die herri indigenei, praktika medikoentagik edo haien gabeziagatik historikoki eragin dizkieten kalte fisiko eta psikologikoengatik. Barkamen-eskea egin duen ekitaldi berean txosten bat aurkeztu du, medikuen jarduera antietikoak... [+]
Orain dela hilabetetxo batzuk eztabaida bizia piztu zen sare sozialetan. Bi bando buruz buru: Euskal Herria kolonia bat ote da? Nire uste apalean, ika-mika haren muina kolonialismo eta inperialismo hitzen definizioan zegoen, oso modu ezberdinean erabiltzen ari baitziren hitzok... [+]
Duela aste batzuk Sony etxeak Rise of the Rōnin bideojokoa kaleratu du, eta adituek jokoaren kokapen historikoa nabarmendu dute orduz geroztik. Jokoa XIX. mende erdialdeko Japonian kokatuta dago, Yokohama, Edo eta Kyoto inguruetan.
Edo aroaren azken urteak izan ziren... [+]