Euskal hedabideen eta EAEko erakunde publikoen arteko hitzarmena berritu dute
Euskal hedabideentzako 2022 eta 2024 urtetarako dirulaguntza deialdietarako hitzarmena aurkeztu dute ostiral goizean Bilbon. Hekimen euskal hedabideen elkarteak “aurrerapausoak” ikusi ditu, baina erakunde publikoen “engaiamendu erabatekoa” eskatu du berrikuntza sustatzeko.
Euskal hedabideen, Eusko Jaurlaritzaren eta Araba, Bizkaia eta Gipuzkoako foru aldundien artean dirulaguntza deialdiak adosteko hitzarmena aurkeztu dute Bilbon, Euskadiko Artxibo Historikoan egindako ekitaldian. Bertan izan dira Eusko Jaurlaritzako, Araba, Gipuzkoa eta Bizkaiko foru aldundietako eta herri ekimeneko euskal hedabideetako ordezkariak.
Erakunde publikoen eta euskal hedabideen arteko argazki horrekin irudikatu nahi izan dute euskararen berreskurapen eta normalizaziorako euskarazko komunikabideek duten garrantzia estrategikoa, eta 2022, 2023 eta 2024 urtetarako dirulaguntza deialdien hitzarmena aurkeztu dute. 11,5 milioi euro jarriko dira urtero hedabideak finantzatzeko, aurreko hitzarmenean baino %4,4 gehiago.
Bingen Zupiria Jaurlaritzako Kultura eta Hizkuntza Politika sailburuaren aburuz hedabideok “euskararen kalitatezko erabileraren ikuspegitik ekarpen azpimarragarria egiten dute. Gure hizkuntzak euskarazko hedabideak behar ditu”. Hartzaileek “gertukoaren eta urrunekoaren berri jasotzeko modua behar dute eta informazio hori euskaraz jasotzeko eskubidea dute”, gaineratu du sailburuak.
Badira hainbat urte euskal hedabideen sektoreko ordezkariek elkarrizketak abiatu zituztela Jaurlaritzarekin eta hiru aldundiekin, sektorearen beraren egonkortasuna bermatu asmoz, eta horren ondorioz 2019an hiru urtetarako dirulaguntza eredu berria abiatu zuten. Horrez gain, Euskal Hedabideen Mahaia ere jarri zuten martxan hainbat gaiez hitz egiteko, tartean 2022-2024 aldirako dirulaguntza deialdiak.
Hekimen: “Badago zer hobetua”
Herri ekimeneko hedabideak biltzen dituen Hekimen elkarteak “aurrerapausoak” ikusi ditu dirulaguntza deialdi berrian, baina azaldu du oraindik ez dela “sektorearen benetako beharrak asetzera iritsi”. Hekimeneko zuzendari Igor Astibiak ekitaldian azaldu duenez, Euskal Hedabideen Mahaian “lan handia egin da deialdi berriak erakunde publikoekin adosten saiatzeko”, baina oraindik hutsuneak daude eta “badago zer hobetua”.
"Hedabide sare indartsu eta dinamikoa pluraltasunaren eta informazio eskubidearen bermea ere bada" (Hekimen)
Astibiak euskal hedabideen sektoreak berrikuntzaren alorrean dituen beharrak azpimarratu ditu: “Hartzaileengana iritsi nahi badu trantsizio digitala egin beharra dauka, berrikuntzan sakondu beharra dauka, eta bide hori, bai ala bai, erakunde publikoek lagundu behar dute, ezinbestekoa den zerbitzu bat daukagulako jokoan". Zentzu horretan, administrazioari "engaiamendu erabatekoa" eskatu dio euskal hedabideen elkarteak.
Hekimenen ustez erakunde publikoen bultzada beharko du sektoreak “ahalik eta eskaintza onena egin eta hartzaile berriengana iristeko”. Izan ere, eskaintza “zabal eta sendo” horri esker euskaraz bizi nahi duen milaka lagunengana iristeko aukera dago. “Gainera, hedabide sare indartsu eta dinamikoa pluraltasunaren eta informazio eskubidearen bermea ere bada –dio Hekimenek–, eskaintza aniztasuna baita iritzi aniztasunaren oinarrietako bat. Eta ez dezagun ahaztu, iritzi aniztasuna da demokraziarako bermea”.
Gai tabu gisa marrazten da Euskal Herrian, baina munduan barna ez da horrela. Hizkuntz politikak ezin dira merkatu librearen logikan ipini, baizik eta kuotak edo kupoak ezarri behar dira. Beharrezkoak dira. Eta beharrezkoak dira daudenak betetzea, ez baititu inork betearazten.
Justizian, osasungintzan eta gizarte zerbitzuetan euskara bermatu dadin, zerbitzu publikoak euskaraz jaso ahal izan daitezen, Nafarroako zonifikazioa amaitu dadin eta ETB3 Nafarroa osoan ikus dadin neurriak hartzeko eskatu dio Espainiako Gobernuari Europako Kontseiluko Adituen... [+]
Baionan egin dute agerraldia euskalgintzako 25 bat eragilek maiatzaren 15 honetan. Erakunde publikoen interpelazioaz gain, datorren urteko maiatzaren 15etik 25era iraganen den Euskaraldiaren berri emateko unea ere izan da.
2024 urte hastapenean adostuko du ondoko urteetarako hizkuntza politika Euskararen Erakunde Publikoak (EEP). Azken inkesta soziolinguistikoaren emaitzak eta EEPk 2050ari begira egindako aurreikuspenak esku artean, alarma gorria pizturik du euskalgintza sozialak: ezin da orain... [+]
Euskalgintzaren Kontseiluak "atsekabez" hartu du berria, baina atzerapenaren ostean onartuko duten esperantza du. Bestalde, gaurtik aurrera hizkuntza horiek erabili ahal izango dira Espainiako Kongresuan. Kontseiluak kezkaz hartu du euskal alderdietako politikariek... [+]
Andorrako katalanaren defentsarako lege berriak katalanaren oinarrizko maila eskatuko du bertan bizi eta lan egin ahal izateko. A2 titulua baino maila baxuagoa eskatuko dute.
Ostegunean jakin genuen: Espainiako Gobernuak eskatu du galiziera, euskara eta katalana hizkuntza ofizialak izan daitezela Europako erakundeetan. Zergatik? Kataluniako alderdi politikoek behartu dute horretara, negoziazioetan.
Atzerapausoa. Horrela baloratzen du Euskalgintzaren Kontseiluak, hizkuntza auziari eta euskararen sustapenari dagokionez, Nafarroako Gobernu berria eratuko duten alderdi politikoek sinatu duten 2023-2027 legegintzaldirako akordio programatikoa.
Hamabi irakaslek 2.040 idazlan zuzendu eta 680 ikasleren ahozko probak egingo dituzte 18 egunetan, “kontuan hartu gabe idazlan bakoitza bi irakaslek zuzentzea litzatekeela gure helburu ideala, bigarren iritzi bat izateko”. Jaume Gelabert Iruñeko Hizkuntza... [+]
EAEko Berritzeguneetan hurrengo ikasturtean lan egiteko deialdira aurkezten diren irakasleek aldaketa bat ikusiko dute beren lana ahoz defendatzeko jarraibideetan: aurreko deialdian “defentsa euskaraz egingo da” zioen lekuan, orain dio “defentsa ahal bada... [+]
Araba, Bizkaia eta Gipuzkoan, Hezkuntza Legean edo Administraziorako Euskararen Legean eragin nahi du Kontseiluak; Nafarroan, ofizialtasunaren aldarrikapena ardatzean jarri; eta Lapurdi, Baxe Nafarroan eta Zuberoan, berriz, ikasleek azterketak euskaraz egiteko eskubidea... [+]
Pantailaldiaren Arabako ordezkaria izan da Mitxel Elortza Exea. Ekimena arrakastatsua izan dela uste du herritarren parte hartzeagatik, baina astebetez euskarazko ikus-entzunezkoak soilik ikusteko erronka egunerokoan bete dadin lan asko geratzen da egiteko Elortzaren ustez... [+]
Euskararen Legea aldatzeko eskatu du Euskaltzaindiak eta bat egin du Euskararen Nafar Kontseiluak irailean egindako adierazpenarekin. Gogorarazi du euskararen akademia dela lurralde guztietan, hizkuntzari dagokionez, "instituzio aholku-emaile ofiziala".
Arangurengo Gongora jauregian Irulegiko eskuaren aurkezpenean María Chiviteren diskurtsoa izan da, askoren harridurarako, Aranzadiren aurkikuntzaren garrantzia azpimarratzeko indartsuenetakoa eta mamitsuenetakoa.
Txillardegiren heriotzaren 10. urteurrenean, Telesforo Monzon laborategiko Txillardegi Gogoeta Guneak, Jakinek eta UEUk elkarlanean antolatu dute XXI. menderako hizkuntza politikaz jardunaldia, XXI. mendeko erronken aurrean zer hizkuntza politika behar dugun argitu eta... [+]